Աննա Հակոբյանը երեխաների հետ

Փաշինյանը ոտքի վրա պլանները փոխեց. Աննա Հակոբյան

1424
Նիկոլ Փաշինյանի կինը համոզված է, որ բարձրաստիճան պաշտոնյաների մասնակցությունը համապետական մաքրության օրվան վարակիչ օրինակ կլինի մյուսների համար։

ԵՐԵՎԱՆ, 23 մարտի — Sputnik. Պետք է աղբի մեջ չքայլենք, տարածքը «իմ» ու «քո»–ի չբաժանենք. երկիրը բոլորինս է։ Այսօր` մարտի 23-ին, լրագրողների հետ զրույցում այս մասին ասաց ՀՀ վարչապետ տիկինը` Աննա Հակոբյանը, որը երեխաների հետ եկել էր Սոս Սարգսյանի անվան Համազգային թատրոնի կառուցվելիք տարածք` մասնակցելու շաբաթօրյակին։

«Նախ պետք է մեր մեջ մոտեցումը փոխենք, որ ասում են` ուրիշի գցած աղբը ես չպետք է մաքրեմ»,– ասաց նա։

Հակոբյանը խոսեց նաև իրենց օրվա ծրագրերի մասին։

«Ճիշտ է՝ պլանավորված էր, որ պետք է մարզ մեկնեինք, բայց ինքը ոտքի վրա փոխեց պլանները»,– ասաց նա։

Հակոբյանը համոզմունք հայտնեց, որ բարձրաստիճան պաշտոնյաների մասնակցությունը համապետական մաքրության օրվան վարակիչ օրինակ կլինի մյուսների համար։

«Կարծում եմ` չի կարող օրինակ չծառայել։ Առաջին հերթին պետք է աղբ չնետենք, որպեսզի քաղաքը մաքուր մնա։ Սովորույթի ուժը հաղթահարելու համար երկար ժամանակ է պետք, օրինակ` մենք տարիներ առաջ տեսել ենք, թե ինչպես հանկարծ լուսացույցներին սկսեցին հետևել մեր քաղաքացիները»,–ասաց Հակոբյանը։

Նիկոլ Փաշինյանը հավաքում է ծխախոտի մնացորդներն ու գետնին ընկած շշերը

Հիշեցնենք, որ այսօր` մարտի 23-ին, Հայաստանում համապետական շաբաթօրյակ է անցկացվում։

Մարտի 20-ին ՀՀ տարածքային կառավարման և զարգացման նախարար Սուրեն Պապիկյանը տեղեկացրել էր, որ համապետական շաբաթօրյակի ժամանակ 6 աղբանոցներ և 447 աղբակույտեր կփակվեն, կմաքրվեն մի շարք տարածքներ: Շաբաթօրյակին ակնկալվում է 125-150 000 քաղաքացու մասնակցություն։

1424
թեգերը:
Աննա Հակոբյան, Հայաստան
Ըստ թեմայի
Ինչպես Երևանը կարող է Եվրոպա դառնալ առանց հաչոցի ու աղբի. բոլոր շները Չալոյի բախտը չունեն
Փաշինյան. Աղբը լցնում են ջրանցքներն ու բողոքում, որ ոռոգում չունեն
Նիկոլ Փաշինյանը վերցնում է գետնին ընկած աղբը. տեսանյութ
Մեկ օրում Հայաստանում 6 աղբանոց և 447 աղբակույտ կփակեն. նախարարը կմասնակցի շաբաթօրյակին