Արթուր Վանեցյան

«Ֆեյք» լինելն օրենքի խախտում չէ. Վանեցյան

96
ԱԱԾ-ն նախօրոք չի ասում իր անելիքները։ Վանեցյանն անդրադարձել է «ֆեյքերի» դեմ պայքարի ներկա վիճակին ու հնարավոր զարգացումներին։

ԵՐԵՎԱՆ, 10 ապրիլի — Sputnik. Իշխանությունը գումար չի ծախսում «ֆեյք» էջեր պահելու համար։ Այսօր լրագրողների հետ զրույցում այս մասին ասաց ԱԱԾ տնօրեն Արթուր Վանեցյանը` անդրադառնալով վարչապետ Նիկոլ Փաշինյանի հրահանգով «ֆեյք» էջերի դեմ սկսած պայքարի թեմային։

Խոսելով «Դուխով Հայաստան» ֆեյսբուքյան էջը վարող քաղաքացու նկատմամբ հարուցված քրեական գործի մասին` Վանեցյանը հայտնեց, որ նա մեղադրվում է ՀՀ քրեական օրենսգրքի 226–րդ հոդվածով նախատեսված արարքի համար, այն է` ազգային, ռասայական կամ կրոնական թշնամանք հարուցելը։

Հարցին, թե կա՞ն արդյոք ԱԱԾ ուշադրության կենտրոնում հայտնված այլ «ֆեյքեր», Վանեցյանը պատասխանեց. «ԱԱԾ-ն նախօրոք չի ասում իր անելիքները։ Եթե կլինեն, կիմանաք»։ Իսկ «Դուխով Հայաստանի» գործով, ըստ Վանեցյանի, ներկա պահին քրեաիրավական կարգավիճակ ունեցող այլ անձինք չկան։

Ինչ վերաբերում է «ֆեյք» լինելուն, ԱԱԾ տնօրենը նշեց, որ դա ինքնին օրենքի խախտում չէ, քանի որ անանուն հանդես գալը մարդու իրավունքներից մեկն է։

«Այլ բան է, եթե այդ մարդը, հանդես գալով այլ անձի տվյալներով, փորձում է համացանցում կամ հասարակության շրջանում տարածել տեղեկատվություն, որը պարունակում է հանցակազմ»,– ասաց Վանեցյանը։

Հիշեցնենք` ՀՀ վարչապետ Նիկոլ Փաշինյանն ավելի վաղ հայտարարել էր, որ սոցցանցերում ու ԶԼՄ–ներում ֆեյքերի և մանիպուլյացիաների դեմ պայքարելու անհրաժեշտություն է հասունացել։ Նա ԱԱԾ ղեկավար Արթուր Վանեցյանին կարգադրել էր զբաղվել այդ հարցով, քանի որ դա նաև ազգային անվտանգության խնդիր է։ Ապրիլի 5-ին հայտնի դարձավ, որ ձերբակալվել է մի անձ, որը Facebook–ում վարել է «Դուխով Հայաստան բաց հասարակություն» էջը։ Ապրիլի 9-ին նրան կալանավորել են։

 

96
թեգերը:
Արթուր Վանեցյան, Հայաստան
Ըստ թեմայի
Փաշինյանը Վանեցյանին հանձնարարեց պայքարել ֆեյքերի դեմ
Շատ զգույշ. ԱԱԾ տնօրենը հայտնեց` ինչպես են պայքարելու ֆեյքերի դեմ
Ֆեյքերի դեմ պետք է պայքարել, բայց ավելի լավ է առանց ԱԱԾ–ի
Մարտիրոսյան. «Օրենսդրությունը ֆեյքերի հետ կապված փաստացի լուծումներ չունի»