Նիկոլ Փաշինյան

Նիկոլ Փաշինյանը կարգադրեց բոլորին ազատել աշխատանքից

690
ՀՀ վարչապետը զայրացավ Նորագավիթի ավտոմաքսատանը։

ԵՐԵՎԱՆ, 9 ապրիլի – Sputnik. ՀՀ վարչապետ Նիկոլ Փաշինյանն այսօր Նորագավիթի ավտոմաքսատանը շրջայցի ընթացքում նկատեց, որ տարածքն անբարեկարգ է ու խիստ զայրացավ:

«Սա խայտառակ, կեղտոտ վիճակ ա: Սա վերաբերմունք ա մեր դրոշին ու զինանշանին: Պարգևավճարները պակասեցրեք, տարածքը կարգի բերեք», - ասաց նա:

Փաշինյանը մտավ աշխատասենյակներից մեկը, հետո դուրս եկավ ու բարկացած ասաց.

«Բոլորն ազատվեն աշխատանքից, ովքեր այստեղ աշխատել են, բոլորը հեռացվեն աշխատանքից»:

Նրան ուղեկցող ՊԵԿ նախագահ Դավիթ Անանյանը հայտնեց, որ տարածքը վարձակալությամբ է տրված և ՊԵԿ-ին չի պատկանում։

«Որ տուն ենք վարձում՝ ապրենք, ասո՞ւմ ենք` ոչինչ, թող խոզանոց լինի, մենք ապրենք, մերը չի, չենք մաքրո՞ւմ էդ տունը, այդ պայմաններում պե՞տք է ապրենք»,- բարկացավ Փաշինյանը։

ՀՀ վարչապետը տեսել էր Հայաստանի դրոշները` գետնին դրված ու կեղտոտ վիճակում։

690
թեգերը:
Նիկոլ Փաշինյան, Հայաստան
թեմա:
ՀՀ վարչապետ Նիկոլ Փաշինյան (1056)
Ըստ թեմայի
«Նգարվելն ի՞նչ է, մե հադըմ տուն ուզեիր»․ ինչպես Փաշինյանը հասավ Գյումրի ու վերադարձավ
Գագիկ Ծառուկյանը դժգոհ է Նիկոլ Փաշինյանի թիմից
Փաշինյանը ելույթ կունենա Եվրոպայի խորհրդի խորհրդարանական վեհաժողովում
Մենք խաղաղություն պարտադրողի դերում ենք լինելու և ոչ պատերազմից վախեցողի. Փաշինյան
Ջեյմս Ապատուրայ

ՆԱՏՕ-ի գլխավոր քարտուղարի հատուկ ներկայացուցիչը կոչով դիմել է ԵԱՀԿ Մինսկի խմբին

1
ՆԱՏՕ-ն մտահոգությամբ է հետևում Հայաստանի և Ադրբեջանի սահմանին տիրող իրավիճակին և կոչ է անում կանխել իրավիճակի հետագա լարումը։

ԵՐԵՎԱՆ, 14 հուլիսի – Sputnik. ՆԱՏՕ-ն ԵԱՀԿ Մինսկի խմբի համանախագահներին կոչ է անում կանխել հակամարտության հետագա սրացումը Հայաստանի և Ադրբեջանի սահմանին: Այս մասին Facebook-ի իր էջում գրել է Հարավային Կովկասում և Կենտրոնական Ասիայում ՆԱՏՕ-ի գլխավոր քարտուղարի հատուկ ներկայացուցիչ Ջեյմս Ապատուրայը։

«Մենք մտահոգությամբ հետևում ենք զարգացումներին Հայաստանի և Ադրբեջանի սահմանին, որոնց ընթացքում օգտագործվում են ծանր զինատեսակներ և զոհվում են մարդիկ: Մենք միանում ենք կողմերին ուղղված ԵԱՀԿ Մինսկի խմբի համանախագահների կոչին՝ անհրաժեշտ միջոցներ ձեռնարկել հետագա լարումը կանխելու համար»,-գրել է նա։

Նշենք, որ այսօր տեղի ունեցավ ՀԱՊԿ մշտական խորհրդի հեռավար նիստը, որի ժամանակ ելույթով հանդես եկավ ՀԱՊԿ-ում ՀՀ–ի մշտական և լիազոր ներկայացուցիչ Վիկտոր Բիյագովը:Նա մանրամասն անդրադարձել էր հուլիսի 12-ին հայ-ադրբեջանական սահմանի հյուսիս–արևելյան ուղղությամբ Ադրբեջանի ագրեսիայի հետևանքով իրադրության լարմանը, Ադրբեջանի կողմից քաղաքացիական ենթակառուցվածնքերի և բնակչության թիրախավորմանը:

ՀՀ մշտական ներկայացուցիչը նշել է, որ Ադրբեջանի զինված ուժերը հրետակոծում են Չինարի և Այգեպար հայկական գյուղերի քաղաքացիական ենթակառուցվածքները, ինչի հետևանքով վնասվել են քաղաքացիական օբյեկտները, իսկ վերջին ժամերի ընթացքում անօդաչու թռչող սարքերը հրետակոծել են Բերդ քաղաքի քաղաքացիական ենթակառուցվածքները։

Հիշեցնենք` հուլիսի 12–ից սկսած իրավիճակը սրվել է հայ–ադրբեջանական սահմանի Տավուշի հատվածում։

Հուլիսի 12–ին` ժամը 12:30-ի սահմաններում, Ադրբեջանի զինված ուժերի զինծառայողները ՈւԱԶ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձեր են կատարել: Հայկական կողմի նախազգուշացումից հետո Ադրբեջանի զինծառայողները, թողնելով ավտոմեքենան, վերադարձել են իրենց դիրքեր:

Ժամը 13:45-ին Ադրբեջանի զինված ուժերի զինծառայողները կրկնել են հայկական զինված ուժերի սահմանային դիրքը գրավելու փորձը` կիրառելով հրետանային կրակ, սակայն ճնշվել են հայկական կողմից և, կորուստներ տալով, հետ շպրտվել:

Ավելի ուշ հայտնի դարձավ, որ ադրբեջանական կողմը վերսկսել է Տավուշի դիրքերի ուղղությամբ հրետակոծությունը: ՀՀ ՊՆ խոսնակ Շուշան Ստեփանյանը երեկ վաղ առավոտյան հայտնեց, որ երկու-երեք ժամվա դադարից հետո առավոտյան հակառակորդը վերսկսել է սադրիչ գործողությունները՝ շարունակելով հրետակոծել հայկական դիրքերի ուղղությամբ։

Պաշտոնական տվյալներով՝ Ադրբեջանն ունի 11 զոհ, իսկ հայկական կողմը` 4 զոհ և 5 վիրավոր։

1
Ռոման Բերեղզովսկի

Ռոման Բերեզովսկին այլևս «Փյունիկի» գլխավոր մարզիչը չէ

5
(Թարմացված է 21:07 14.07.2020)
Ռոման Բերեզովսկին իր փորձն ու տաղանդը կներդնի  դարպասապահների դպրոցի զարգացմանը «Փյունիկ» ակադեմիայում։

ԵՐԵՎԱՆ, 14 հուլիսի – Sputnik. Ռոման Բերեզովսկին այլևս «Փյունիկի» գլխավոր մարզիչը չէ։ Ինչպես տեղեկացնում է ակումբի Facebook-ի էջը, «Փյունիկ» ՖԱ-ն երկկողմ համաձայնությամբ խզել է պայմանագիրը թիմի գլխավոր մարզիչ Ռոման Բերեզովսկու հետ։

Տեղեկացվում է, որ «Փյունիկը» կշարունակի համագործակցել Ռոման Բերեզովսկու հետ։ Նա իր փորձն ու տաղանդը կներդնի  դարպասապահների դպրոցի զարգացմանը «Փյունիկ» ակադեմիայում ։

«Փյունիկ» ՖԱ-ն շնորհակալություն է հայտնում Ռոման Բերեզովսկուն թիմի գլխավոր մարզչի պաշտոնում ցուցաբերած բարձր պրոֆեսիոնալիզմի համար և մաղթում հաջողություն հետագա կարիերայում։

Ռոման Բերեզովսկին իր կարիերան սկսել է Երևանի «Կոշկագործ» (հետագայում՝ «Շենգավիթ») ֆուտբոլային ակումբում, որի կազմում 1991 թ. մասնակցել է ԽՍՀՄ 2-րդ խմբի Բ մրցաշարին։

10 գոլ, հաղթելու մեծ ցանկություն. Հայաստանի գավաթի եզրափակիչը` լուսանկարներում

Իր նորամուտը ազգային հավաքական նա նշել է 1996 թ. օգոստոսի 31-ին՝ աշխարհի առաջնության ընտրական փուլի մեկնարկային՝ Պորտուգալիայի հավաքականի դեմ Երևանյան խաղին։ Հայաստանի ազգային հավաքականի կազմում մասնակցել է Եվրոպայի առաջնության չորս ( 2000, 2004, 2008, 2012) և աշխարհի առաջնության հինգ (1998, 2002, 2006, 2010, 2014) ընտրական փուլերին։

Անցկացրած խաղերի քանակով Հայաստանի հավաքականի դարպասապահների ռեկորդակիրն է (71 խաղ)։

5
թեգերը:
մարզիչ, ՀՖՖ, ֆուտբոլ, Փյունիկ, Ռոման Բերեզովսկի