Աննախադեպ հանդիպում Երևանում. ինչու են հավաքվում հարյուրավոր ռեստորանատերերը
ԵՐԵՎԱՆ, 23 մարտի – Sputnik. Հայաստանի տարբեր ծայրերից ավելի քան 250 ռեստորանատերեր կհավաքվեն Երևանում` Հայկական ռեստորանների միության հիմնադիր ժողովին մասնակցելու համար, որն առաջին անգամ է անցկացվում մեր երկրում ։ Այս մասին Sputnik Արմենիայի թղթակցի հետ զրույցում ասաց «Հայկական ռեստորանների միություն» խմբի համակարգող Աշոտ Բարսեղյանը։
«Սա առաջին ժողովն է, որին աննախադեպ թվով ռեստորանատերեր կհավաքեն` ոլորտի 250-300 ներկայացուցիչ», – ասաց Բարսեղյանը։
Նրա կարծիքով` մասնակիցների թիվը ցույց է տալիս ոլորտի նկատմամբ ունեցած հետաքրքրությունն ու առկա խնդիրները լուծելու ցանկությունը։
Միջոցառման շրջանակում կհաստատվի Ռեստորանների հայկական միության ղեկավար կազմը, որում ընդգրկվեն ոլորտի առավել ակտիվ մասնակիցները` մինչև 25 մարդ։
«Փաստացի կազմն արդեն որոշվել է, միջոցառման ժամանակ պաշտոնապես կհաստատվի և կներկայացվի», –ասաց Բարսեղյանը։
Նա նշեց, որ ղեկավար կազմը կանոնավոր հանդիպումներ է անցկացնելու և քննարկելու է առաջացող խնդիրները։
Հանդիպման մասնակիցները հնարավորություն կստանան ոչ միայն քննարկելու խնդիրները, օրինակ` հարկերի հետ կապված հարցերը, հակածխախոտային օրինագիծը, այլև լուծումների սեփական տարբերակներ կառաջարկեն։
Բացի դրանից, նրանք կուսումնասիրեն բիզնեսի և պետության համագործակցության հնարավորություններն ու ուղիները։
Նշենք, որ Հայկական ռեստորանների միությունը ստեղծվել է 1.5 տարի առաջ։
Վազգեն Մանուկյանի դեմ քրեական գործ է հարուցվել
Հայրենիքի փրկության շարժման վարչապետի թեկնածու Վազգեն Մանուկյանը ծանուցագիր է ստացել, որ փետրվարի 20-ին քննչական կոմիտեն քրեական գործ է հարուցել Մանուկյանի դեմ։ Բաղրամյան պողոտայում ընթացող հանրահավաքի ժամանակ հայտնեց ՀՅԴ–ական Գեղամ Մանուկյանը։
«Այս նույն` Քրեական օրենսգրքի 301–րդ հոդվածը քննչական կոմիտեն կարել է Հայրենիքի փրկության անդամներից` արդեն չեմ հիշում քանիսի վրա։ Մանուկյանին մեղադրում են պետական կարգի տապալման մեջ»,–ասաց Մանուկյանը։
ՄԻՊ-ը քննադատել է ԱԺ պատուհաններից հրազենի և դիպուկահարների ցուցադրությունը
(Թարմացված է 18:32 03.03.2021)
ՄԻՊ–ը նշել է, որ պետությունը կարող է անվտանգության միջոցներ ձեռնարկել, բայց դրանք յուրաքանչյուր դեպքում պետք է հաշվի առնեն կոնկրետ իրավիճակը։ԵՐԵՎԱՆ, 3 մարտի- Sputnik. Հայաստանի մարդու իրավունքների պաշտպան Արման Թաթոյանն անդրադարձել է մամուլում ու սոցցանցերում մեծ աղմուկ հանած ՀՀ Ազգային ժողովի պատուհաններից բացահայտ երևացող դիպուկահարների թեմային։
Նա նշել է, որ ՀՀ մարդու իրավունքների պաշտպանի աշխատակազմը ստացել է ահազանգեր առ այն, որ ՀՀ Ազգային ժողովի պատուհաններից բացահայտ երևում են դիպուկահարներ Բաղրամյան պողոտայում տեղի ունեցող հավաքի ուղղությամբ: Արձանագրվել են նաև նման հրապարակային անհանգստություններ:
Տեղեկացվում է, որ պաշտպանի աշխատակազմը դիտարկում է իրականացնում լրատվամիջոցներով և հավաքի վայրում, որտեղ առկա են նաև երեխաներ ու տարեցներ:
«ՀՀ Ազգային ժողովի շենքի պատուհաններից հրազենի բացահայտ ցուցադրությունը, այդ թվում՝ զինվորական համազգեստով դիպուկահարների ցուցադրական ներկայությունը խաղաղ հավաքին պետության կողմից գործադրված անվտանգության անհամարժեք միջոց է այս պահին Բաղրամյան պողոտայում առկա իրավիճակում»,–գրել է Նա:
ՄԻՊ–ը նշել է, որ պետությունը կարող է անվտանգության միջոցներ ձեռնարկել, բայց դրանք յուրաքանչյուր դեպքում պետք է հաշվի առնեն կոնկրետ իրավիճակը և չպետք է լինեն այնպիսին, որ ստանան խաղաղ հավաքին մասնակցությունը կանխող կամ անհանգստություն պատճառող բնույթ:
«Գուցե որոշել են ուժ կիրառել». Արթուր Վանեցյանը` ոստիկանության հայտարարության մասին
Նշենք, որ այսօր կառավարության հետ հարցուպատասխանի համար ՀՀ վարչապետ Նիկոլ Փաշինյանը գնացել էր ԱԺ։ Նրա այցելությունից առաջ ՀՀ ոստիկանական ուժերն ԱԺ–ի տարածքում խիստ ավելացել էին, իսկ ԱԺ պատուհաններից լրագրողները նկատել էին զինված դիպուկահարների։
թեգերը: