Մյասնիկյան պողոտա

Խոշոր վթար Երևանում. երթևեկությունը կաթվածահար է եղել

871
Նոր Նորք և Ավան համայնքներում սարսափելի խցանում է։ Խոշոր վթարի հետևանքով այս համայնքները մոտ 2 ժամ կտրված են մնացել մայրաքաղաքի կենտրոնից։

ԵՐԵՎԱՆ, 18 մարտի — Sputnik. Երևանում` Նոր Նորքը Մյասնիկյան պողոտային ու Ռուբինյանց փողոցին կապող կամրջի վրա, խոշոր վթար է տեղի ունեցել։ Sputnik Արմենիային այս մասին հայտնեցին ՀՀ ոստիկանության տեղեկատվության ու հասարակայնության հետ կապերի վարչությունից

«Կամրջի վրա բախվել են 8 ավտոմեքենա, 2 քաղաքացի վնավածներով դիմել են «Սուրբ Գրիգոր Լուսավորիչ» բժշկական կենտրոն»,– Sputnik Արմենիայի հետ զրույցում ասաց վարչության աշխատակից Զարզանդ Գաբրիելյանը։

Թե ինչ ավտոմեքենաներ են վթարվել, և արդյոք դրանք մեկ, թե մի քանի վթարների հետևանք են, մեր զուցակիցը դժվարացավ հայտնել` նշելով, որ դեպքի վայր մեկնած օպերատիվ խումբն առայժմ չի վերադարձել։

Առավոտյան ժամը 8–ից մինչ այս պահը գրեթե կաթվածահար է Երևանի ծայրամասերի` Նոր Նորք և Ավան համայնքների երթևեկությունը։

Այս պահին խցանված են Մյասնիկյան պողոայից դեպի Նոր Նորքի կենտրոնական ` Գայի պողոտա տանող հատվածը, Գայի պողոտան գրեթե մինչև Նոր Նորքի 4-րդ զանգված և հակառակ ուղղությամբ` Նոր Նորքից դեպի Մյասնիկյան պողոտա, Զեյթուն և Ավան համայնքներ տանող ճանապարհները։ Խցանումների հետևանքով արդեն փակ են նաև Գայի, Մյասնիկյան ու Աճառյան պողոտաների հարակից փողոցները։

871
թեգերը:
վթար, Հայաստան
թեմա:
Վթար, պատահար, սպանություն, գողություն (1026)
Ըստ թեմայի
Կնոջ դիակը հայտնաբերել են գյուղացիները. Արարատի մարզում տեղի ունեցած դեպքի մանրամասները
Երևանում խոշոր վթար է տեղի ունեցել. կան տուժածներ
Ողբերգական դեպք Երևանում. տղամարդը վրաերթի զոհ է դարձել. լուսանկարներ (18+)
Գյումրու լճակներից մեկում կնոջ դի է հայտնաբերվել
Հայտնի է 48–ամյա տղամարդուն վրաերթի ենթարկած տղամարդու ինքնությունը. նա ձերբակալված է