Տիգրան Ավինյանն ու Նիկոլ Փաշինյանը

Հայաստանը շարունակում է գազի գնի վերաբերյալ բանակցությունները. Ավինյան

89
Հայաստանն ու Ռուսաստանը բանակցում են գազի գինն անփոփոխ թողնելու ուղղությամբ։

ԵՐԵՎԱՆ, 18 մարտի – Sputnik. Ներքին սպառողի համար գազի գինն անփոփոխ թողնելու համար ՀՀ կառավարության և «Գազպրոմ Արմենիա» ընկերության բանակցություններն ընթացքի մեջ են: Այսօր` մարտի 18-ին, լրագրողների հետ ճեպազրույցում ասաց ՀՀ փոխվարչապետ Տիգրան Ավինյանը:

«Գազի գնի վերաբերյալ բանակցությունները շարունակվում են: Ինչպես բազմիցս նշել եմ, հենց նոր տեղեկություն ունենանք, կհայտնենք»,- ասաց Ավինյանը:

Նա շեշտեց՝ գործընթացը շարունակական է և աշխատատար:

Հիշեցնենք` 2018 թվականի վերջին ՀՀ վարչապետ Նիկոլ Փաշինյանը հայտարարել էր, որ ՀՀ կառավարությունը չի սուբսիդավորի բնական գազի սակագինը ներքին սպառողի համար։

Հայ–ռուսական բանակցությունների արդյունքում որոշվել էր, որ գազը Հայաստան կհասնի 1000 խմ–ի դիմաց 165 դոլարով` նախկին 150-ի փոխարեն։ Այնուամենայնիվ, «Գազպրոմ Արմենիայի» հետ ծախսային հոդվածների մանրակրկիտ վերլուծություն է անցկացվում` հասկանալու համար, թե ինչի հաշվին հնարավոր կլինի սպառողի համար պահպանել գազի գործող սակագինը։

«Գազպրոմ Արմենիան» «Գազպրոմի» 100%–ոց դուստր ընկերությունն է։ Զբաղվում է Հայաստանի ներսում գազի բաշխմամբ։

89
թեգերը:
գազի սակագին, Ռուսաստան, Հայաստան
Ըստ թեմայի
Հայաստանը պետք է գազի դիմաց վճարի դրամով. փորձագետ
Վրաստանն ավարտել է ռուսական գազը Հայաստան տեղափոխելու բանակցությունները «Գազպրոմի» հետ
«Գազպրոմ Արմենիան» և ՀՀ իշխանությունները չեն կարողանո՞ւմ պայմանավորվել
Սակագինը կավելանա. Վրաստանը բացահայտել է ռուսական գազը ՀՀ տեղափոխելու պայմանագրի դետալները