«Սանիթեք»

«Սանիթեքը» քաղաքապետարանին կոչ է անում լինել օբյեկտիվ և հրապարակել նաև այլ մանրամասներ

80
«Սանիթեք» ընկերությունը կարծում է, որ, որպես օտարերկրյա ներդրողի, իրենց Հայաստանում պետք է տրամադրվի առավել բարենպաստ ռեժիմ և արդար ու հավասար պաշտպանություն:

ԵՐԵՎԱՆ, 18 ապրիլի – Sputnik. Հաշվի առնելով վերջին օրերին մամուլում աղբահանության և «Սանիթեք» ընկերության հետ կապված բազմաթիվ հրապարակումները, ինչպես նաև քաղաքապետարանի կողմից տարածված հայտարարությունն այն մասին, որ ընկերության նկատմամբ կիրառվել է տուգանք` քաղաքապետարանին կոչ ենք անում լինել օբյեկտիվ և հրապարակել նաև այն նամակները և նախազգուշացումները, որոնք «Սանիթեք» ընկերությունը դեռևս նախորդ տարվանից սկսած ուղղել է քաղաքապետարանին` պատկան մարմինների ուշադրությունը հրավիրելով աղբահանության ծառայությունների մատուցմանը խոչընդոտող խնդիրների և հանգամանքների վրա:

Այս մասին ասված է «Սանիթեք» ընկերության տարածած հայտարարության մեջ։

«Ավելին,  նախորդ տարվա հոկտեմբեր-նոյեմբեր ամիսների ընթացքում կայացել են մի շարք հանդիպումներ ու բանակցություններ և առկա են դրանց վերաբերյալ արձանագրություններ, որոնցում ամրագրված է, որ ընկերությունը բազմիցս տեղեկացրել է առկա խնդիրների մասին և զգուշացրել, որ անհապաղ լուծում չտալու դեպքում Երևան քաղաքը կկանգնի աղբահանության ճգնաժամի խնդիր առաջ, ինչին և այսօր ականատես ենք լինում»,–ասված է հայտարարության մեջ

«Սանիթեքը» տեղեկացնում է նաև, որ ընկերության կողմից վերհանված խնդիրները մինչ օրս չեն ստացել պատշաճ լուծումներ, իսկ իրենք կրել ու շարունակում է կրել ահռելի վնասներ և կորուստներ որպես օտարերկրյա ներդրող, որոնք դուրս են ընկերության պատասխանատվության շրջանակներից: «Սանիթեք» ընկերությանը, որպես օտարերկրյա ներդրողի, Հայաստանում մշտապես պետք է տրամադրվի առավել բարենպաստ ռեժիմ և արդար ու հավասար պաշտպանություն:

«Սանիթեքի» տեղեկացմամբ` փետրվար ամսին հայտարարվել էր աղբատար մեքենաների գնման գործընթաց (տենդեր), որի հետ կապված առկա էր նախնական պայմանավորվածություն այդ մեքենաները «Սանիթեքին» վարձակալության հանձնելու վերաբերյալ:

«Այս լուծման տարբերակն իրականություն չդարձավ, բայց կան բազում այլ լուծումներ, եթե կա ցանկություն դրանք լուծելու ու կողմերի միտումներն արդար են` կողմերը պետք է հավասարապես պաշտպանված լինեն օրենքի տեսանկյունից և հնարավորություն ունենան բարձրաձայնելու այն խնդիրների մասին, որոնց բախվում են: Մեղադրանքը հարցի լուծում չէ, հարցի լուծումը` փոխադարձ համաձայնությունն է»,–ասված է հայտարարության մեջ։

Վերջում «Սանիթեքը» խնդրում է գործընկերոջը պահպանել կոռեկտության սահմանները և հանրությանը ներկայացնել միմիայն օբյեկտիվ տեղեկատվություն, այլ ոչ միակողմանի ու ի շահ Երևանի քաղաքապետարանի։ «Սանիթեք» ընկերությունը ևս մեկ անգամ վերահաստատում է, որ ամբողջապես ապաքաղաքական ընկերություն է և ոչ մի քաղաքական վայրիվերումների չի ենթարկվում, այնպես որ խնդրում ենք մեր անունը չօգտագործել հավելյալ քաղաքական դիվիդենտներ ստանալու համար։

Հիշեցնենք, որ օրեր առաջ Երևանի քաղաքապետարանը «Սանիթեք» ընկերությանը տուգանել էր 13 միլիոն դրամով` պարտականությունները թերի կատարելու համար։ Ապրիլի 18–ի կառավարության նիստում վարչապետ Նիկոլ Փաշինյանը քաղաքապետ Հայկ Մարությանից բացատրությունը պահանջեց աղբահանության վիճակի համար։ Վերջինս, ներկայացնելով իրավիճակը, խնդրեց թույլ տալ թույլ տալ կազմակերպել աղբատարների գնման լրացուցիչ գործընթաց։ Կառավարությունը, քննարկումից հետո, համաձայնեց Երևանի քաղաքապետարանին թույլ տալ կազմակերպել աղբատարների գնման լրացուցիչ գործընթաց` չսպասելով դատարանի որոշմանը։

80
թեգերը:
Հայկ Մարության
Ըստ թեմայի
«Սանիթեք» VS հիդրոմետ. թե ինչ է կատարվում Երևանի փողոցներում
«Սանիթեք» ընկերությունը խոստանում է աղբի հարցը շատ արագ լուծել
«Սանիթեք» ընկերությանը տուգանեցին. այն 12.000.377 դրամ կմուծի