Նիկոլ Փաշինյանի և Սերժ Սարգսյանի հանդիպումը, արխիվային լուսանկար

Սերժ Սարգսյանի աշխատանքային իրավունքները նույնպես խախտվել են. Փաշինյանի համեմատությունը

235
Փաշինյանը նշեց, որ եթե ուսադիր կրողը պետական դրոշի նկատմամբ այդպես է վարվում, ինքը մնում է իր կարծիքին` նա ՊԵԿ–ում չպետք է աշխատի։

ԵՐԵՎԱՆ, 15 ապրիլի — Sputnik. ՀՀ վարչապետ Նիկոլ Փաշինյանը չգիտի, թե ՊԵԿ–ի` աշխատանքից ազատված աշխատակցի հարցում ինչո՞վ է մեղավոր ինքը։

Հիշեցնենք, որ Նիկոլ Փաշինյանն ապրիլի 14-ին Նորագավիթի ավտոմաքսատանը շրջայցի ընթացքում տեսել էր, որ անկյունում դրված է Հայաստանի դրոշը` կեղտոտ վիճակում և բարկացած կարգադրել էր բոլորին ազատել աշխատանքից։ ՀՀ վարչապետի այցից ու հայաստանյան դրոշի նկատմամբ ոչ պատշաճ վերաբերմունքի վերաբերյալ նրա նկատողությունից հետո աշխատանքից ազատվել էր ոչ միայն մաքսատան տվյալ աշխատակիցը, այլև տվյալ վարչության պետը։

«Կարո՞ղ եք բացատրել` ինչում եմ մեղավոր։ Թող դիմում չգրեր, ես ինչ անեմ։ Ասում են` Նիկոլը մեծամտացել ու ասում է` ոնց կանգնեն իր ներկայությամբ։ Տեսեք` եթե ՊԵԿ–ի այդ աշխատակիցը վարչապետի մոտենալուց է այդպիսի արձագանք առաջացնում, հիմա իրեն մոտեցող շարքային քաղաքացուն նա առհասարակ կարձագանքի՞։ Եթե ուսադիր կրողը պետական դրոշի նկատմամբ այդպես է վարվում, ես մնում եմ իմ կարծիքին»,–ասաց վարչապետը։

Լրագրողների հետաքրքրվեցին, թե ի՞նչ կասի Փաշինյանն` ԱԺ «Բարգավաճ Հայաստան» խմբակցության պատգամավոր Գևորգ Պետրոսյանի` իրեն ուղղված բաց նամակի մասին, որտեղ նշված էր, որ խախտվել է մարդու` աշխատանքային իրավունքը։ Ի պատասխան Փաշինյանը նշեց, որ եթե այսպես գնա, ապա հաջորդ նամակն ուղղված կլինի նրան, որ Սերժ Սարգսյանի աշխատանքային իրավունքները խախտվել են. «Սահմանադրության համաձայն` վարչապետ ընտրվելուց մեկ տարի հետո վարչապետը պաշտոնանկ անելու ենթակա չէր։ Ուրեմն` նրա աշխատանքային իրավունքները նույնպես խախտվել են։ Ինչի՞ մասին է խոսքը»։

Նշենք, որ վարչապետի` բոլորին աշխատանքից ազատելու կարգադրությունը սոցիալական ցանցերում շատերի կողմից քննադատվել էր` հիմնավորելով, որ մարդու աշխատանքային իրավունքները խախտվել են։

235
թեգերը:
Սերժ Սարգսյան, «Թավշյա հեղափոխություն», Նիկոլ Փաշինյան, Հայաստան
թեմա:
ՀՀ վարչապետ Նիկոլ Փաշինյան (791)
Ըստ թեմայի
Եթե պետք լինի տասնյակ հազարավորների ազատել աշխատանքից, կազատեմ. Փաշինյան
Դրոշի հետ կապված միջադեպից հետո ՊԵԿ աշխատակիցն ու վարչության պետն ազատվել են աշխատանքից
Նիկոլ Փաշինյանն աշխատանքից ազատել է կաշառքի վրա բռնված փոխնախարարին