Նարեկ Բաբայան

«Մոնթե Մելքոնյան» վարժարանը հարմար չէ պահել Դիլիջանի ՊԵԿ-ի համալիրում. Նարեկ Բաբայան

102
ՊԵԿ համալիրն ուզում են օգտագործել որպես հանգստյան գոտի, իսկ վարժարանի սաներին՝ այլ տարածք տալ:

ԵՐԵՎԱՆ, 14 մարտի — Sputnik. Մոնթե Մելքոնյան զինվորական վարժարանը հարմար չէ պահել ՊԵԿ-ի Դիլիջանի համալիրում: Այդ մասին այսօր լրագրողներին ասաց ՀՀ Պետական գույքի կառավարման վարչության պետ Նարեկ Բաբայանը:

Նա նշեց, որ Պետեկամուտների կոմիտեի համար կառուցված համալիրը զբաղեցնում է մոտ 8 հեկտար տարածք, իսկ վարժարանն ունի 100-ից պակաս սան:

Վարժարանը տարածքի մի մասն է զբաղեցնում, իսկ մյուս մասը՝ հյուրանոցը, և մի քանի երկհարկանի քոթեջ, փակ են ու չեն օգտագործվում: Դրանք պետք է օգտագործվեն նպատակային ձևով, որ պետությունը դրանցից առավելագույն եկամուտ ստանա: Այլապես, պարապուրդի մատնված տարածքը բյուջեից տարեկան 60 միլիոն դրամից ավելի պահպանման ծախսեր է տանում:  

«Սրանից ելնելով` վարժարանի համար պետք է համապատասխան հարմարություններով այլ տարածք գտնել», - նշեց Բաբայանը:

Հիշեցնենք`համալիրի կառուցման հետ կապված այժմ քննվում է երեք քրեական գործ՝ պետական միջոցները վատնելու հատկանիշներով:

102
թեգերը:
Պետական եկամուտների կոմիտե (ՊԵԿ), ՀՀ կառավարություն, Հայաստան