ՀՀ ԱԺ

Կառավարությունն ԱԺ արտահերթ նիստ է գումարում

27
Մի շարք օրինագծերի ընդունման համար ՀՀ կառավարությունը որոշել է խորհրդարանի արտահերթ նիստ հրավիրել:

ԵՐԵՎԱՆ, 4 ապրիլի — Sputnik. Առաջիկա երկուշաբթի օրը` ապրիլի 8-ին, ժամը 11:00-ին ԱԺ-ն արտահերթ նիստ կգումարի: Այս նախաձեռնությունն այսօր ընդունվեց ՀՀ կառավարության նիստում:

Որոշման համաձայն` մի շարք օրինագծերի ընդունումն անհետաձգելի է համարվել:

Օրակարգում ներառված են «Տոների և հիշատակի օրերի մասին» օրենքում քաղաքացու օր սահմանելու օրինագիծը,  «Հարկային օրենսգրքում փոփոխություն կատարելու մասին օրենքի նախագիծը», «Տնտեսական մրցակցության պաշտպանության մասին» օրենքի փոփոխության նախագիծը, որով, հիշեցնենք, նախատեսվում է գազի վաճառքը ԱԳԼՃԿ-երում իրականացնել ոչ թե խմ-ով, ինչպես ներկայում, այլ կիլոգրամներով:

Ազգային ժողովի արտահերթ նիստի համար կառավարությունը սահմանում է հետևյալ աշխատաոճը. օրակարգային հարցերի երկրորդ ընթերցմամբ քննարկումը կկազմակերպվի առաջին ընթերցմամբ դրանց ընդունումից հետո` 24 ժամվա ընթացքում:

27
թեգերը:
ՀՀ Ազգային ժողով, ՀՀ կառավարություն, Հայաստան
Ըստ թեմայի
Հայաստանում փախստականների ու ապաստան հայցողների թիվն աճում է
Կառավարությունը հանրային խորհրդի նախագահ նշանակեց
Ինչո՞ւ են ուշանում նպաստները. պարզվում է` պետական համակարգում պարապ մարդիկ շատ կան