Նիկոլ Փաշինյան

«Պաշտոնեական անգործություն է, մեղադրում եմ». Մաթևոսյանի այրին նամակ է գրել Փաշինյանին

515
(Թարմացված է 18:19 04.04.2019)
Հայ հայտնի արձակագիր Հրանտ Մաթևոսյանի այրին նամակով դիմել է ՀՀ վարչապետ Նիկոլ Փաշինյանին։

ԵՐԵՎԱՆ, 4 ապրիլի — Sputnik. Անցած այս մեկ տարին «Հրանտ Մաթևոսյան մշակութային կենտրոն թանգարանի» անավարտ կառույցի շինարարության 2003-ից ձգձգված ոդիսականի անհեթեթ, անտրամաբանական, ողորմելի վերջերգը դարձավ բացառիկ դիսոնանս Հրանտի անվան, մեր ժամանակի ոգու, քո այն ուղերձով հնչեցրած Հրանտի խոսքերի հետ:

Սա հատված է այսօր Նիկոլ Փաշինյանին ուղղված Հրանտ Մաթևոսյանի այրու նամակից, որտեղ տիկին Մաթևոսյանը ուրախությամբ նշում է, որ Հրանտ Մաթևոսյանի ծննդյան օրը վարչապետը Մաթևոսյանի «Ծառերի» առաջին պարբերությունից մի հատված կարդաց:

««Հրանտ Մաթևոսյան մշակութային կենտրոն թանգարանի» հայեցակարգից հարցնելու փոխարեն, փողոցում անտեր թողած կառույցը հաշվեկշռի չվերցնելու խաղին է եղել, քաղաքաշինական գաղափարը տեսնելու փոխարեն, շենքի երրորդ հարկի բացակա-ներկան է արել երկրիս կառավարությունն այս մի տարում: «Նիկոլը գիտի՞»` հարցրել են, «Նիկոլին ասե՞լ եք»` հարցրել են միայն պատկան պաշտոնյաներից ամենաանկեղծները: Պաշտոնեական անգործություն: Էսքանը: Մեղադրում եմ»,–գրել է տիկին Մաթևոսյանը և հիշեցրել, որ 2020-ի փետրվարին Հրանտ Մաթևոսյանը կդառնա 85 տարեկան:

«Աշխարհում ու այստեղ Հրանտին ճանաչած երևելիների ամբողջ սերունդ հեռացավ:  Վերջիններն են հեռանում: Ասել է գիտելիք հեռացավ առանց սերունդներին տրվելու:«Բրենդ» չարչրկված եզրը բուն իմաստով ու կշռույթով տես – ահա դա է, այդ մասին է ասածս:

Ու չեմ խոսելու էլ ոչ մի բառ տգեղ, տգետ, ճապաղ, անմիտ այս ամիսների մասին: Չեմ տալու ոչ մի սնանկ անուն: Չափազանց շատ է ասվել, չափազանց շատ խոսք է շռայլվել` փորձելով հաղթահարել բթամտությունն ու չկամությունը: Ամոթ է: Անարդար է»,–գրել է տիկին Մաթևոսյանը:

Грант Матевосян с супругой
provided by David Matevossian
Հրանտ Մաթևոսյանը` կնոջ` Վերժինե Մովսիսյանի հետ

Նա հիշեցրել է Հրանտ Մաթևոսյանի խոսքերը. «Մարդկային մեծագույն առաքինությունը սեփական չկամությունը կոտրելու կարողությունն է։ Կարելի է խենթանալ ու հերոսանալ, կարելի է հերոսանալ թշնամու արատի ստույգ հաշվարկով, կարելի է սեփական հասակը բարձրացնել թշնամական հասակի ուրացումով. և այդ է պահանջում հաղթական պայքարի օրենքը, բայց մեծագույն առաքինություն է մնում սեփական չկամությունը ջարդելու բարձր կարողությունը»:

«Կարծեմ թե այսօր ավելի քան քո մասին է: Ու դու դա գիտես: Ու սա այսօր նաև հրամայական է քեզ համար, երկրի համար: Պարզագույն ինքնապահպանության հրամայական:

Առանց նշաձողի, առանց մեկնարկի կետի, առանց Կանոնի տանուլ ենք տալու»,–ասել է Մաթևոսյանի այրին:

Նա ՀՀ վարչապետին առաջարկել է քայլ անել, քայլ անել, խոսել իր հետ:

Культурный центр Гранта Матевосяна
Հրանտ Մաթևոսյանի կիսակառույց թանգարանը


Անվանի արձակագիր Հրանտ Մաթևոսյանը ծնվել է 1935թ.–ի փետրվար 12–ին։ Պատմվածքների առաջին ժողովածուն՝ «Օգոստոս»-ը, լույս է տեսել 1967 թվականին։ Առավել հայտնի են նրա «Ահնիձոր», «Գոմեշը», «Աշնան արև», «Ծառերը» ստեծագործությունները։

Մաթևոսյանը մահացել է 2002–ի դեկտեմբերի 18–ին, և մինչ օրս հայտնի գրողը չունի իր տուն–թանգարանը։

515
թեգերը:
Նիկոլ Փաշինյան, Հայաստան
Տիգրան Ավինյան. արխիվային լուսանկար

Պարետը կասեցրել է Արարատի ոսկու կորզման գործարանի աշխատանքը

11
(Թարմացված է 23:54 02.07.2020)
Կանոնները խախտած տնտեսվարողների շարքում են նաև «Գազպրոմ Արմենիայի» Չարենցի փողոցի մասնաճյուղը, «Նատալի Ֆարմ» դեղատների ցանցի` Խաղաղ Դոնի փողոցում գտնվող մասնաճյուղը, «Վեոլիա Ջուր» ընկերության գրասենյակը, «Վարկս Էյ Էմ» ընկերության՝ Հալաբյան փողոցում գտնվող գրասենյակը։

ԵՐԵՎԱՆ, 2 հուլիսի - Sputnik. Պարետ Տիգրան Ավինյանը հուլիսի 2-ին նոր որոշում է ստորագրել տնտեսվարողների գործունեությունը արգելելու մասին։ Ըստ այդմ՝ 24 ժամով արգելվել է 36, 48 ժամով՝ 2 տնտեսվարողի գործունեությունը։

Տնտեսվարողների գործունեությունը կասեցվել է արտակարգ իրավիճակով և կորոնավիրուսի համավարակով պայմանավորված անվտանգության կանոնների խախտման պատճառով։

Կանոնները խախտած տնտեսվարողների շարքում են «Գազպրոմ Արմենիայի» Չարենցի փողոցի մասնաճյուղը, «Նատալի Ֆարմ» դեղատների ցանցի` Խաղաղ Դոնի փողոցում գտնվող մասնաճյուղը, «Վեոլիա Ջուր» ընկերության գրասենյակը, «Վարկս Էյ Էմ» ընկերության՝ Հալաբյան փողոցում գտնվող գրասենյակը։

Խախտումներ են արձանագրվել ոչ միայն Երևանում, այլ նաև Վանաձոր, Հրազդան, Գորիս, Արտաշատ և Արարատ քաղաքներում։ Վերջինում փակվել է «Գեոպրոմայնինգ Գոլդ» ՓԲԸ-ն, այսինքն՝ Արարատի ոսկու կորզման գործարանը։

«Նատալի Ֆարմ», «Կայզեր», «Պրոմ-Տեստ». նրանց աշխատանքը կասեցվել է

Նշենք, որ խախտումներ են ախտահանիչ նյութերի բացակայությունը կամ անհամապատասխանությունը սահմանված նորմերին, շփման մակերեսների ոչ պատշաճ ախտահանումը, աշխատակիցների կողմից դիմակի ոչ ճիշտ կրելը, ջերմաչափման և ախտահանման գրանցամատյանների լրացման թերացումները։

Մարտի 16–ից Հայաստանում արտակարգ դրություն է, այն կտևի մինչև հուլիսի 13–ը` ժամը 17։00–ն ներառյալ։ Մայիսի 25–ից դիմակ դնելը պարտադիր է, չդնողները տուգանվում են 10 հազար դրամով։

Կրկին բազմամարդ հարսանիքներ. 72 ժամով կասեցվել է ռեստորանային 3 համալիրի գործունեությունը

11
թեգերը:
Արտակարգ դրություն, գործարան, Ոսկի, Հայաստան, կորոնավիրուս, պարետ, Տիգրան Ավինյան
թեմա:
Կորոնավիրուսը Հայաստանում և Արցախում
Ըստ թեմայի
Արդեն 1490 տնտեսվարողի գործունեություն է կասեցվել, խստացումներ են եղել. Արթուր Ասոյան
Երևանում ևս 2 մանկապարտեզի գործունեություն է կասեցվել․ տեսանյութ
«Տաշիր» առևտրի կենտրոնի գործունեությունն ամբողջությամբ կասեցվել է․ տեսանյութ

Ինչքան կստանան նորածիններն ու մայրերը. նպաստների նոր չափերը

39
ՀՀ կառավարությունը փորձում է կանխել Հայաստանին սպասվող դեմոգրաֆիական աղետը։ Գործարկվում են ծրագրեր, որոնց նպատակն է խթանել ծնելիությունը մեր երկրում։
Հուլիսի 1-ից ուժի մեջ մտած նպաստների նոր չափերը
© Sputnik / Shushanik Sargsyan

Հուլիսի 1-ից Հայաստանում մեկնարկել են ժողովրդագրական վիճակի բարելավմանն ուղղված ծրագրերը: Առաջին և երկրորդ երեխաների ծնվելու դեպքում տրվող միանվագ նպաստը դարձել է 300․000 դրամ։

Հուլիսի 1-ից բարձրացել է նաև մինչև 3 տարեկան երեխայի խնամքի արձակուրդում գտնվող ծնողների նպաստը՝ 18 հազարից դառնալով 26 հազար 500 դրամ: Ընդ որում՝ գյուղերում նպաստը տրամադրվելու է անկախ ծնողի աշխատելու հանգամանքից, բայց եթե ծնողն աշխատող է, ապա նպաստի չափը կրկնակի կլինի:

Իսկ հուլիսի 1-ից հետո բնակարան գնող ընտանիքներին պետությունն աջակցություն կտրամադրի մարելով բնակարանի մայր գումարի որոշ մասը: Ամեն հաջորդ երեխայի լույս աշխարհ գալուց հետո աջակցության չափն էլ ավելի կմեծանա:

Որքա՞ն գույքահարկ ենք վճարելու առաջիկա տարիներին

39
թեգերը:
դեմոգրաֆիա, Նպաստ, մայր, նորածին, Հայաստան
Ըստ թեմայի
«Եթե այսօր չաջակցես բիզնեսին, վաղը հարկադրաբար կվճարես գործազրկության նպաստներ». Մարգարյան
Իշխանական պատգամավորի նախագիծը չընդունվեց. մեկուսացման նպաստ դեռ չի լինի
Կառավարությունը վերանայում է օրենքը. գյուղաբնակ ծնողների նպաստը կավելանա