Դավիթ Սանասարյան

Քենեդու սպանությունն ու կոռուպցիան. Դավիթ Սանասարյանը գրառում է արել Facebook–ում

191
ՊՎԾ պետը, չնայած իրեն առաջադրված մեղադրանքին, շարունակում է սիրել բոլորին։

ԵՐԵՎԱՆ, 19 ապրիլի – Sputnik. Պետական վերահսկողության ծառայության պետ Դավիթ Սանասարյանն ԱԱԾ–ի երեկվա աղմկահարույց հայտարարությունից հետո հերթական գրառումն է արել Facebook–ում։

«Խորհուրդ ու խնդրանք։ Հիմա պղտոր ջրում ձուկ բռնողների մի մեծ բանակ կա. նախկին իշխանության քարոզիչները, իբր ինձ պաշտպանելով, փորձում են իշխանությանը թուլացնելու իրենց մարմաջը բավարարել։ Բոլոր դեպքերում տեղեկատվական տարատեսակ տարափի պայմաններում մի պահ կանգ առեք և հիշեք, որ պետական շահը գլխավորն է։ Սիրելիներ ջան, գոտեպնդված ու միևնույն ժամանակ համեստացած եմ ձեր մեծ վստահության մթնոլորտում»,– գրել է նա։

Սանասարյանը նաև հետգրություն է թողել` նշելով, որ իրեն Քենեդու սպանության մեջ կասկածելն ավելի հիմնավոր կլիներ, քան կոռուպցիայի հետ կապ ունենալը։

ՊՎԾ պետը գրառումը եզրափակել է հայտնի արտահայտությամբ. «Սիրում եմ բոլորիդ»։

Նշենք` ԱԱԾ–ն երեկ հաղորդագրություն էր տարածել` նշելով, որ Սանասարյանին պաշտոնեական լիազորությունների չարաշահման մեղադրանք է առաջադրվել։

Հիշեցնենք` Պետական վերահսկողական ծառայության գնումների վերահսկողության վարչության պետ Սամվել Ադյանը և ՊՎԾ մեկ այլ աշխատակից՝ բժշկական սարքավորումների մասնագետ Գևորգ Խաչատրյանը, փետրվարի 26-ին ձերբակալվել էին բժշկական հաստատությունների կողմից հայտարարված հեմոդիալիզի պարագաների մրցույթներին ենթադրյալ միջամտության դեպքով հարուցված քրեական գործի շրջանակում։

Փետրվարի 27-28-ի գիշերը կալանավորվել է նաև մինչ այդ նույն գործի շրջանակում հարցաքննված «Զորաշեն» ՍՊԸ-ի ներկայացուցիչ Տարոն Ավետիսյանը։

Նշենք, որ հենց այս կազմակերպությունն է տարիներ շարունակ հեմոդիալիզի պարագաներ մատակարարել «Սուրբ Գրիգոր Լուսավորիչ» բժշկական կենտրոնին։

 

 

191
Ըստ թեմայի
Փաշինյանն իմ հանդեպ քաղաքական հետապնդում չի պատվիրի. Սանասարյանը` տարածված լուրերի մասին
«Իմ դեմ իրականացվողը շինծու է». Դավիթ Սանասարյանը գրառում է հրապարակել Facebook-ում
Սանասարյանի գործը. քավության նոխա՞զ է, թե Փաշինյանի «ներում չի լինելու» սկզբունքի թիրախ