Նիկոլ Փաշինյան

Կբարձրանա ԶՈւ-ի և ուսուցիչների աշխատավարձը. բյուջեն կգերակատարվի 40 մլրդ դրամով. Փաշինյան

427
Մտադիր են 2019–ի հուլիսի 1–ից 10 տոկոսով բարձրացնել ԶՈւ, իսկ սեպտեմբերի 1–ից` ուսուցիչների աշխատավարձը։

ԵՐԵՎԱՆ, 27 մարտի — Sputnik. Ընթացիկ տարվա առաջին երեք ամիսների մեր գործունեությունն ամփոփելով` եկել ենք այն համոզման, որ 2019–ի պետբյուջեն կգերակատարենք առնվազն 40 մլրդ դրամով։ Այս մասին Ազգային ժողովում, կառավարության ծրագրի կատարման ընթացքի և արդյունքների մասին զեկույցը ներկայացնելիս, ասաց ՀՀ վարչապետ Նիկոլ Փաշինյանը։

«Այսինքն` պետական եկամուտները կլինեն 40 մլրդ դրամով ավելի, քան նախատեսված է ԱԺ կողմից ընդունված բյուջեով։ Սա վերջին 9 տարիների համար աննախադեպ երևույթ է, քանի որ մենք բավական երկար ժամանակ չենք ունեցել իրավիճակ, որ բյուջեի եկամուտները գերակատարվեն, այն էլ այսպիսի հսկայական ծավալներով»,–ասաց Փաշինյանը։

Նրա խոսքով` այդ գումարները մտադիր են ծախսել տարբեր ուղղություններով։ Առաջին հերթին, ըստ Փաշինյանի, մտադիր են 2019–ի հուլիսի 1–ից 10 տոկոսով բարձրացնել ԶՈւ, իսկ սեպտեմբերի 1–ից` ուսուցիչների աշխատավարձը. խոսքը մոտ 38 000 ուսուցչի մասին է։ Բացի այդ, վարչապետի խոսքով, ծրագրավորում են իրականացնել 303 կմ ավտոճանապարհների նորոգումներ, ինչի մեջ դեռ ներառված չէ Հյուսիս–Հարավի կառուցումը։

«10 մլրդ նախատեսում ենք տրամադրել սուբվենցիոն ծրագրերին. սրանք ծրագրեր են, որ իրականացնում են ՏԻՄ–երի հետ համատեղ։ Այսինքն` ինչ-որ ծրագրի իրականացման ուղղությամբ անհրաժեշտ գումարի մի մասը կառավարությունն է ֆինանսավորում, մյուսը` համայնքը։ Նախորդ տարի էլ մենք պատրաստ էինք այդքան գումար տրամադրել, սակայն պարզվեց, որ համայնքները պատրաստ չեն դրան, քանի որ չկային այդքան ծրագրեր»,–ասաց Փաշինյանը` հավելելով, որ այդ ծրագրերի իրագործումից հետո քաղաքացիներն իրենց կյանքում կզգան շատ կոնկրետ փոփոխություններ։

Անդրադառնալով այն հարցին, թե ինչի արդյունքում է այդքան գումար հավաքագրվել` վարչապետը նշեց, որ սա առաջին հերթին ստվերի դեմ վարած քաղաքականության արդյունք է։ Նրա հավաստմամբ` ստվերային գործունեության դեմ պայքարում ռեպրեսիվ մեթոդներ չեն կիրառվում։ Բացի այդ, ըստ Փաշինյանի, քաղաքացիների և կառավարության համագործակցությունն է հաջորդ գործոնը. խոսքը ՀԴՄ–ներ պահանջելու մասին է։ Փաշինյանի խոսքով` 2018–ի մայիսից մինչ այսօր 65 մլն հատ ՀԴՄ կտրոն ավելի է տպվել, քան նախորդ ժամանակաշրջանում։

427
թեգերը:
ՀՀ Ազգային ժողով, Նիկոլ Փաշինյան, Հայաստան
թեմա:
ՀՀ վարչապետ Նիկոլ Փաշինյան (1031)
Ըստ թեմայի
Նիկոլ Փաշինյանը հավաքում է ծխախոտի մնացորդներն ու գետնին ընկած շշերը
Նիկոլ Փաշինյանի համբերության բաժակը լցվում է. «Փաստ»
Նիկոլ Փաշինյանը Վիեննայում կհանդիպի Իլհամ Ալիևի հետ
ԱԱԾ. արխիվային լուսանկար

ԱԱԾ–ն սահմանին հետախուզվողների է ձերբակալել. Էդուարդ Մարտիրոսյան

36
(Թարմացված է 17:52 05.06.2020)
ԱԱԾ տնօրեն Էդուարդ Մարտիրոսյանը պատգամավորներին հայտնեց, որ այս տարի սահմանախախտման 4 դեպք է գրանցվել։

ԵՐԵՎԱՆ, 5 հունիսի — Sputnik. Օրերս Ազգային անվտանգության ծառայությունը սահմանին հետախուզվողների է ձերբակալել։ Ազգային ժողովում Պաշտպանության և անվտանգության հարցերի մշտական հանձնաժողովի նիստի ժամանակ լուրը հայտնեց ԱԱԾ տնօրեն Էդուարդ Մարտիրոսյանը։

«Սահմանների պահպանության ուղղությամբ բավականին մեծ աշխատանքներ են տարվում։ 2018–ին սահմանահատման 38, իսկ 2019–ին` 35 դեպք է բացահայտվել։ Այս տարի սահմանախախտման 4 դեպք է տեղի ունեցել։ Հետախուզական աշխատանքներն ընթանում են ամբողջ ծավալով, պետության անվտանգությունն ապահովված է»,–վստահեցրեց Մարտիրոսյանը։

Նա հայտնեց` օրերս է գործուղման գնացել հայ–իրանական սահման, եղել է երկրորդ ուղեկալում։ Մարտիրոսյանը նշեց` որոշակի հատվածներում տեխնիկական համալրվածության պահանջ կա, քանի որ սահմանի այդ հատվածները որոշ շրջաններում բնակեցված չեն։

ԱԱԾ տնօրենը խոսել է իր ու տեղակալ Քյարամյանի հարաբերությունների մասին

ԱԱԾ տնօրենը հայտնեց` բավական արդյունավետ է տեսահսկման համակարգերի տեղադրման փորձը, և Հայաստանի կողմից մի քանի տասնյակ կիլոմետրերով տեսահսկվում է նաև շարժը։

Իրենք ունեն մտածելու տեղ. ԱԱԾ տնօրենը` Գուրգեն Խաչատրյանի անհետանալու մասին

36
թեգերը:
հետախուզվող, սահմանախախտ, Սահման, Էդուարդ Մարտիրոսյան, ՀՀ ազգային անվտանգության ծառայություն. ԱԱԾ
Ըստ թեմայի
«Սա սպառնալիք է ազգային անվտանգությանը». Փաշինյանն ԱԱԾ տնօրենին հանձնարարական է տվել
ԱԱԾ-ն գնացել է վարչապետի հանձնարարականի հետքերով. հարուցվել է վարչական վարույթ
ԱԱԾ–ն հատուկ նշանակության սարքավորումներ է գնում ՌԴ–ից և եվրոպական երկրներից. Մարտիրոսյան
Էդուարդ Մարտիրոսյան

ԱԱԾ տնօրենը խոսել է իր ու տեղակալ Քյարամյանի հարաբերությունների մասին

27
(Թարմացված է 17:33 05.06.2020)
Էդուարդ Մարտիրոսյանը լրագրողների հետ զրույցում անդրադարձել է իր և նորանշանակ տեղակալի հարաբերությունների մասին շրջանառվող լուրերին։

ԵՐԵՎԱՆ, 5 հունիսի — Sputnik. Ազգային անվտանգության ծառայության տնօրեն Էդուարդ Մարտիրոսյանն աշխատանքից ազատման դիմում չի գրել. Մարտիրոսյանն այս մասին հայտարարեց Ազգային ժողովում լրագրողների հետ զրույցում` անդրադառնալով իր` պաշտոնը թողնելու մասին լուրերին։

Հայտնել էինք, որ մայիսի 5-ին ԱԱԾ տնօրենի նոր տեղակալ էր նշանակվել Արգիշտի Քյարամյանը, որը նախորդ օրն ազատվել էր Պետական վերահսկողության ծառայության ղեկավարի ԺՊ-ի պաշտոնից և նշանակվել Քննչական կոմիտեի նախագահի տեղակալ։ Այդպիսով, նա այդ պաշտոնում մնացել էր ընդամենը մեկ օր։ Դրանից հետո լուրեր էին տարածվել, որ Քյարամյանի գալուց հետո ԱԱԾ տնօրենն աշխատանքից ազատման դիմում է գրել։

«Եթե ազատման դիմում գրած լինեի, հիմա այստեղ չէի լինի։ Ինչ վերաբերում է Քյարամյանին, ապա նրա հետ իմ հարաբերությունները շատ լավ են»,–ասաց ԱԱԾ տնօրենը։

Նկատառմանը, թե Քյարամյանը չի աշխատել ԱԱԾ–ում` Մարտիրոսյանը պատասխանեց, որ չնայած այդ փաստին, Քյարամյանը պրոֆեսիոնալ է։

ԱԱԾ տնօրենը հիշեցրեց`  Քյարամյանը երկար տարիներ աշխատել է դատախազությունում, ղեկավարել է պետական վերահսկողական ծառայությունը։ «Նրա հետ կապված ոչ մի խնդիր չկա»,–ասաց Մարտիրոսյանը։

Իրենք ունեն մտածելու տեղ. ԱԱԾ տնօրենը` Գուրգեն Խաչատրյանի անհետանալու մասին

Հիշեցնենք, որ Քյարամյանին ԱԱԾ տնօրենի տեղակալ նշանակելու որոշումը վրդովմունքի ալիք էր բարձրացրել հանրության շրջանում։ Վարչապետ Նիկոլ Փաշինյանը ստիպված էր  բացատրել՝ սա քաղաքական որոշում է։

27
թեգերը:
Հրաժարական, Արգիշտի Քյարամյան, ՀՀ ազգային անվտանգության ծառայություն. ԱԱԾ, Էդուարդ Մարտիրոսյան
Ըստ թեմայի
«Սա սպառնալիք է ազգային անվտանգությանը». Փաշինյանն ԱԱԾ տնօրենին հանձնարարական է տվել
ԱԱԾ-ն գնացել է վարչապետի հանձնարարականի հետքերով. հարուցվել է վարչական վարույթ
ԱԱԾ–ն հատուկ նշանակության սարքավորումներ է գնում ՌԴ–ից և եվրոպական երկրներից. Մարտիրոսյան
Արարատ Միրզոյան

Ինչո՞ւ կորոնավիրուսի տարածումը չկանխվեց. ՀՀ առողջապահության նախկին նախարարի կարծիքը

0
(Թարմացված է 18:00 05.06.2020)
ՀՀ առողջապահության նախկին նախարար Արարատ Մկրտչյանը Sputnik Արմենիայի եթերում հանգամանորեն անդրադարձել է նախարարության ներկայիս գործունեությանն ու կոնկրետ քայլերին, որոնք ուղղված են կորոնավիրուսի համավարակի տարածման դեմ և կրում են կանխարգելիչ բնույթ։
Մկրտչյան. «Համավարակի դեմ պատնեշներ ստեղծելն արդյունավետության առումով կարճատև միջոցառում է»

Արարատ Մկրտչյանի դիտարկմամբ` նախարարության գործողությունները յուրահատուկ չեն և չեն տարբերվել այլ երկրներում իրականացվող գործողություններից, և դրանք հիմնականում եղել են Առողջապահության համաշխարհային կազմակերպության կողմից վարակի հետ կապված տեղեկատվության վրա հիմնված քայլեր, այսինքն` սկզբում, ապրիլից սկսած բոլոր երկրներն ավելի մեղմ վերաբերմունք ցուցաբերեցին գնահատականներին, թե որքանով է համաճարակն իր մեջ վտանգներ պարունակում։

«Շատ գիտնականներ, գիտական կենտրոններ ու միջազգային կազմակերպություններ ամենայն մանրամասնությամբ տեղեկացված չէին, ինչը ԱՀԿ–ի հիմնական պրոբլեմն է, բայց կա նաև նոր համավարակի ճանաչողության հետ կապված լուրջ խնդիր։ Այդուհանդերձ ձեռնարկվող միջոցառումների հետ կապված քննադատությունների առնչությամբ կցանկանայի ժամանակը մի փոքր հետ պտտել ու նշել, որ մարդկության պատմության մեջ համաճարակներ շատ են եղել։ Նոր հարուցիչների դեպքում տարածման տեմպերը բավականին մեծ են լինում, և պետությունների կառավարությունների գործողությունները գնահատելիս տեսնում ենք, որ օդակաթիլային ճանապարհով տարածվող վարակների ժամանակ կառավարությունների գործողությունները շատ սահմանափակ են, որովհետև պատնեշներ ստեղծելը, մարդկանց ու ճանապարհներ փակելը արդյունավետության առումով կարճատև միջոցառումներն են»,– նշում է առողջապահության նախկին նախարարը։

«Հիվանդությունը կա, վիրուսը կա». ինչ է հորդորում կորոնավիրուսով վարակված տղամարդը

Մկրտչյանի կարծիքով` երկու խնդիր ունենք լուծելու. համավարակը կանխարգելել և մարդկանց բուժել։ Ըստ նրա` կանխարգելման գործիքները, որոնք պետության, նախարարության մակարդակով կիրառվում են, շատ սահմանափակ են հարուցիչի տարածումը արգելափակելու տեսանկյունից։ Իսկ գործընթացը բուժօգնության կազմակերպման տեսանկյունից, ըստ նրա, մասնագիտական բարձր մակարդակի վրա է` ի պատիվ բուժաշխատողների անձնուրաց աշխատանքի։

«Կանխարգելման խնդիրներն ավելի շատ վերաբերում են հանրությանը, մարդիկ ամենուր և անընդհատ պետք է կատարեն երեք պարզագույն քայլ` կրեն դիմակ, ախտահանեն ձեռքերն ու միմյանց միջև պահպանեն սոցիալական հեռավորություն։ Այդ առումով տարբեր ժամանակներում նկատվեց թուլացում, այնինչ անհրաժեշտ էր, օրինակ, հանրային սննդի փակ և բաց տարածքների վերաբացումն անել աստիճանաբար, նախ պետք է ստուգեին, հետո տային վերագործարկման թույլտվություն»,– նշում է առողջապահության նախկին նախարարը։

Մկրտչյանի գնահատմամբ` ավելի ճիշտ կլիներ, որ առաջին իսկ դեպքերի արձանագրման ժամանակ անհրաժեշտ քայլեր կատարվեին ամբողջ ծավալով պոլիկլինիկաների ընդգրկման ուղղությամբ, մինչդեռ դա արվեց ավելի ուշ։ Նրա կարծիքով` ՀՀ ողջ տարածքում կան հիվանդանոցներ, որոնք կիսադատարկ են, հետևաբար պետք չէ կենտրոնանալ Երևանի վրա, ուղղակի տարափոխիկ հիվանդությունների համաճարակի պայմաններում պետք է կոնցեպտը փոխել ու ցուցաբերել ավելի ժամանակակից մոտեցում, այսինքն` հնարավոր է հիվանդանոցներում ստեղծել առանձին մուտքեր և շատ արագ ձևավորել վերակենդանացման բաժանմունքներ, որոնք կարող են բուժօգնությունն իրականացնել բարձր մակարդակի վրա նաև Երևանի մերձակայքում գտնվող բուժհաստատություններում։

Հիշեցնենք` Հայաստանում կորոնավիրուսով վարակվածների թիվը վերջին մեկ օրում ավելացել է 596–ով և դարձել 11817։ Այս պահին փաստացի բուժում է ստանում 8052 մարդ, կատարվել է 65161 թեստավորում, առողջացել են վարակվածներից 3513–ը։ Ընդհանուր առմամբ գրանցվել է մահվան 183 դեպք։

Կորոնավիրուսը դեռ կարող է «անակնկալներ» մատուցել․ Մյասնիկով

0
թեմա:
Կորոնավիրուսը Հայաստանում և Արցախում
Ըստ թեմայի
Կորոնավիրուսից մահացածների տվյալների հրապարակման դեպքով քրեական գործ է հարուցվել
Թքած կորոնավիրուսի վրա. ոչ ոք չի ուզում դադարեցնել զինված հակամարտությունները
Համաճարակն ու Հայաստանը․ կորոնավիրուսը արագացնո՞ւմ է քաղաքական գործընթացները
Կորոնավիրուսի տարածման դինամիկան Հայաստանում