Արտգործնախարարություն

ԱԳՆ–ն փորձում է պարզել Նոր Զելանդիայում հայկական հետքի առեղծվածը

204
Հայաստանի կառավարությունը կապի մեջ է Նոր Զելանդիայի պատկան մարմինների հետ` պարզելու համար, թե ինչ կապ ունեն հայերը տեղի ունեցածի հետ։

ԵՐԵՎԱՆ, 15 մարտի — Sputnik. Հայաստանի արտգործնախարարությունը կապի մեջ է Նոր Զելանդիայի իշխանությունների հետ։ Sputnik Արմենիային այս մասին հայտնեց ՀՀ ԱԳՆ խոսնակ Աննա Նաղդալյանը։

«Մենք կապի մեջ ենք Նոր Զելանդիայի պատկան մարմինների հետ՝ դեպքի հետ կապված բոլոր հարցերի շուրջ»,-նշեց նա։

Նոր Զելանդիայում տեղի ունեցած ահաբեկչությունից հետո համացանցում տեսանյութեր էին հայտնվել, որտեղ երևում էին զենքեր` հայերեն, իսպաներեն, անգլերեն, սերբերեն և լեհերեն գրություններով։

Հիշեցնենք` Նոր Զելանդիայի Քրայսթչերչ քաղաքի մզկիթներում մարտի 15-ի վաղ առավոտյան տեղի էր ունեցել հրաձգություն, որի հետևանքով մի քանի տասնյակ մարդիկ էին մահացել։

Հրաձիգներից մեկը` Բրենտոն Տարանտը, ավստրալիական ծագում ունեցող 28-ամյա տղամարդ է, նա 17 րոպե իր սոցցանցում տեսահեռարձակել է, թե ինչպես է մզկիթում գնդակահարում մարդկանց։ Տեղի ունեցածից առաջ նա 37 էջանոց ուղերձ է գրել, որում պարզաբանել է` ով է ինքը և ինչու է կրակ բացել մզկիթում։ Ուղերձում նա հայտարարել է, որ դա «ահաբեկչական հարձակում է»։

Հարձակման հետևանքով ձերբակալել են 4 կասկածյալ` 3 տղամարդ և մեկ կին։

Հայտնի է, որ մզկիթներից մեկում միջադեպի պահին շուրջ 300 մարդ է եղել։

204
թեգերը:
Հայաստան
Ըստ թեմայի
Անհայտ անձը կրակ է բացել Նոր Զելանդիայի մզկիթներում և սոցցանցում ուղիղ հեռարձակել ամենը