Գրավատների ու փոխանակման կետերի աշխատակիցները կառավարության դիմաց են

Ասում են` «գնացեք, փակվեք». մարդիկ բողոքի ցույց են անում կառավարության դիմաց

31
Գրավատների ու փոխանակման կետերի աշխատակիցները կառավարության ներկայացուցիչներից որևէ մեկի հետ հանդիպում են պահանջում։

ԵՐԵՎԱՆ, 14 մարտի — Sputnik. ՀՀ կառավարության շենքի դիմաց այսօր դարձյալ բողոքի ակցիա են իրականացնում գրավատների ու փոխանակման կետերի աշխատակիցները։

Ակցիայի մասնակիցներին մոտեցավ ՀՀ մարդու իրավունքների պաշտպան Արման Թաթոյանը։ Նա լսեց քաղաքացիների բողոքն ու առաջարկեց նամակով դիմել իրեն, ներկայացնել բողոքները, որպեսզի փորձի ուսումնասիրել խնդիրը։

Ակցիայի մասնակիցներից Ռաֆայել Եսայանը Sputnik Արմենիայի հետ զրույցում նշեց, որ նման որոշմամբ կառավարությունն իրենց ասում է «գնացեք, փակվեք»։

Նրա խոսքով` նախագիծը կյանքի կոչելու դեպքում իրենց հենց այդպիսի ճակատագիր է սպառոնում։

«Կառավարության ասածը էս է` փակվեք, գնացեք ձեր տանը նստեք։ Մենք այս հարցին պետք է արագ լուծում տանք, քանի որ իրենք էլ են շատ արագ գործում։ Պեչատը որոշման տակ խփում են, ու վերջ, ինչ ուզում եք, արեք» ,– ասաց նա։

Գրավատների ու փոխանակման կետերի աշխատակիցները կառավարության ներկայացուցիչներից որևէ մեկի հետ հանդիպում են պահանջում։

  • Գրավատների ու փոխանակման կետերի աշխատակիցները կառավարության դիմաց են
    Գրավատների ու փոխանակման կետերի աշխատակիցները կառավարության դիմաց են
    © Sputnik / Aram Nersesyan ,
  • Գրավատների ու փոխանակման կետերի աշխատակիցները կառավարության դիմաց են
    Գրավատների ու փոխանակման կետերի աշխատակիցները կառավարության դիմաց են
    © Sputnik / Aram Nersesyan ,
1 / 2
© Sputnik / Aram Nersesyan ,
Գրավատների ու փոխանակման կետերի աշխատակիցները կառավարության դիմաց են

Հիշեցնենք` կառավարությունը «Պետական տուրքի մասին ՀՀ օրենքում փոփոխություններ և լրացումներ կատարելու մասին» նախագծով պատրաստվում է 60 անգամ ավելացնել տարեկան վճարվող պետական տուրքը գրավատների և փոխանակման կետերի համար։ Այսինքն` նախագիծը կյանքի կոչվելու դեպքում գրավատների համար ներկայիս 100 000 դրամի փոխարեն կսահմանվի 6 մլն, իսկ փոխանակման կետերի համար՝ 50 000 դրամի փոխարեն 3 մլն դրամ պետտուրք։ Նախագիծն առաջարկել է Կենտրոնական բանկը (ԿԲ) ու նաև սահմանել, որ բանկերի 3 մլն պետտուրքը պետք է դառնա 7 մլն դրամ։

31
Ըստ թեմայի
«Գրեթե ոչ մի փոխանակման կետ չի կարողանա վճարել այդ երեք միլիոնը». Չալաբյան
Ասլանյան․ «Հարկերի 60 տոկոսով բարձրացումը կհանգեցնի բանկերի մոնոպոլիզացիայի»
Գտնել լուծում, որը կբավարարի ոչ միայն գրավատներին, այլև գազավորված ըմպելիք արտադրողներին
«Ուզո՞ւմ են արտագաղթենք». գրավատների համար պետտուրքը նախատեսում են ավելացնել 60 անգամ