Հայ–իրանական սահման

Իրանից փորձել են թմրանյութ ներմուծել Հայաստան

40
(Թարմացված է 11:45 16.03.2019)
ՊԵԿ–ը կանխել է մաքսանենգության հերթական դեպքը։ Թմրանյութ պարունակող դեղահաբերը պահված են եղել թերմոսում։

ԵՐԵՎԱՆ, 16 մարտի — Sputnik. Իրանի քաղաքացիները փորձել են թմրանյութ պարունակող դեղահաբեր տեղափոխել Հայաստան: Այս մասին հայտնում է ՊԵԿ տեղեկատվության և հասարակայնության հետ կապերի բաժինը։

Պետեկամուտների կոմիտեի մաքսանենգության դեմ պայքարի վարչության Մեղրիի բաժանմունքի և Մեղրիի մաքսակետի աշխատակիցները փետրվարի 15-ին Իրանից Հայաստան ժամանած ԻԻՀ քաղաքացի Մ.Ա.-ի ուղեբեռում հայտնաբերել են 49 ամբողջական և 1 հատ մասնատված «Մեթադոն» տեսակի դեղահաբեր: Թմրանյութ պարունակող դեղահաբերի մի մասը թաքցված է եղել թերմոսում, մնացածը խառնված են եղել այլ դեղահաբերի հետ:

Փաստի առթիվ ՊԵԿ քննչական վարչությունում հարուցվել է քրեական գործ, Իրանի քաղաքացին կալանավորվել է։

Մարտի 14-ին հայտնաբերվել և բերման էր ենթարկվել նաև դեպքի հետ առնչություն ունեցող` Իրանի մեկ այլ քաղաքացի` Մ.Է.-ն, որը նույն օրը ձերբակալվել է:

40
թեգերը:
Իրանի Իսլամական Հանրապետություն, Հայաստան
Ըստ թեմայի
Իրանից թմրանյութի ներկրման փորձ է կանխվել. ՊԵԿ
Թմրանյութի տեղափոխման աննախադեպ միջոց. ՊԵԿ-ը կանխել է, Իրանի 2 քաղաքացի կալանավորված է
Թմրանյութ` աղի հետ. բացահայտվել է ապօրինի թմրաշրջանառությամբ զբաղվող քաղաքացիների խումբ
ՊԵԿ-ը հայտնաբերել է 53.79 գրամ քաշով «ափիոն» տեսակի թմրանյութ
Ռուս սահմանապահներն ու ՀՀ ՊԵԿ աշխատակիցները թույլ չեն տվել, որ թմրանյութը մտնի Հայաստան
Կանխվել է 109 գրամ թմրանյութի ներկրումը Հայաստան. կա ձերբակալված