Руководитель фракции Мой шаг Лилит Макунц на пленарном заседании Парламента Армении (5 марта 2019). Еревaн

Խմբակցության բոլոր պատգամավորները ձգտում են դրական փոփոխությունների. Մակունց

87
Հայաստանի առողջապահության նախարար Արսեն Թորոսյանը գրառում է կատարել Facebook–ում` նշելով, որ «Իմ քայլը» խմբակցության որոշ պատգամավորներ դրական փոփոխություններ չեն ուզում երկրի առողջապահական համակարգում։

ԵՐԵՎԱՆ, 14 մարտի — Sputnik. «Իմ քայլը» դաշինքի բոլոր պատգամավորներն աշխատում են դրական փոփոխությունների ուղղությամբ։ Այս մասին ասաց խորհրդարանում ամենամեծ խմբակցության ղեկավար Լիլիթ Մակունցը` մեկնաբանելով Արսեն Թորոսյանի հայտարարությունը։

Առողջապահության նախարար Արսեն Թորոսյանը գրառում է կատարել Facebook սոցիալական ցանցում` նշելով, որ «Իմ քայլը» խմբակցության որոշ պատգամավորներ դրական փոփոխություններ չեն ուզում երկրի առողջապահական համակարգում։

«Մեր խմբակցությունում, իհարկե, բոլորն աշխատում են դրական փոփոխությունների ուղղությամբ։ Իսկ հավելյալ մեկնաբանությունների համար, կարծում եմ, արժե դիմել պարոն Թորոսյանին»,- նշեց Մակունցը:

Նա նշեց, որ այդ հարցի շուրջ «թեժ քննարկումներ» չեն եղել, զրույց է եղել խմբակցության ներսում։ Դրա հրապարակումը էթիկայի նորմերի խախտում է։ Մակունցը հրաժարվեց մեկնաբանել դա` նշելով, որ իրեն վերագրված խոսքերը չեն համապատասխանում իրականությանը։

Մասնավորապես, Արսեն Թորոսյանը գրել է. «Տպավորություններ ունի, որ «Իմ քայլը» խմբակցության որոշ պատգամավորներ դրական փոփոխություններ չեն ուզում տեսնել երկրի առողջապահական համակարգում։ Կարծես թե Հայաստանում թավշյա հեղափոխությունից հետո ամեն ինչ պետք է մնար նույնը՝ պետական թալանված փողերը չպետք է վերադարձվեին, քանի որ դա «գործ տալ է»։ Անկեղծ ասած` օգնություն չեմ էլ ակնկալում նրանցից, բայց և թույլ չեմ տա որևէ արհեստական խոչընդոտ այդ կարևոր ծրագրերի իրականացման ընթացքում ու չեմ վարանի իրերը կոչել իրենց անուններով, ինչպես միշտ։ Մի բան բոլորի համար թող պարզ լինի. ես այս պատասխանատու գործում ունեմ գեթ մեկ առաքելություն՝ բերել դրական փոփոխություններ մեր երկրի առողջապահական համակարգում և բնակչության առողջության մեջ։ Այլ շահեր, ի տարբերություն ոմանց, ոչ ունեցել եմ, ոչ էլ ունեմ»,- գրել է նա։

87
թեգերը:
«Իմ քայլը» դաշինք, Լիլիթ Մակունց, ՀՀ Առողջապահության նախարարություն, Արսեն Թորոսյան, Հայաստան
Ըստ թեմայի
Առողջապահության նախարարը խորհուրդ է տալիս. узбагойтесь
Ձերբակալվել է առողջապահության նախկին փոխնախարարը. չարաշահումներ են հայտնաբերվել
Առողջապահության նախկին փոխնախարարին ազատ արձակեցին գրավի դիմաց