Հայկ Մարության

Քաղաքապետ Հայկ Մարությանը գնացել է Համալսարանական թիվ 1 հիվանդանոց

552
(Թարմացված է 09:36 15.03.2019)
Իսկ Երևանի պետական բժշկական համալսարանի ռեկտոր Արմեն Մուրադյանը վիրավոր կնոջն աշխատանքի առաջարկ է արել։

ԵՐԵՎԱՆ, 15 մարտի — Sputnik. Երևանի քաղաքապետ Հայկ Մարությանը` կնոջ հետ, ուշ երեկոյան այցելել է օպերայի սրճարանների ապամոնտաժման դեմ պայքարող և վիրավորում ստացած  ցուցարարին տեսակցության։ Ինչպես տեղեկացնում է armlur.am կայքը, վիրավորները Համալսարանական թիվ 1 հիվանդանոցում է պառկած, որտեղ և գնացել է քաղաքապետը։

Լրատվամիջոցի տվյալներով` վիրավորը  1955 թվականի ծնված Սվետլանա Հարությունյանն է, ով ոտքի կոտրվածք է ստացել։  Քաղաքապետն առաջին հերթին ափսոսանք է հայտնել կատարված միջադեպի համար և խոստացել է, որ բարեկարգելու են Օպերայի տարածքն այնպես, որ այն դառնա լավագույնը:

Իսկ Երևանի պետական բժշկական համալսարանի ռեկտոր Արմեն Մուրադյանը վիրավոր կնոջն աշխատանքի առաջարկ է արել։ Կինը սիրով ընդունել է այն։

Սվետլանա Հարությունյանը աշխատում էր օպերայի շրջակայքի սրճարաններից մեկում։

Նշենք, որ օպերայի հարակից տարածքում գտնվող սրճարանների տերերն ու աշխատակիցներն մարտի 14–ին բողոքի ակցիայի էին դուրս եկել։ Նրանց կռիվը Երևանի քաղաքապետարանի դեմ է, որը որոշել է ապամոնտաժել Ազատության հրապարակի հարակից սրճարաններն ու ծառեր տնկել այնտեղ։

Մարդիկ փակել էին Մաշտոց պողոտան և պահանջում էին դադարեցնել սրճարանների ապամոնտաժումը։ Նրանք հայտարարում էին, որ գումար են ներդրել, բարեկարգել և կառուցապատել տարածքը, իսկ ապամոնտաժումը նրանց ֆինանսական վնասներ կհասցնի։ Բացի այդ, մեծ մասը գործազուրկ կդառնա։

Քաղաքապետարանը վստահեցնում է, որ ապամոնտաժման գործընթացն իրականացվում է օրինականության և նախկին վարձակալների հետ պայմանագրերի տառին համապատասխան։ Երևանի քաղաքապետարանը դեռ 2018-ի դեկտեմբերի 13-ին ծանուցումներ է ուղարկել Օպերայի հարակից տարածքում վարձակալության իրավունքով գործունեություն ծավալող 5 տնտեսվարողի, որ համաձայն պայմանագրի` երեսնօրյա ժամկետում դադարելու է վարձակալության պայմանագրի գործողությունը։

Կադաստրի պետական կոմիտեն 30-օրյա ժամկետը լրանալուց հետո քաղաքապետարանի հարցման հիման վրա դադարեցրել է վարձակալության իրավունքը։ Այնուհետև քաղաքապետարանը փետրվարի 13-ին ծանուցումներ է ուղարկել արդեն նախկին վարձակալներին՝ առաջարկելով ողջամիտ ժամկետում մաքրել տարածքն իրենց գույքից, այդ թվում՝ ինքնակամ կառույցներից։ Սակայն նախկին վարձակալները չեն մաքրել տարածքը, և քաղաքապետարանի համապատասխան ստորաբաժանումներն են սկսել ապամոնտաժել կառույցները՝ կանաչապատման աշխատանքները սկսելու համար։

552
թեգերը:
Հայկ Մարության
թեմա:
Բողոքի ակցիա Երևանում. ինչո՞ւ են քանդում օպերային հարակից սրճարանները (32)
Ըստ թեմայի
Մեսչյան. «Այն, ինչ այսօր կատարվում է օպերայի տարածքում, երևանցիների պահանջն է»
Օպերայի տարածքից բերման ենթարկվածներից 17-ին ազատ են արձակել. մանրամասները` ՄԻՊ–ից
Օպերայի տարածքից ոստիկանություն տեղափոխված 19 քաղաքացիներն էլ ազատ են արձակվել
Խաչատրյան. «Օպերայի սրճարանների ապամոնտաժումն իրականացվում է երկակի ստանդարտներով»