Հայկ Սարգսյան

Սերժ Սարգսյանի եղբորորդին կհեռանա՞ Հայաստանից. դատարանը վերադարձրել է նրա անձնագիրը

288
Մեղադրող դատախազը դատարանում հայտարարեց, որ Ալեքսանդր Սարգսյանի որդին` Հայկ Սարգսյանն իրավունք ունի մեկնել Հայաստանից։

ԵՐԵՎԱՆ, 11 ապրիլի — Sputnik. Երևանի ընդհանուր իրավասության դատարանի Շենգավիթի նստավայրում այսօր ընթացող դատական նիստում դատարանը` դատավոր Աննա Դանիբեկյանի նախագահությամբ, որոշեց վերադարձնել Սերժ Սարգսյանի եղբորորդու` Հայկ Սարգսյանի անձնագիրը։

Նման միջնորդությամբ դատական նիստում հանդես եկավ վերջինի փաստաբան Երեմ Սարգսյանը։

«Նկատի ունենալով, որ ներկայում Հայկ Սարգսյանի նկատմամբ որպես խափանման միջոց գրավով կիրառելու հետևանքով վերացել է նրա անձնագիրը վարույթն իրականացնող մարմնում պահելու, ինչպես նաև ՀՀ–ից նրա ելքն արգելելու վերաբերյալ իրավական հիմքերը, խնդրում ենք վերադարձնել Հայկ Սարգսյանի անձնագիրը և ՀՀ ոստիկանության քրեական հետախուզության գլխավոր վարչությանը գրավոր հանձնարարել, որպեսզի դադարեցնեն նրա նկատմամբ կիրառված ՀՀ–ից ելքի արգելքը»,– ասաց Երեմ Սարգսյանը

Մեղադրող դատախազ Ա.Առաքելյանը հիշեցրեց, որ ՀՀ օրենսդրությամբ քաղաքացու անձնագիրը վերադարձվում է այն ժամանակ, երբ նրա նկատմամբ քրեական հետապնդումը դադարեցվում է։ Մինչդեռ Հայկ Սարգսյանի նկատմամբ քրեական հետապնդումը դադարեցված չէ։ Այս հիմքով դատախազը պնդեց, որ անձնագիրը Հայկ Սարգսյանին չվերադարձվի։ Դատախազը հիշեցրեց նաև, որ նախաքննության փուլում Հայկ Սարգսյանը մեկ անգամ արդեն փորձել է մեկնել Հայաստանից ու դարձյալ կարող է խուսափել քննությունից:

Այդուհանդերձ, դատարանը որոշեց բավարարել փաստաբանի միջնորդությունն ու վերադարձնել Հայկ Սարգսյանի անձնագիրը։

Դատավոր Աննա Դանիբեկյանն այս որոշումը հիմնավորեց այն հանգամանքով, որ Հայկ Սարգսյանի նկատմամբ խափանման միջոց է կիրառված գրավը: Հետևաբար, երկրից բացակայելը կսահմանափակվի չհեռանալու մասին ստորագրությամբ։

«Որպես երաշխիք, որ Հայկ Սարգսյանը չի խուսափի գործի քննությունից, կհանդիսանա վճարված գրավը։ Եթե Հայկ Սարգսյանը խախտի այդ պայմանը, ապա գումարը կբռնագանձվի, իսկ իր նկատմամբ ընտրված խափանման միջոցն էլ կփոխվի կալանքով»,– ասաց դատավորը։

Այսքանով դատական այսօրվա նիստը հայտարարվեց ավարտված, քանի որ դատարան հրավիրված վկաները` Արթուր Ղևոնդյանն ու Լարա Առաքելյանը նիստին չէին ներկայացել։

Դատարանը որոշեց Արթուր Ղևոնդյանին հայտնաբերելու համար դիմել իրավապահներին, իսկ Լարա Առաքելյանին ևս մեկ անգամ ծանուցում ուղարկել, և հաջորդ դատական նիստին չներկայանալու դեպքում բերման ենթարկելու որոշում կայացնել:

Հաջորդ դատական նիստը որոշվեց գումարել մայիսի 16-ին, ժամը 15։00–ին:

Հիշեցնենք` Հայկ Սարգսյանը կասկածվում է սպանության փորձի մեջ։

Քրեական գործը վերաբերում է 2007թ-ին։ Ըստ մեղադրանքի, 2007 թ-ի ապրիլի 1-ին Ալեքսանդր Սարգսյանի տան մոտ հնչած կրակոցից ստացած վնասվածքով հիվանդանոց էր տեղափոխվել Երևանի բնակիչ, 25-ամյա Դ. Սիմոնյանը։

Նույն օրը ոստիկանություն է ներկայացել Արթուր Ղևոնդյանը, ներկայացրել ատրճանակը, որից արձակվել էր կրակոցը, և հայտնել, որ այն գտել է մանկապարտեզի մոտից ու անզգուշությամբ կրակել ընկերոջ` Դ. Սիմոնյանի վրա։

11 տարի անց` 2018 թ-ի հունիսի 29-ին Դ. Սիմոնյանը դիմում է ներկայացրել դատախազություն՝ նշելով, որ իրեն կրակել էր ոչ թե Ա. Ղևոնդյանը, այլ Հայկ Սարգսյանը՝ իրենց տան առաջին հարկում գտնվող թիկնազորի համար նախատեսված սենյակում։

Հայկ Սարգսյանի նկատմամբ նախաքննության փուլում կիրառված կալանքն ավելի ուշ փոխարինվեց 50 մլն դրամ գրավով։

288
թեգերը:
Սերժ Սարգսյան, Հայաստան
Ըստ թեմայի
Ոստիկանապետը խոսել է Ալեքսանդր(Սաշիկ) Սարգսյանի մեքենայի խուզարկության մասին
ԱԱԾ–ն գործողություններ է իրականացնում Ալեքսանդր (Սաշիկ) Սարգսյանի տանը. լուսանկարներ
Ոստիկանությունը գտել է Ալեքսանդր Սարգսյանի որդուն. նա թաքնված էր Ֆրանկլին Գոնսալեսի անվամբ
Արցախ

Հայաստան–Արցախ մուտքի սահմանափակումները մեղմացվել են. ովքեր ու ինչպես կարող են մեկնել ԼՂ

4
(Թարմացված է 17:21 13.08.2020)
Արցախի Հանրապետության քաղաքացիություն չունեցող անձինք, այդ թվում  նաև ՀՀ քաղաքացիները օգոստոսի 12-ից սկսած Արցախ այցելելու համար այլևս ստիպված չեն լինի պարետից թույլտվություն ստանալ։

ԵՐԵՎԱՆ, 13 օգոստոսի - Sputnik. Հայաստանի կողմից Արցախի հետ սահմանը փակ չէ։ Sputnik Արմենիայի հետ զրույցում հայտնեց վարչապետի մամուլի քարտուղար Մանե Գևորգյանը` մեկնաբանելով սահմանների բացման մասին ՀՀ պարետ, փոխվարչապետ Տիգրան Ավինյանի` օգոստոսի 12-ի հայտարարությունը։

«Մեր կողմից փակ չէ Արցախի հետ սահմանը։ Հայաստանն Արցախ մուտքի որևէ սահմանափակում չի դնում։ Դա կարգավորվում է Արցախի իշխանությունների որոշմամբ»,– ասաց նա։

Հիշեցնենք` ՀՀ փոխվարչապետ, պարետ Տիգրան Ավինյանը՝ ԱԺ–ում ներկայացնելով Հայաստանում արտակարգ դրության ժամկետը երկարացնելու մասին որոշումը, նշեց, որ Իրանի ու Վրաստանի հետ ցամաքային սահմաններին դեռևս պահպանվում է սահմանափակումների նույն ռեժիմը։ Արցախի սահմանի վերաբացման վերաբերյալ Ավինյանը որևէ հայտարարություն չարեց։

Փոխարենը՝ խնդրին այսօր լուծում է տվել Արցախի պարետ, տարածքային կառավարման և զարգացման նախարար Ժիրայր Միրզոյանը։

Հայաստանի արտակարգ ամառն ու պաշտոնյաների ձախողված արձակուրդը. ո՞վ է ամենաշատը «հոգնել»

Պարետի որոշմամբ՝ Արցախի Հանրապետության քաղաքացիություն չունեցող անձինք, այդ թվում նաև ՀՀ քաղաքացիները, օգոստոսի 12-ից սկսած Արցախ այցելելու համար այլևս ստիպված չեն լինի պարետից թույլտվություն ստանալ, միայն թե սահմանին պետք է ներկայացնեն վերջին 3 օրվա ընթացքում կատարված ՊՇՌ թեստի բացասական պատասխանը։

Թեստավորման պարտադիր պահանջը չի տարածվի միայն մինչև 6 տարեկան երեխաների վրա։

Ինչ վերաբերում է Արցախի Հանրապետության քաղաքացիներին՝ նրանք Արցախից Հայաստան կարող են մուտք գործել միայն պարետի թույլտվությամբ, իսկ Հայաստանից Արցախ վերադառնալիս արդեն ստիպված կլինեն թեստավորվել ու իրենց հետ ունենալ թեստի բացասական պատասխանը։

Հիշեցնենք` Արցախի նախագահի որոշմամբ, Արցախում հայտարարված արտակարգ իրավիճակի ժամկետն այսօր երկարացվել է ևս մեկ ամսով` մինչև սեպտեմբերի 11-ը՝ ժամը 22:00-ն։

Հայաստանում ևս օգոստոսի 12-ին կառավարությունը որոշեց արտակարգ դրության ռեժիմը երկարացնել մինչև սեպտեմբերի 11–ը, 17։ 00–ն։

4
թեգերը:
թեստ, կորոնավիրուս, Հայաստան, Արցախ
թեմա:
Կորոնավիրուսը Հայաստանում և Արցախում
Ըստ թեմայի
Արցախում կորոնավիրուսով վարակվելու նոր դեպքեր են հաստատվել
Արցախում ևս ավելանում է կորոնավիրուսով վարակվածների թիվը. նոր տվյալներ
Արցախում կորոնավիրուսի ևս մեկ դեպք է հաստատվել. վարակվածը հիվանդանոցի աշխատակից է
Արցախում կորոնավիրուսի 5 նոր դեպք է հաստատվել
Հետիոտնային անցում

Ինչպես է ոստիկանության աշխատակիցը վրաերթի ենթարկել տղային. ՔԿ–ն` Ստեփանավանի դեպքի մասին

8
(Թարմացված է 17:10 13.08.2020)
Դեպքը տեղի է ունեցել Ստեփանավանի դպրոցներից մեկի մոտակայքում, ոստիկանության աշխատակիցը վրաերթի է ենթարկել ընկերոջ մեքենայով։

ԵՐԵՎԱՆ, 13 օգոստոսի – Sputnik. Ոստիկանության աշխատակիցը Ստեփանավանում հետիոտնին վրաերթի է ենթարկել, երբ ցանկացել է շրջադարձ կատարել։ Տեղեկությունը Sputnik Արմենիային հայտնեցին Քննչական կոմիտեից։

Ավելի վաղ տեղեկացրել էինք, որ ոստիկանության աշխատակիցը ոչ սթափ վիճակում վրաերթի է ենթարկել մի երիտասարդի։

«Պարզվել է, որ 2020թ. օգոստոսի 12-ին՝ ժամը 23:00-ի սահմաններում, ՀՀ ոստիկանության Լոռու մարզային վարչության Ստեփանավանի բաժնի ՊՊԾ դասակի վարորդը, վարելով ընկերոջը պատկանող «Opel Astra» մակնիշի ավտոմեքենան, Ստեփանավան քաղաքի Աշոտաբերդ թաղամասի շենքերից մեկի մոտակայքում՝ խաչմերուկին, ցանկացել է շրջադարձ կատարել դեպի աջ, որի ընթացքում իր վարած ավտոմեքենայով վրաերթի է ենթարկել նշված խաչմերուկում՝ ճամփեզրին կանգնած քաղաքացուն, որը ստացած մարմնական վնասվածքներով տեղափոխվել է Ստեփանավանի բժշկական կենտրոն»,– նշված է ՔԿ–ի հաղորդագրության մեջ:

Ստեփանավան քաղաքի բնակիչը՝ ծնված 1999թ, բուժկենտրոն է տեղափոխվել աջ սրունքի զույգ ոսկրերի բազմաբեկոր բաց կոտրվածք ախտորոշմամբ։

Կատարվել են ճանապարհատրանսպորտային պատահարի դեպքի վայրի և տրանսպորտային միջոցի զննություններ, բացատրություններ են վերցվել, նշանակվել են դատաբժշկական փորձաքննություններ:

ՀՀ քննչական կոմիտեի Լոռու մարզային քննչական վարչության Ստեփանավանի քննչական բաժնում նախապատրաստվում են նյութեր:

Երևանում երիտասարդների «փարթին» ավարտվել է դանակահարությամբ

8
թեգերը:
ոստիկան, Վրաերթ, Ստեփանավան, Հայաստան
թեմա:
Վթար, պատահար, սպանություն, գողություն
Ըստ թեմայի
Հրաշք լինում է. ողբերգական ավտովթարից տուժած 3 ամսական փոքրիկը դուրս է գրվել հիվանդանոցից
Աշտարակում կամրջից 53-ամյա տղամարդ է նետվել
Երևան-Երասխ ավտոճանապարհին 5 մեքենա բախվել են իրար. կա տուժած
Акция протеста проходит на заводе БелАЗ в Жодино (13 августа 2020).

Բելառուսի ԲելԱԶ և ՄԱԶ գործարաններում բողոքի ակցիաներ են ընթանում. տեսանյութ

0
Գործարանների աշխատակիցները չթույլատրված ցույցեր են անցկացնում և պահանջներ ներկայացնում իշխանությանը։

ԵՐԵՎԱՆ, 13 օգոստոսի – Sputnik. Բելառուսական գործարանների աշխատակիցները բողոքի ակցիաներ են իրականացնում՝ պահանջելով ազգային գործադուլ սկսել։

Ինչպես հայտնում է Sputnik Բելառուսը, բողոքի ակցիա է ընթանում Ժոդինոյի ԲելԱԶ գործարանի մոտ։ Մարդիկ վանկարկում են․ «Համազգային գործադուլ ենք պահանջում»։

Գործարանի ղեկավարությունը հրաժարվում է ընդունել, որ աշխատակիցները գործադուլ են անում, նախընտրում են ցույցն անվանել «հանդիպում կոլեկտիվի հետ»։ Աշխատակիցները պահանջում են տեղական իշխանությունների հրաժարականը, նրանք ուզում են, որ քաղաքից հեռացնեն հատուկ նշանակության ջոկատները (ОМОН) և իրենց մարզադաշտ տրամադրեն հանրահավաքի համար:

Միաժամանակ Nexta Telegram-ալիքը հայտնում է, որ ցույց և գործադուլ է ընթանում նաև «ՄԱԶ» գործարանում։ Հրապարակված լուսանկարում երևում է, թե որքան մարդ է հավաքվել։

Ավելի վաղ տեղեկություն էր տարածվել, որ գործադուլներ են անցկացվում Մինսկի Կոզլովի անվան գործարանում, մարգարինի գործարանում, «Բելշին» անվադողերի արտադրության ձեռնարկությունում և «Ինտեգրալ» էլեկտրոնիկայի գործարանում։ Սակայն նրանց ղեկավարությունը հերքում է այդ լուրը։

0
թեգերը:
գործադուլ, գործարան, Մինսկ, Բելառուս