ՀՀ ԶՈւ

Արցախի զինվորականները մասնակցում են ՀՀ ԶՈւ ղեկավար կազմի օպերատիվ հավաքին

53
Հայաստանի և Արցախի շուրջ անվտանգային միջավայրի հիմնական մարտահրավերների մասին է Դավիթ Տոնոյանը խոսել Հայաստանի և Արցախի զինված ուժերի ղեկավար կազմի օպերատիվ հավաքի ժամանակ։

ԵՐԵՎԱՆ, 25 մարտի — Sputnik. ՀՀ ՊՆ վարչական համալիրում մեկնարկել է զինված ուժերի ղեկավար կազմի օպերատիվ հավաքը:

Ինչպես տեղեկացնում են ՀՀ  պաշտպանության նախարարության մամուլի ծառայությունից, հայկական երկու հանրապետությունների զինված ուժերի փոխգործակցության շրջանակում հավաքին ներգրավված են նաև ԱՀ ՊԲ հրամկազմի ներկայացուցիչները:

Կարևորելով ամենամյա հավաքների դերն ու նշանակությունը՝ ՀՀ պաշտպանության նախարար Դավիթ Տոնոյանը հանդես է եկել «Ռազմաքաղաքական իրավիճակը տարածաշրջանում, դրանից բխող հնարավոր զարգացումները» թեմայով դասախոսությամբ:

ՀՀ պաշտպանական գերատեսչության ղեկավարը հավաքի մասնակիցներին է ներկայացրել Հայաստանի և Արցախի շուրջ անվտանգային միջավայրի հիմնական մարտահրավերները, արտաքին, այդ թվում՝ ռազմական բնույթի սպառնալիքները, տարածաշրջանային շահերի և հակամարտությունների ոլորտում առկա և հավանական զարգացումները, Լեռնային Ղարաբաղի հակամարտության խաղաղ կարգավորման գործընթացում հայկական կողմի համար բարենպաստ բանակցային պայմաններ ապահովելու հիմնական գրավականները:

53
թեգերը:
Դավիթ Տոնոյան, ՀՀ Պաշտպանության նախարարություն (ՊՆ), Հայաստան, Արցախ
Ըստ թեմայի
Արցախի և Ադրբեջանի շփման գոտում ավելի քան 3000 կրակոց է հնչել մեկ շաբաթում. ՊՆ
Արցախի հարցում հրաժարվում ենք արկածախնդրությունից․ Հայաստանը փոխում է մարտավարությունը
Փաշինյանը բացատրեց` ինչու Արցախի վերադարձը բանակցային սեղան ձևաչափի փոփոխություն չէ