Կենտրոնական հավաքակայան

Հայաստանում խաղացող ֆուտբոլիստներից 30–ը կազատվեն զինվորական ծառայությունից

29
Հավաքականների խաղացողները երկու տարի բանակ չեն զորակոչվի։ Կառավարությունը փորձում է զարգացնել հայկական ֆուտբոլը։

ԵՐԵՎԱՆ, 11 ապրիլի – Sputnik. ՀՀ կառավարության այսօրվա նիստում որոշում կայացվեց ֆուտբոլի երիտասարդների և մեծահասակների հավաքական թիմերի 30 մարզիկների 2 տարով ազատել պարտադիր զինվորական ծառայությունից։

Առաջարկը կառավարությանն էր ներկայացրել ՀՀ սպորտի և երիտասարդության հարցերի նախարարությունը, որն այս նախաձեռնությունը մեկնաբանում է «Եվրոպայի և աշխարհի փուլային ընտրական առաջնություններին լավագույն ձևով հանդես գալու և մեր երկրի պատիվը բարձր պահելու նպատակով»: Իսկ դրա համար, ըստ նախագծի, անհրաժեշտ է զարգացնել ֆուտբոլը Հայաստանում` ֆուտբոլի ազգային հավաքական թիմերը համալրելով բարձրակարգ և ուժեղագույն մարզիկներով։

Ֆուտբոլի երիտասարդների և մեծահասակների հավաքական թիմերից յուրաքանչյուրի կազմում ընդգրկված են 11 մարզիկներ՝ իրենց փոխարինողներով, յուրաքանչյուր տարիքային խմբում՝ ընդամենը 22 մարզիկ։

Նախարարությունը նպատակահարմար է համարել ֆուտբոլի նշված տարիքային հավաքական թիմերում ընդգրկված մարզիկներից տարեկան (ամառային և ձմեռային զորակոչեր) տարկետում տալ ընդհանուր առմամբ 30 մարզիկի։

29
Ըստ թեմայի
Տոնոյան. «Առողջական խնդիրներով զորակոչիկների ներկայությունը բանակում խնդրահարույց է»
Հայաստանի խորհրդարանը «ներեց» զորակոչից խուսափած 27 տարին լրացած անձանց
Հայաստանի հավաքականի ֆուտբոլիստներից մի քանիսը բանակ չեն զորակոչվի