Շաքար

Ինչպե՞ս վարվել շաքարավազի մենաշնորհի հետ. Փաշինյանը հարցի լուծման իր տարբերակն ունի

111
Շաքարի ոլորտում մենաշնորհ ունեցող ընկերությունը փորձելու է պահպանել իր դիրքերը, սակայն քաղաքական աջակցություն 100 տոկոսով չի ստանալու։

ԵՐԵՎԱՆ, 27 մարտի — Sputnik. 75 տնտեսվարող այսօր ՀՀ–ում շաքար է ներկրում։ Այս մասին Ազգային ժողովում, կառավարության ծրագրի կատարման ընթացքի և արդյունքների մասին զեկույցը ներկայացնելիս, ասաց ՀՀ վարչապետ Նիկոլ Փաշինյանը։

Նրա խոսքով` ստեղծված իրավիճակում մենաշնորհ ունեցող հայտնի ընկերությունը որոշակի առավելություն ունի։ «Մենք ընտրություն ունենք` գնանք, մտնենք այդ ընկերություն ու տանք, ջարդուփշուր անե՞նք, թե՞ այնպես անենք, որ այդ ընկերությունն էլ շարունակի աշխատել, բայց ինքն իր առավելությունից զրկվի ու գա հավասար դաշտ, աշխատի, հարկեր վճարի, որով մենք ուսուցչի ու զինվորի աշխատավարձ կբարձրացնենք»,–ասաց Փաշինյանը։

Ըստ նրա` շաքարի ոլորտում մենաշնորհ ունեցող ընկերությունը փորձելու է պահպանել իր դիրքերը, սակայն քաղաքական աջակցություն 100 տոկոսով չի ստանալու։

Վարչապետի խոսքով` կային ընկերություններ, որ մտել էին դաշտ ու փորձում էին մրցակցություն ապահովել, սակայն մենաշնորհի տերը գնացել ու 50 տոկոսով «փայ» է մտել. «Այսինքն` ոչ թե «սպեցնազով», ոչ կռվով, ոչ էլ քրեական գործով, այլ փողը տվել է ու «փայ» է մտել։ Ես այս ամենի մասին ասել եմ այդ սեփականատիրոջ հետ հանդիպման ժամանակ»։

Հիշեցնենք, որ Փաշինյանը հայտարարել էր, որ 2019–ի պետբյուջեն կգերակատարեն առնվազն 40 մլրդ դրամով։ Նրա խոսքով` այդ գումարները մտադիր են ծախսել տարբեր ուղղություններով։ Առաջին հերթին, ըստ Փաշինյանի, մտադիր են 2019–ի հուլիսի 1–ից 10 տոկոսով բարձրացնել ԶՈւ, իսկ սեպտեմբերի 1–ից` ուսուցիչների աշխատավարձը. խոսքը մոտ 38 000 ուսուցչի մասին է։

111
թեգերը:
Սամվել Ալեքսանյան, Նիկոլ Փաշինյան, Հայաստան
թեմա:
ՀՀ վարչապետ Նիկոլ Փաշինյան (709)
Ըստ թեմայի
Բենզինի, բանանի, շաքարավազի շուկաներում կենտրոնացվածությունը նվազել է. նախարար
Կբարձրանա ԶՈւ-ի և ուսուցիչների աշխատավարձը. բյուջեն կգերակատարվի 40 մլրդ դրամով. Փաշինյան
Արտագաղթի գումարները մեր քաղաքացիները ծախսում են Հայաստանում տնավորվելու վրա. Փաշինյան