Մեկուսարան

Փաստաբան Վահագն Դանիելյանը կալանավորվել է. ԶԼՄ

162
Կաշառք ստանալու մեջ մեղադրվող դատավորի կալանավորումից հետո կալանավորվել է նաև փաստաբանը։

ԵՐԵՎԱՆ, 6 ապրիլ — Sputnik. Խոշոր չափերով կաշառք ստանալու մեջ մեղադրվող դատավոր Գագիկ Հեբոյանի գործով անցնող փաստաբանը` Վահագն Դանիելյանը, կալանավորվել է։ Այս մասին «Փաստինֆո» գործակալությանը տեղեկացրել է Հատուկ քննչական ծառայության մամուլի խոսնակ Մարինա Օհանջանյանից:

Նշենք, որ փաստաբանին մեղադրանք է առաջադրվել ՀՀ ՔՕ-ի 38- 311-րդ հոդվածի 4-րդ մասի 2-րդ և 3-րդ կետերով, այն է` դատավորի կողմից առանձնապես խոշոր չափով կաշառք վերցնելուն օժանդակելը:

Մեղադրանքից հետո քննիչը միջնորդություն էր ներկայացրել` կալանավորումը որպես խափանման միջոց ընտրելու համար: Միջնորդությունը, փաստորեն, բավարարվել է:

Հիշեցնենք, որ Կոտայքի մարզի ընդհանուր իրավասության դատարանի դատավոր Գագիկ Հեբոյանի դեմ քրեական գործ է հարուցվել ՀՀ քրեական օրենսգրքի 311-րդ հոդվածի 4-րդ մասի 2-րդ և 3-րդ կետերով, այն է` պաշտոնատար անձի կողմից կաշառք ստանալը։

Ըստ առաջադրված մեղադրանքի` դատավորն իր վարույթում քննվող քաղաքացիական գործով հայցվորի օգտին գործողություն կատարելու, այն է` վերջինիս 3.400.000 ՀՀ դրամ պետական տուրքը վճարելուց ազատելու դիմաց 2019թ. մարտի 4-ին նրանից պահանջել է առանձնապես խոշոր չափերի` 3500 ԱՄՆ դոլար կաշառք: Քաղաքացու հետ սակարկելու արդյունքում Գ. Հեբոյանը նրա հետ վերջնական պայմանավորվածություն է ձեռք բերել հիշյալ գործողությունը կատարելու դիմաց 2500 ԱՄՆ դոլար կաշառք ստանալու վերաբերյալ։

Հեբոյանը նույնպես կալանավորվել է։

162
Ըստ թեմայի
Սպիտակցի Հայկոյին մեղադրանք է առաջադրվել
Զինծառայողին կալանավորեցին ծառայակիցներից մեկին սպանելու, մյուսին վիրավորելու համար
ՀՀ առողջապահության փոխնախարարին կալանավորել են