«Սանիթեքը» պետք է հասկանա` կա՛մ պետք է լավ աշխատի, կա՛մ դուրս մղվի դաշտից. Փաշինյան
ԵՐԵՎԱՆ, 23 մարտի — Sputnik. «Սանիթեքը» պետք է հասկանա` կա՛մ պետք է լավ աշխատի, կա՛մ դուրս մղվի դաշտից։ Այսօր` մարտի 23-ին, լրագրողների հետ զրույցում այս մասին ասաց ՀՀ վարչապետ Նիկոլ Փաշինյանը, որն ի սկզբանե եկել էր Սոս Սարգսյանի անվան թատրոնի հիմնարկեքին մասնակցելու, բայց, տեսնելով շինհրապարակում կուտակված աղբը, «անցավ գործի»։
«Ենթադրենք` այս պահին ասացինք` «Սանիթեք», վերջ տուր, դու այլևս չես աշխատում, դրանից աղբը քչանալո՞ւ է քաղաքում, թե՞ շատանալու։ Իհարկե, շատանալու է, քանի որ չկա երկրորդ օպերատորը։ Պետք է «Սանիթեքի» համար մրցակցության հնարավորություն էլ ստեղծենք»,–ասաց Փաշինյանը։
Նրա խոսքով` այսօր, ճիշտ է, «Սանիթեքը» մենաշնորհ ունի, սակայն մինչև երկրորդ օպերատորի հայտնվելը` չպետք է նրան դուրս մղել դաշտից։
©
Sputnik / Andranik Ghazaryan
Փաշինյանը, խոսելով աղբի վերամշակման մասին, նշեց, որ նախ մեր ռեսուրսները պետք է հետազոտվեն։ Վարչապետի խոսքով` պետք է հասկանալ` մեզ աղբի վերամշակման գործարա՞ն է պետք, թե բիոէներգետիկայի վրա պետք է շեշտը դնել։ Այսինքն` ըստ Փաշինյանի` մասնագետները պետք է ուսումնասիրեն ու հասկանան անելիքը։
Այսօր` մարտի 23-ին, Հայաստանում համապետական շաբաթօրյակ է անցկացվում։
Մարտի 20-ին ՀՀ տարածքային կառավարման և զարգացման նախարար Սուրեն Պապիկյանը տեղեկացրել էր, որ համապետական շաբաթօրյակի ժամանակ 6 աղբանոցներ և 447 աղբակույտեր կփակվեն, կմաքրվեն մի շարք տարածքներ: Շաբաթօրյակին ակնկալվում է 125-150 000 քաղաքացու մասնակցություն։
Վազգեն Մանուկյանի դեմ քրեական գործ է հարուցվել
Հայրենիքի փրկության շարժման վարչապետի թեկնածու Վազգեն Մանուկյանը ծանուցագիր է ստացել, որ փետրվարի 20-ին քննչական կոմիտեն քրեական գործ է հարուցել Մանուկյանի դեմ։ Բաղրամյան պողոտայում ընթացող հանրահավաքի ժամանակ հայտնեց ՀՅԴ–ական Գեղամ Մանուկյանը։
«Այս նույն` Քրեական օրենսգրքի 301–րդ հոդվածը քննչական կոմիտեն կարել է Հայրենիքի փրկության անդամներից` արդեն չեմ հիշում քանիսի վրա։ Մանուկյանին մեղադրում են պետական կարգի տապալման մեջ»,–ասաց Մանուկյանը։
ՄԻՊ-ը քննադատել է ԱԺ պատուհաններից հրազենի և դիպուկահարների ցուցադրությունը
(Թարմացված է 18:32 03.03.2021)
ՄԻՊ–ը նշել է, որ պետությունը կարող է անվտանգության միջոցներ ձեռնարկել, բայց դրանք յուրաքանչյուր դեպքում պետք է հաշվի առնեն կոնկրետ իրավիճակը։ԵՐԵՎԱՆ, 3 մարտի- Sputnik. Հայաստանի մարդու իրավունքների պաշտպան Արման Թաթոյանն անդրադարձել է մամուլում ու սոցցանցերում մեծ աղմուկ հանած ՀՀ Ազգային ժողովի պատուհաններից բացահայտ երևացող դիպուկահարների թեմային։
Նա նշել է, որ ՀՀ մարդու իրավունքների պաշտպանի աշխատակազմը ստացել է ահազանգեր առ այն, որ ՀՀ Ազգային ժողովի պատուհաններից բացահայտ երևում են դիպուկահարներ Բաղրամյան պողոտայում տեղի ունեցող հավաքի ուղղությամբ: Արձանագրվել են նաև նման հրապարակային անհանգստություններ:
Տեղեկացվում է, որ պաշտպանի աշխատակազմը դիտարկում է իրականացնում լրատվամիջոցներով և հավաքի վայրում, որտեղ առկա են նաև երեխաներ ու տարեցներ:
«ՀՀ Ազգային ժողովի շենքի պատուհաններից հրազենի բացահայտ ցուցադրությունը, այդ թվում՝ զինվորական համազգեստով դիպուկահարների ցուցադրական ներկայությունը խաղաղ հավաքին պետության կողմից գործադրված անվտանգության անհամարժեք միջոց է այս պահին Բաղրամյան պողոտայում առկա իրավիճակում»,–գրել է Նա:
ՄԻՊ–ը նշել է, որ պետությունը կարող է անվտանգության միջոցներ ձեռնարկել, բայց դրանք յուրաքանչյուր դեպքում պետք է հաշվի առնեն կոնկրետ իրավիճակը և չպետք է լինեն այնպիսին, որ ստանան խաղաղ հավաքին մասնակցությունը կանխող կամ անհանգստություն պատճառող բնույթ:
«Գուցե որոշել են ուժ կիրառել». Արթուր Վանեցյանը` ոստիկանության հայտարարության մասին
Նշենք, որ այսօր կառավարության հետ հարցուպատասխանի համար ՀՀ վարչապետ Նիկոլ Փաշինյանը գնացել էր ԱԺ։ Նրա այցելությունից առաջ ՀՀ ոստիկանական ուժերն ԱԺ–ի տարածքում խիստ ավելացել էին, իսկ ԱԺ պատուհաններից լրագրողները նկատել էին զինված դիպուկահարների։
թեգերը: