Լաբորատորիա

ՀՀ–ն կենսաբանական պաշտպանվածության առումով շատ թույլ է. Գրիգորյան

197
(Թարմացված է 13:47 08.04.2019)
«Մեկ Առողջություն» կոալիցիայի առաջնորդ Գրիգոր Գրիգորյանի խոսքով` պատկան մարմինները քաղաքացիներից լուրջ ինֆորմացիա են թաքցնում։

ԵՐԵՎԱՆ, 8 ապրիլի — Sputnik. ՀՀ կենսաբանական անվտանգության ազգային ծրագիրը, ըստ «Մեկ Առողջություն» կոալիցիայի առաջնորդ Գրիգոր Գրիգորյանի, կյանքի չի կոչվում, և պատկան մարմինները ոչ մի գործողություն չեն իրականացնում դրա իրականացման համար։ Այս մասին այսօր Sputnik Արմենիա մուլտիմեդիոն մամուլի կենտրոնում կայացած ասուլիսի ժամանակ ասաց «Մեկ Առողջություն» կոալիցիայի առաջնորդ Գրիգոր Գրիգորյանը։

Նրա խոսքով` կենսաբանական պաշտպանվածության առումով Հայաստանը շատ թույլ է։

«2017-ին կառավարության կողմից ընդունված ազգային ծրագիրը շրջանցվում է։ Արդյունքում ունենք մի շարք հիվանդությունների բռնկումներ և ինֆորմացիոն մանիպուլյացիա՝ երկու գերատեսչությունների` ՍԱՊԾ–ի և առողջապահության նախարարության կողմից: Ունեցել ենք թռչունների անկման, բրուցելոզի տարածման դեպքեր, որոնց պարագայում պատկան մարմիններն այդպես էլ սպառիչ պատասխաններ չեն տվել»,–ասաց Գրիգորյանը։

Նա հավաստիացնում է, որ պատկան մարմիններն այդպես էլ չեն հրապարակում, թե ինչ հիվանդություններ կան երկրում: Ըստ Գրիգորյանի` սննդի անվտանգության պաշտպանության ծառայությունն իր հաշվետվության մեջ նշում է, որ կենդանիների շրջանում բրուցելոզի 756 928 փորձաքննություն է իրականացրել, սակայն այդպես էլ չի հրապարակում, թե դրանցից քանիսն են հաստատվել։

Григор Григорян
© Sputnik / Andranik Ghazaryan
Գրիգոր Գրիգորյան

«Վերջին 6 ամսվա ընթացքում մարդկանց շրջանում արձանագրվել է բրուցելոզի 90 դեպք, ինչը նշանակում է, որ անասնաբուժական համակարգը ճեղք է տվել: Ավելին` վերջին վեց ամսվա ընթացքում 7224 աղիքային վարակի դեպք է գրանցվել ու պարզ չէ՝ ո՞րն է օջախը: Անցած տավա դեկտեմբերին էլ ասացինք, որ թռչունների անկում կա, բացի այդ, աֆրիկական ժանտախտ կար, ինչի հետևանքով Տավուշում խոզերի անկում եղավ ընթացիկ տարվա փետրվար ամսին, բայց էլի չասացին` ինչի հետևանքով է»,–ասաց նա ու հավելեց, որ ինքն արդեն կասկածում է, որ դիտավորությամբ են ինֆորմացիան ծածկում։

Գրիգորյանը նշեց նաև, որ 2017-ին, երբ Հայաստանում տուլարեմիայի բռնկում եղավ, այդ ժամանակ էլ համապատասխան արձագանք չեղավ: Ըստ նրա` Հայաստանում տուլարեմիան օդակաթիլային ճանապարհով էր տարածվել, իսկ դրա` օդակաթիլային տարածումն ավելի շատ կենսաբանական զենքի կիրառում է համարվում։ Գրիգորյանի խոսքով` մեր ազգային անվտանության ծառայությունը պետք է ուսումնասիրություն կատարի ու ասի` ինչպես է այսպես ստացվել: «Տուլարեամիա տարածումը կենսաբանական զենքի ամենատարածված տեսակներից է: Ոչ կոնտակտային պատերազմի մի ձև է սա»,–ասաց նա։

Հիշեցնենք, որ 2017–ին Արծվաբերդ համայնքում գրանցվել էր տուլարեմիայով վարակի 8-10 դեպք։ ՀՀ առողջապահության նախարարության «Հիվանդությունների վերահսկման և կանխարգելման ազգային կենտրոն» ՊՈԱԿ-ի տնօրեն Արտավազդ Վանյանը հայտարարել էր, որ տուլարեմիայի համաճարակ չկա, հիվանդության կրկնվելու վտանգ չի լինի։ Տուլարեմիան օջախային վարակիչ հիվանդություն է, որն ընթանում է ջերմությամբ, ավշային հանգույց¬ների ախտահարմամբ, ընդհանուր ինտոքսիկացիայով: Վարակի աղբյուր հանդիսանում են կրծողները: Մարդը վարակվում է հիվանդ կենդանիների, դրանց արտաթորանքով աղտոտված հացահատկի, խոտի, ծղոտի հետ շփվելուց, ջուրն օգտագործելուց, ջրամբարներում լողանալուց, հիվանդ նապաստակների, ճագարների անբավարար ջերմային մշակման ենթարկված միսն օգտագործելուց, ինչպես նաեւ հիվանդ կենդանիներից տուլարեմիայի հարուցիչը մարդուն փոխանցող արյունածուծ միջատների (տզեր, մոծակներ եւ այլն) խայթոցներից:

ՍԱՊԾ տեղեկատվության և հասարակայնության հետ կապերի բաժնի պետ Անուշ Հարությունյանը Sputnik Արմենիայի հետ զրույցում նշեց, որ նախ ՍԱՊԾ–ն ցանկացած հիվանդության ահազանգի դեպքում արձագանքում է ու դրա հաստատման դեպքում` տեղեկացնում քաղաքացիներին։

«Այս պահին էլ տեղի են ունենում պատվաստումներ դաբաղի հետ կապված, ինչպես նաև արյուն է վերցվում` բրուցելոզի հնարավոր հայտնաբերման համար։ Ինչ վերաբերում է թռչունների անկման դեպքերին, ապա, այո, մենք քաղաքացիներից ահազանգեր ենք ստացել, սակայն ոչ բոլոր դեպքերում ենք գնացել ու անկած թռչուններ հայտնաբերել։ Մնացած բոլոր` 8-9 դեպքի հետ կապված փորձաքննություն ենք իրականացրել ու պարզվել է, որ անկման պատճառը մեխանիկական վնասվածքներ են, ոչ թե հիվանդությունը»,–ասաց Հարությունյանը` ևս մեկ անգամ շեշտելով, որ ՍԱՊԾ–ն ցանկացած տեղեկություն հրապարակում է իր կայքում։

ՀՀ առողջապահության նախարարությունից էլ տեղեկացնում են, որ տարեկան հրապարակվում է վիճակագրական տարեգիրք` «Առողջություն ու առողջապահություն» խորագրով։ Տարեգրքում հրապարակվում են հիվանդացության և մահացության բոլոր տվյալները։

197
Ըստ թեմայի
Հայաստանը Վրաստանին 30.000 դոզա կարմրուկի պատվաստանյութ կտրամադրի. Թորոսյան
Կարմրուկի ախտանշաններն ու վտանգները
Դավիթ Գալստյան

Մեղադրանք է առաջադրվել Դավիթ Տոնոյանի նախկին խորհրդականին

43
(Թարմացված է 16:14 19.01.2021)
Դավիթ Գալստյանին մեղադրանք է առաջադրվել խոշոր չափերով յուրացման համար, նա անցնում է չորս քրեական գործերով

ԵՐԵՎԱՆ, 19 հունվարի – Sputnik. ՀՀ պաշտպանության նախկին նախարար Դավիթ Տոնոյանի նախկին խորհրդական, գործարար Դավիթ Գալստյանը որպես մեղադրյալ է ներգրավվել Ազգային անվտանգության ծառայությունում քննվող քրեական գործերից մեկով։ Տեղեկությունը «Սիվիլնեթին» են հայտնել Ազգային անվտանգության ծառայությունից՝ պատասխանելով գրավոր հարցմանը։ 

Վերջինս տիրապետում է մի քանի ընկերությունների, որոնք մասնագիտանում են զենքի առևտրում։ Գալստյանի հետ կապված կառույցները հայկական բանակի հիմնական մատակարարներից են։ Նրան է պատկանում նաև «Նեյտրոն» ՀԿ-ն, որը զբաղվում է Երևանում Կալաշնիկովի ինքնաձիգների հավաքմամբ։

ԱԱԾ–ից հայտնել են, որ Գալստյանին մեղադրանք է առաջադրվել պաշտպանության նախարարության մի խումբ պաշտոնատար անձանց հետ առանձնապես խոշոր չափերի բյուջետային միջոցներ յուրացնելու համար: Միջոցները նախատեսված են եղել պաշտպանական գնումների համար։

Ընդհանուր առմամբ հարուցվել է չորս քրեական գործ, որոնք վերաբերում են պաշտպանության նախարարության և գլխավոր շտաբի պաշտոնյաների կողմից պատշաճ լիազորությունների չարաշահմանը, ծառայության նկատմամբ անփույթ վերաբերմունքին և առանձնապես խոշոր չափերով միջոցների հափշտակմանը:

ԱԱԾ-ից հրաժարվել են պատասխանել այն հարցին, թե արդյոք Գալստյանին արգելված է լքել երկրի տարածքը։ Գերատեսչությունը վկայակոչել է հետաքննության գաղտնիքը։

43
թեգերը:
ՀՀ ազգային անվտանգության ծառայություն. ԱԱԾ, Հայաստան
ճանապարհային ոստիկաններ, արխիվային լուսանկար

Տեխզննման կտրոնները պետք չեն լինի․ ոստիկանությունն «ընթացքում» է ստուգելու մեքենաները

23
(Թարմացված է 15:57 19.01.2021)
Փոխվում է ավտոմեքենաների տեխզննման հաճախականությունը․ նոր մեքենաները զննում կանցնեն թողարկման 4–րդ տարում, մինչև 10 տարվա արտադրության մեքենաները` երկու տարին մեկ։

ԵՐԵՎԱՆ, 19 հունվարի – Sputnik. Հայաստանի իշխանությունը մտադիր է հրաժարվել մեքենայի դիմապակու վրա փակցվող տեխզննման կտրոններից և վերահսկողությունն իրականացնել էլեկտրոնային տարբերակով։ ՀՀ տարածքային կառավարման ու ենթակառուցվածքների փոխնախարար Արմեն Սիմոնյանն առաջարկվող փոփոխություններն այսօր ներկայացրեց Ազգային ժողովում։

Սիմոնյանի խոսքով՝ փոփոխությունները պայմանավորված են երկրի միջազգային պարտավորություններով։

«Առաջարկվում է վերահսկողությունն իրականացնել էլեկտրոնային շտեմարանի արատորոշման քարտի միջոցով։ Քարտը էլեկտրոնային տարբերակով է լրացվում ու պահվում տվյալների բազայում», - ասաց Սիմոնյանը։

Նրա խոսքով՝ այդ դեպքում ճանապարհային ոստիկանությունը կկարողանա էլեկտրոնային տարբերակով ստուգել մեքենաներն ու չկանգնեցնել դրանք։

Փոխվելու է նաև տեխզննում անցկացնելու հաճախականությունը։ Առաջարկվում է առաջին տեխզննությունն անցկացնել ավտոմեքենայի թողարկման չորրորդ տարում, մինչև 10 տարվա արտադրության մեքենաների դեպքում` երկու տարին մեկ, իսկ տասից բարձր մեքենաների դեպքում` տարեկան մեկ անգամ։

Հանրային ուղևորափոխադրման համար նախատեսված մեքենաները մինչև 10 տարի շահագործվելը պետք է տեխզննում անցնեն տարին մեկ անգամ, իսկ 10 տարի շահագործումից հետո` տարեկան երկու անգամ։

Ընդհանուր առմամբ հանրապետությունում շուրջ 50 տեխզննման կայան կա։

Նշենք, որ ճանապարհային ոստիկանության տվյալներով՝ Հայաստանում տարեկան 72-73 հազար վթար է տեղի ունենում։ 2019 թվականին ավտովթարի զոհ է դարձել 343 մարդ։ Տարբեր գնահատականների համաձայն՝ վթարների մոտ 30%-ի պատճառը մեքենայի անսարքությունն է։

«Բալային համակարգը կմնա թղթի վրա». «Վարորդի ընկեր» ՀԿ նախագահն ասել է` ինչու

 

23
թեգերը:
ավտոմեքենա, վարորդ, Հայաստան
Ըստ թեմայի
Հայերին էլ է վերաբերում. ՌԴ–ում փոխվում է վարորդական վկայական ստանալու կարգը
Վթար Երևանում. «Infinity»–ի վարորդն ու ուղևորը 15 տարեկան են
Քանի՞ վարորդ է 2020 թվականին 6 ամսով զրկվել մեքենա վարելու իրավունքից. «Հայկական ժամանակ»
Վյաչեսլավ Վոլոդինը

Նավալնին օգտվում է արևմտյան հատուկ ծառայություններից․ Վոլոդինն` «ուղարկած մարդու» մասին

0
Եվրամիությունը նախ պետք է ինքն իրենից սկսի․դադարեք մարդկանց վրա ռետինե փամփուշտներով կրակել, թունավորել նրանց գազով, ձմռանը մարդկանց վրա ջուր լցնել։ Նման խորհուրդներ է տվել Վյաչեսլավ Վոլոդինը Նավալնուն պաշտպանող արևմտյան քաղաքական գործիչներին։

ԵՐԵՎԱՆ, 19 հունվարի - Sputnik. Պետդումայի նախագահ Վյաչեսլավ Վոլոդինը հայտնել է, որ ընդդիմադիր գործիչ Ալեքսեյ Նավալնու բոլոր գործողությունների հետևում օտար պետություններն են, «հայրենիքը դավաճանած» նման մարդիկ ռուսական իշխանության մարմիններում տեղ չունեն։

«Այսօր որպես միջամտության գործիք արևմտյան հատուկ ծառայությունները, Պետական դեպարտամենտն օգտագործում են Նավալնուն։ Բոլորը պետք է հասկանան՝ նրա արած ամեն քայլի հետևում օտար պետություններ են կանգնած։ Մեր խնդիրն է թույլ չտալ օտար միջամտությունը, ով էլ այստեղ քաղաքականություն վարի, պետք է երկիրը պաշտպանի», - ասել է Վոլոդինը Պետդումայի լիակազմ նիստում։

Վոլոդինը  հավելել է, որ եթե մարդ դավաճանում է երկիրը, եթե նա օտար ֆինանսավորում է ստանում, նա իշխանության ոչ մի օրգանում անելիք չունի։

Նա կոչ է արել եվրոպացի գործընկերներին «իրենցից սկսել», երբ Արևմուտքում սկսում են քննադատել այս կամ այն երկրների իշխանության գործողությունները։

«Նույնը վերաբերում է Գերմանիայից մեզ մոտ ուղարկված մարդու վերաբերյալ նրանց հայտարարությանը։ Մենք այստեղ նախապես համակարգված գործողություններ ենք տեսնում։ Իսկ Եվրամիությունը պետք է ինքն իրենից սկսի։ Դադարեք մարդկանց վրա ռետինե փամփուշտներով կրակել, թունավորել նրանց գազով, ձմռանը մարդկանց վրա ջուր լցնել։ Այդ ամենը հիշեցնում է Երկրորդ համաշխարհային պատերազմի կտտանքները։ Վերջիվերջո, վերականգնեք ձեր երկրներում մարդու իրավունքների օրինականությունը, եթե ուզում եք, որ ինչ-որ մեկը լսի ձեզ։ Եթե ուզում եք պահպանել ներկայիս միջազգային կարգն ու կայունությունը», - ասել է Վոլոդինը։

Նավալնուն ձերբակալել են Մոսկվայի «Շերեմետևո» օդանավակայանում. տեսանյութ

Հիշեցնենք՝ հունվարի 17-ին ռուսաստանցի քաղաքական գործիչ և բլոգեր Ալեքսեյ Նավալնին Գերմանիայից Ռուսաստան է վերադարձել։ Ռուսաստանի Դաշնության ՊԿԴԾ օպերատիվ վարչության Մոսկվայի հետախուզության բաժնի աշխատակիցները «Շերեմետևո» օդանավակայանում ձերբակալել են Ալեքսեյ Նավալնուն, որը պայմանական ազատազրկման ժամկետը բազմիցս խախտելու համար հետախուզվում էր 2020 թվականի դեկտեմբերի 29–ից։ Նավալնու հետագա խափանման միջոցը կորոշի դատարանը, մինչ այդ նա կմնա կալանքի տակ։

Հիշեցնենք` Նավալնուն հիվանդանոց էին տեղափոխել 2020 թվականի օգոստոսի 20-ին Օմսկում, երբ նրա ինքնազգացողությունը վատացել էր Տոմսկից Մոսկվա թռչող ինքնաթիռում։ Զննումից հետո Օմսկի հիվանդանոցի բժիշկները որպես հիմնական ախտորոշում նշել էին նյութափոխանակության խանգարումը, որն արյան մեջ շաքարի մակարդակի կտրուկ անկում էր առաջացրել։

Ավելի ուշ ընդդիմադիր գործչին ինքնաթիռով տեղափոխեցին Գերմանիա։ ԳԴՀ կառավարությունը, հղում անելով ռազմական բժիշկներին, հայտարարեց, որ Նավալնուն թունավորել են «Նովիչոկ» թունավոր նյութերի շարքին պատկանող սուբստանցիայով։ Կրեմլում այդ կապակցությամբ հայտարարեցին, որ Բեռլինը Մոսկվային չի տեղեկացրել Նավալնու՝ «Նովիչոկով» թունավորված լինելու իր եզրակացությունների մասին, Ռուսաստանը նման տվյալներ չունի:

Մինչ այդ Նավալնու դեմ երկու պայմանական ազատազրկման դատավճիռ էր կայացվել՝ 16 մլն ռուբլի վատնելու և ավելի քան 30 մլն ռուբլի յուրացնելու գործերով:

0
թեգերը:
Վյաչեսլավ Վոլոդին, Եվրոպա, Ռուսաստան, Ալեքսեյ Նավալնի