«Մուրացան» զինվորական հոսպիտալ

Ժամկետային զինծառայողին լրացուցիչ կհետազոտեն ՄԻՊ–ի աջակցությամբ

79
Մարդու իրավունքների պաշտպանի ներկայացուցիչները չհայտարարված այց են կատարել Պաշտպանության նախարարության կենտրոնական կլինիկական զինվորական հոսպիտալ:

ԵՐԵՎԱՆ, 8 ապրիլի — Sputnik. Պաշտպանի աջակցությամբ զինծառայողին լրացուցիչ կհետազոտեն։ Ինչպես տեղեկացնում են ՀՀ Մարդու իրավունքների պաշտպանի գրասենյակից, պարտադիր ժամկետային զինծառայողի մայրը Մարդու իրավունքների պաշտպանին խնդրել է աջակցել որդուն լրացուցիչ հետազոտելու հարցում: Նա Պաշտպանին հասցեագրած բողոքով տեղեկացրել է, որ որդին ունի առողջական խնդիրներ և բուժում է ստանում Պաշտպանության նախարարության Կենտրոնական կլինիկական զինվորական հոսպիտալում: Բողոք ներկայացրած անձի պնդմամբ՝ որդու առողջական խնդիրը պարզելու նպատակով անհրաժեշտ է իրականացնել հետազոտություն:

Բողոքի ուսումնասիրության շրջանակում Մարդու իրավունքների պաշտպանի ներկայացուցիչները չհայտարարված այց են կատարել Պաշտպանության նախարարության կենտրոնական կլինիկական զինվորական հոսպիտալ:

Այցի ընթացքում Պաշտպանի ներկայացուցիչները հանդիպել են հոսպիտալի ղեկավար և բժշկական անձնակազմի հետ, ուսումնասիրել զինծառայողի բժշկական փաստաթղթերը, առանձնազրույց ունեցել զինծառայողի հետ: Հոսպիտալի ղեկավար անձնակազմի հետ քննարկման արդյունքում որոշվել է զինծառայողի լրացուցիչ հետազոտությունը:

Պաշտպանի ներկայացուցիչներն առանձնազրույցներ են ունեցել նաև հոսպիտալում բուժում ստացող՝ Պաշտպանին բողոք հասցեագրած այլ զինծառայողների հետ, ուսումնասիրել նրանց բժշկական փաստաթղթերը:

Հոսպիտալի ղեկավար անձնակազմի հետ հանդիպման ընթացքում քննարկվել է քաղաքացիական բժշկական հաստատություններում զինծառայողների բժշկական հետազոտություններն առաջնահերթ և սեղմ ժամկետներում իրականացնելու անհրաժեշտությունը: Խնդրի կապակցությամբ գրություն կուղարկվի ՀՀ առողջապահության նախարարություն:

Մարդու իրավունքների պաշտպանը նման հարցերում կարևորում է համագործակցությունը Պաշտպանության նախարարության և Առողջապահության նախարարության հետ:

79
թեգերը:
ՀՀ ՄԻՊ, Արման Թաթոյան, Երևան, Հայաստան
Ըստ թեմայի
Օպերայի տարածքից բերման ենթարկվածներից 17-ին ազատ են արձակել. մանրամասները` ՄԻՊ–ից
Հատուկ զգոնության պահն է. Արցախի Հանրապետության նախկին ՄԻՊ
Գուցե Նիկոլ Փաշինյանն այլ իմաստով է ասել. ՄԻՊ–ը մեկնաբանել է վարչապետի գրառումը