ԵՐԵՎԱՆ, 4 ապրիլի – Sputnik. ՀՀ կառավարությունն այսօր մերժեց Ազգային ժողովի պատգամավոր Նաիրա Զոհրաբյանի օրենսդրական նախաձեռնությունը, ըստ որի` առաջարկվում էր ապրիլի 16-ը սահմանել Հայ կինոյի օր:
Կառավարության նիստում այդ մասին հայտարարեց մշակույթի փոխնախարար
Տիգրան Գալստյանը: Նա նշեց, որ նախարարությունն առաջարկում է նախագծին բացասական եզրակացություն տալ, քանի որ Հայաստանում Կինոյի օրը նշվում է կինոյի միջազգային օրը` դեկտեմբերի 28-ին:
ՀՀ ոստիկանապետ Վալերիյ Օսիպյանն էլ նշեց, որ ապրիլի 16-ին Հայաստանում արդեն նշվում է ոստիկանության աշխատողի օրը:
Այս հիմնավորմամբ նախագիծը կառավարության հավանությանը չարժանացավ:
