Վահագն Վերմիշյան

Նոր նշանակում. Երևանի նորակառույց կրկեսի ճարտարապետը կգլխավորի քաղաքաշինության կոմիտեն

441
ՀՀ քաղաքաշինության կոմիտեն այսուհետ կգլխավորի Երևանի նորակառույց կրկեսի ճարտարապետը:

ԵՐԵՎԱՆ, 21 մարտի — Sputnik. ՀՀ քաղաքաշինության կոմիտեն այսուհետ կգլխավորի Վահագն Վերմիշյանը:       

Այս մասին այսօր հայտարարվել է ՀՀ կառավարության հերթական նիստում: Գործադիրի որոշմամբ` Վահագն Վերմիշյանը նշանակվել է քաղաքաշինության կոմիտեի նախագահ:

Առաջարկը կառավարության նիստում ներկայացրեց փոխվարչապետ Տիգրան Ավինյանը:

Վահագն Վերիշյանը ներկա էր նիստին ու հայտարարեց, որ 1991թ.-ից ի վեր աշխատել է արտերկրում` ՌԴ, ԱՄՆ,Սուդան: «Այժմ վերադարձել եմ Հայաստան ու որոշել եմ աշխատել հայրենիքի համար,- ասաց նա:

Վերմիշյանը հայտնի ճարտարապետ է: Անկախության առաջին տարիներին եղել է ՀՀ Ստեփանավան քաղաքի գլխավոր ճարտարապետը: Ապա` մեկնել է Ռուսաստան, ղեկավարել մի քանի շինարարական մասնավոր ընկերություններ: 2014թ.-ից Օրյոլի մարզի գլխավոր ճարտարապետն է:

Վերմիշյանի նախագծով են վերանորոգվել «Դոմոդեդովո» միջազգային օդանավակայանի առաջին և երկրորդ տերմինալները, կառուցվել Սոչիի ծովային նավահանգիստը` մերձափնյա ինֆրաստրուկտուրայով, Աստրախանի սպորտային բազմաֆունկցիոնալ համալիրն ու Երևանի կրկեսի նոր շենքը:

Հիշեցնենք, Քաղաքաշինության կոմիտեի ստեղծման օրից` 2016թ-ից մինչև 2018-ի թավշյա հեղափոխությունն, այդ կառույցի անփոփոխ ղեկավարն էր ճարտարապետ Նարեկ Սարգսյանը: 

2018թ.-ի հուլիսի 8-ին նա հրաժարական տվեց։ Այս պաշտոնում Նարեկ Սարգսյանին փոխարինեց Ավետիք Էլոյանը, որն աշխատեց մինչև սույն թվականի հունվարի 31–ը։

441
թեգերը:
ՀՀ կառավարություն, Հայաստան
Ըստ թեմայի
Քաղաքաշինության նախարարություն այլևս չկա
Ինչո՞ւ է Քաղաքաշինության կոմիտեն կասեցնում Արամ Մանուկյանի արձանի տեղադրումը
Ավետիք Էլոյանն ազատվեց քաղաքաշինության կոմիտեի նախագահի պաշտոնից
Գերիների վերադարձը. արխիվային լուսանկար

Հայտնի են վերադարձած 5 գերիների անունները

150
(Թարմացված է 19:58 28.01.2021)
Ադրբեջանից Հայաստան վերադարձած 5 գերիները Շիրակի մարզի 62 զինծառայողների խմբից են:

ԵՐԵՎԱՆ, 28 հունվարի - Sputnik. Հայտնի են Ադրբեջանից Հայաստան վերադարձած հինգ գերիների անունները` Էդիկ Հարությունյան, Սեյրան Մաթևոսյան, Կարեն Վարդանյան, Արմեն Նազրամադյան և Աշոտ Վարոսյան։ Տեղեկությունը հայտնում է 24news.am–ը։

Ավելի վաղ լրագրողների հետ զրույցում Արցախի նախագահ Արայիկ Հարությունյանի հատուկ հանձնարարություններով ներկայացուցիչ Բորիս Ավագյանը ասել էր, որ հայրենիք վերադարձած 5 գերիները Շիրակի մարզի 62 զինծառայողների խմբից են:

Նշենք, որ 62 զինծառայողների դեմ քրեական գործեր են հարուցված Ադրբեջանում։ Ավագյանի խոսքով` քրեական մեղադրանքները բարդացրել են զինծառայողների վերադարձման գործընթացը, բայց այն, որ առաջին խումբը արդեն Հայաստանում է, նշանակում է` գործընթացը առաջ է գնում։

«Մենք լավ ենք, չմտածեք». գերեվարված շիրակցի 3 տղաները խոսել են հարազատների հետ

Հիշեցնենք` 2020–ի դեկտեմբերի 16-ին հայտնի դարձավ, որ Հադրութի Հին Թաղեր և Խծաբերդ գյուղերի ուղղությամբ տեղակայված մի քանի մարտական դիրքերից 62 զինծառայող է գերեվարվել, բոլորը` Շիրակի մարզից։ Այսօր նրանցից հինգը վերադարձել են հայրենիք, իսկ 3-ը հեռախոսով զրուցել են ծնողների հետ։

150
թեգերը:
անուն, Շիրակի մարզ, Ադրբեջան, ռազմագերի, գերի
Ըստ թեմայի
Գարեգին Բ–ն գերիների հարցով պատրաստվում է դիմել Հռոմի պապին
Խնդրում եմ, եղե՛ք պատասխանատու. Վարդանյանը գերիների հարցով դիմել է ադրբեջանցի գործընկերոջը
Գերիների խնդրի լուծման լավագույն տարբերակը «բոլորը բոլորի դիմաց» սկզբունքն է․ Զախարովա

Ռուսաստանի հաշվարկներում դրամի մասնաբաժինը 4% է. ԵԱՏՄ–ում հայկական արժույթի ապագայի մասին

13
(Թարմացված է 19:46 28.01.2021)
Հայկական դրամի մասնաբաժնի ավելացման համար տնտեսությունը պետք է կենտրոնանա իր արժույթն ավելի համատարած (ոչ միայն ՌԴ–ի հետ հաշվարկներում) առաջ մղելու վրա։

ԵՐԵՎԱՆ, 28 հունվարի – Sputnik. ԵԱՏՄ–ում հայկական դրամի մասնաբաժինը դեռ աննշան է, Հայաստանի իշխանությունները պետք է բազմապատկեն այն բոլոր խոշոր առևտրային գործընկերների հետ շփումներում։ Այս կարծիքն է հայտնել Կայունության և զարգացման Եվրասիական հիմնադրամի  մակրոտնտեսական վերլուծության բլոկի վիճակագրության բաժնի պետ Նատալյա Լավրովան։

Առցանց ներկայացնելով «Միջազգային հաշվարկներում ԵԱՏՄ ազգային արժույթի դերի բարձրացում» վերլուծական զեկույցը` Լավրովան նշել է, որ ազգային արժույթի առաջմղումը կապված է մի շարք մարտահրավերների հետ։

«Մարտահրավերները մակրոտնտեսական կայունության մեջ են, առևտրի աճի ապահովման ու դրա դիվերսիֆիկացման։  Ընդհանուր առմամբ կարելի է ասել, որ այդ հարցերի պատասխանները մեր երկրների համար սպեցիֆիկ չեն։ Դրանք համալիր են և հարմար են ԵԱՏՄ բոլոր երկրների համար», – ասել է Լավրովան։

Որքանով լավ հաջողվի լուծել այդ հարցերը, այդքան ավելի մեծ են հնարավորությունները ԵԱՏՄ–ից դուրս ազգային արժույթների առաջմղման ու դրանց միջազգայնացման համար։

«Երկրներին հետ են պահում տեխնիկական, ենթակառուցվածքային սահմանափակումները», – ասել է Լավրովան։

ԵԱՏՄ–ում ազգային արժույթների հիմնական մասնաբաժինը բաժին է հասնում ռուբլուն` միջինում փոխադարձ առևտրի 70%–ը։ Հաջորդ բավական կարևոր խաղացողը, որը ընդլայնում է դիրքերը, տենգեն է (Ղազախստանի դրամական միավորը)։  Տենգեի մասնաբաժինը Ռուսաստանի հետ հաշվարկներում շուրջ 8% է։

Հայաստանն ու Ղրղզստանը, ըստ նրա, նույնպես այդ հարցում առաջընթաց ունեն։

«Եթե նայենք Ռուսաստանի հետ Հայաստանի առևտրին, ապա այստեղ դրամի մասնաբաժինը բավական մեծ է` շուրջ 4%։ Հարց. ինչպես հետագայում ընդլայնել և ինչ խթանող միջոցներ պետք է իրականացվեն», – նշել է Լավրովան։

Ընդհանուր առմամբ հայկական դրամի մասնաբաժինը ԵԱՏՄ–ում աննշան է ու փոքր։ Եվ մեծամասամբ կենտրոնացած Ռուսաստանի տնտեսության մեջ։

«Այդ մասնաբաժինն ավելացնելու համար, հավանաբար, հայկական տնտեսությունը պետք է կենտրոնանա իր արժույթի ավելի համատարած խթանման վրա։ Ոչ միայն Ռուսաստանի շրջանակներում, այլև մյուս երկրների, որոնց հետ ակտիվ առևտուր է անում», – նշել է Լավրովան։

ԵԱՏՄ երկրների կառավարությունների ղեկավարները կհավաքվեն Ղազախստանում. հայտնի է օրը

Ներկայիս իրավիճակում երկրները պետք է պահպանեն ձեռքբերած հաջողությունները, և անկասկած շարունակեն զարգացնել դրանք` դիվերսիֆիկացիայի, տարբեր միջոցների օգնությամբ։ Խնդրին համալիր լուծում է պետք։

Խնդրի լուծումը պետք է համատարած լինի։ Ընդ որում` պետք է կենտրոնանալ տնտեսություններում դոլարացման մակարդակը նվազեցնելու անհրաժեշտության վրա։ ԵԶԲ և Կայունության ու զարգացման եվրասիական հիմնադրամի  գլխավոր տնտեսագետ Եվգենի Վինոկուրովն իր հերթին մեկնաբանել է ԵԱՏՄ–ում գազի և այլ ռազմավարական ռեսուրսների դիմաց ազգային արժույթով հաշվարկներին անցում կատարելու հնարավորությունը։

Նա նշել է, որ այսօր ԵԱՏՄ–ում ազգային արժույթների մասնաբաժինը 74% է։ Դա շատ է։ Մնացածի 27%-ը  ածխաջրածիններն են։ Մասնավորապես, գազի մասնաբաժինը` շուրջ 7%։

«Մյուս կողմից, ածխաջրածինների արժեքը որոշվում է դոլարով, դրանց գները գրեթե միշտ դոլարով են սահմանվում միայն այն պատճառով, որ դա ոլորտային շուկայի օրենք է», – նշել է Վինոկուրովը։

Նրա խոսքով` միջպետական հարաբերությունների այդ ոլորտն այնքան նուրբ է, որ գերարագ առաջընթացի սպասել, հավանաբար, չարժե։

Վինոկուրովը կարծում է, որ կարելի է ուշադրությունը կենտրոնացնել արտահանման դիվերսիֆիկացման վրա, հետևողականորեն նվազեցնելով ածխաջրածինների մասնաբաժինը։ Այդպիսով ապրանքային կառուցվածքի բնական աճ կապահովվի, որն ավելի հեշտ է սպասարկել ազգային արժույթով։

Նշենք, որ ներկա պահին ԵԱՏՄ ազգային արժույթների մասնաբաժինը համաշխարհային առևտրի սպասարկման մեջ մոտ 2% է։

13
թեգերը:
Ռուսաստան, Ղազախստան, դրամ, Հայաստան, Եվրասիական տնտեսական միություն (ԵԱՏՄ)
թեմա:
Հայաստան և ԵԱՏՄ
Ըստ թեմայի
ԱԺ-ն վավերացրել է ԵԱՏՄ-ում ապրանքային նշանների մասին պայմանագիրը
ԵԱՏՄ երկրները կարող են պայքարել թուրքական ապրանքներից ազատ Հայաստանի շուկաների համար
ԵԱՏՄ տարածքում նավթի ու գազի ընդհանուր շուկաներ են ձևավորվում. Պուտին
Беженцы из Карабаха прибывают из Армении в Степанакерт (20 ноября 2020). Карабах

Մեկ օրում ավելի քան 120 բնակիչ է վերադարձել Արցախ

0
Ռուս խաղաղապահները հրադադարի ռեժիմի պահպանման համար շուրջօրյա դիտարկում են անցկացնում 27 դիտակետերում:

ԵՐԵՎԱՆ, 28 հունվարի – Sputnik. 129 արցախցիներ ռուս խաղաղապահների ուղեկցությամբ Հայաստանից վերադարձել են Արցախ։ Տեղեկությունը հաղորդում է Ռուսաստանի պաշտպանության նախարարության մամուլի ծառայությունը:

«Ռուսական խաղաղապահ զորախմբի զինծառայողների կողմից ապահովվում է քաղաքացիների անվտանգ վերադարձն իրենց մշտական բնակության վայրեր, ցուցաբերվում է մարդասիրական օգնություն, վերականգնվում են քաղաքացիական ենթակառուցվածքները», - ասված է հաղորդագրությունում։

Նշվում է, որ խաղաղապահները իրավիճակի շուրջօրյա մոնիթորինգ և հրադադարի ռեժիմի պահպանման վերահսկողություն են իրականացնում 27 դիտակետերում:

Ընդհանուր առմամբ, ռուսական պաշտպանական գերատեսչության տվյալներով, Լեռնային Ղարաբաղում մշտական բնակության վայրեր են վերադարձել 51 537 արցախցիներ:

Մեկ օրում ականազերծել է 36 հեկտար տարածք, 4 կմ ճանապարհ, 13 շինություն, հայտնաբերվել ու վնասազերծվել է 19 պայթունավտանգ առարկա։

Նոյեմբերի 23-ից մինչ օրս խաղաղապահ զորախմբի կազմում ընդգրկված ռուս սակրավորները Արցախում ականազերծել են 783,3 հեկտար տարածք, 237,8 կմ ճանապարհ, 929 շինություն, հայտնաբերվել ու վնասազերծվել է 23 873 պայթունավտանգ առարկա։

0
թեգերը:
խաղաղապահ, բնակիչ, Լեռնային Ղարաբաղ, Արցախյան պատերազմ, Արցախ