Վրաստանի նախագի պատվին տրված ընթրիք

Վրաստանի նախագահը պատմել է, թե որ հայերով են հպարտանում վրացիները

168
Հայաստանն ու Վրաստանը մեծ ներուժ ունեն` ուժեղ և զարգացած երկրներ դառնալու համար։

ԵՐԵՎԱՆ, 14 մարտի — Sputnik. Վրացիները հայերին հավասար հպարտանում են Սայաթ–Նովայով, Արամ Խաչատրյանով, Սերգեյ Փարաջանովով, Շառլ Ազնավուրով, Գիվի Շահնազարիով և մյուս մեծերով։ Այդ մասին Երևանում պաշտոնական ընթրիքի ժամանակ հայտարարել է Վրաստանի նախագահ Սալոմե Զուրաբիշվիլին, հաղորդում է Վրաստանի նախագահի մամուլի ծառայությունը։

Երեկ Զուրաբիշվիլու պատվին Հայաստանի նախագահի նստավայրում Արմեն Սարգսյանի անունից կազմակերպվել է պաշտոնական ընդունելություն։

«Հայաստանի և Վրաստանի պատմությունն օգնել է պահպանել դիցաբանությունը, խոսքը Քարթլոսի և Հայոսի մասին է։ Մենք գրեթե միաժամանակ ենք ընդունել քրիստոնեություն։ 1918թ–ին միաժամանակ հռչակվել է անկախություն, միաժամանակ կորցրել և վերականգնել ենք այն», – ասել է Զուրաբիշվիլին։

Նա նշել է, որ երկու ժողովրդին միավորում են արժեքները, որոնց վրա ժամանակին հենվել է Կովկասը։ Վրացիները և հայերը հպարտանում են Սայաթ–Նովայով, Արամ Խաչատրյանով, Սերգեյ Փարաջանովով, Շառլ Ազնավուրով, Գիվի Շահնազարիով և մյուս մեծերով։

Նախագահը նշել է, որ այս տարի Վրաստանում նշվում են հայ մեծանուն բանաստեղծ Հովհաննես Թումանյանի և Կոմիտասի 150–ամյա հոբելյանները։ Կկազմակերպվի հոբելյանական երեկո, որը կանցկացվի մեծ շուքով։

«Մշակութային կապերից բացի, մենք պետք է ընդլայնենք համագործակցության շրջանակը։ Հայաստանն ու Վրաստանը մեծ ներուժ ունեն` ուժեղ, զարգացած երկրներ դառնալու և Կովկասին իր պատմական նշանակությունը վերադարձնելու համար», – ասել է Զուրաբիշվիլին։

Հայաստանի նախագահ Արմեն Սարգսյանն իր հերթին նշել է, որ երկու ժողովուրդների մեջ ապրում է բարեկամության մասին գենետիկ հիշողությունը։

Վրաստանի նախագահն իր առաջին պաշտոնական այցով Հայաստան է ժամանել Արմեն Սարգսյանի հրավերով։

Զուրաբիշվիլու գլխավորած պատվիրակության կազմում են Վրաստանի արդարադատության նախարար Թեա Ցուլուկիանին, Վրաստանի խորհրդարանի փոխխոսնակ Գեորգի Վոլսկին, Վրաստանի խորհրդարանի պատգամավորներ, պաշտոնատար այլ անձինք:

Հիշեցնենք` Վրաստանի նախագահ Սալոմե Զուրաբիշվիլին, ՀՀ փոխվարչապետ Տիգրան Ավինյանի և Երևանի քաղաքապետ Հայկ Մարությանի ուղեկցությամբ այցելել է Ծիծեռնակաբերդ հուշահամալիր և հարգանքի տուրք է մատուցել Հայոց ցեղասպանության անմեղ զոհերի հիշատակին` ծաղիկներ խոնարհելով անմար կրակի մոտ։

168
թեգերը:
Վրաստանի Հանրապետություն, Հայաստան
թեմա:
Հայաստան–Վրաստան համագործակցություն (77)
Ըստ թեմայի
Հայերը և ադրբեջանցիները Վրաստանում խաղաղ ապրում են. Զուրաբիշվիլի
«Հանդիպումն արդյունավետ եմ համարում». Սարգսյանը` Զուրաբիշվիլու հետ բանակցության մասին
«Արմեն Սարգսյանը միակն էր». ինչի համար է Զուրաբիշվիլին շնորհակալ Հայաստանի նախագահին
Հայաստանի և Ադրբեջանի արտգործնախարարները ԵԱՀԿ Մինսկի խմբի համանախագահների հետ

ԵԱՀԿ Մինսկի խմբի համանախագահները հայտարարություն են տարածել

87
(Թարմացված է 01:08 16.07.2020)
Մինսկի խմբի համանախագահները կոչով դիմել են կողմերին և կարևորել ԵԱՀԿ դիտորդների վերադարձը տարածաշրջան։

ԵՐԵՎԱՆ, 16 հուլիսի – Sputnik. ԵԱՀԿ Մինսկի խմբի համանախագահներն ու ԵԱՀԿ գործող նախագահի անձնական ներկայացուցիչ Անջեյ Կասպշիկը հուլիսի 15-ն կայացած հանդիպումից հետո հայտարարություն են տարածել` ողջունելով Հայաստանի և Ադրբեջանի սահմանագոտու լարվածության նվազումը։

ԵԱՀԿ–ի կայքում հրապարակված հաղորդագրության մեջ նշվում է, որ ԵԱՀԿ Մինսկի խմբի համանախագահները (Ռուսաստան, Ֆրանսիա, ԱՄՆ) և ԵԱՀԿ գործող նախագահի անձնական ներկայացուցիչը կողմերին հորդորել են բոլոր ջանքերը գործադրել լարվածությունը թուլացնելու համար։

«Համանախագահները կողմերին կոչ են անում զերծ մնալ սադրիչ հռետորաբանությունից և իրավիճակը փոխելու փորձերից։ Համանախագահները շարունակում են ընդգծել խաղաղ գործընթացի վերականգնմանը նպաստող մթնոլորտ ձևավորելու անհրաժեշտությունը», - նշված է Մինսկի խմբի հայտարարության մեջ:

Նրանք ողջունել են նաև Հայաստանի և Ադրբեջանի արտգործնախարարների՝ հնարավորինս շուտ ղարաբաղյան կարգավորման կարևորագույն հարցերի շուրջ առարկայական բանակցություններ վարելու պատրաստակամությունը, ինչպես նաև կարևորել են ԵԱՀԿ դիտորդների վերադարձը տարածաշրջան, երբ պայմանները թույլ տան։

Հիշեցնենք` հուլիսի 12–ից իրավիճակը սրվել է հայ–ադրբեջանական սահմանի Տավուշի հատվածում։ Հուլիսի 12–ին` ժամը 12:30-ի սահմաններում, Ադրբեջանի զինված ուժերի զինծառայողները ՈւԱԶ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձեր են արել: Հայկական կողմի նախազգուշացումից հետո Ադրբեջանի զինծառայողները, թողնելով ավտոմեքենան, վերադարձել են իրենց դիրքեր:

Դրանից հետո հակառակորդը պարբերաբար վերսկսում է գնդակոծությունն ինչպես հայ դիրքապահների, այնպես էլ բնակավայրերի ուղղությամբ։

Պաշտոնական տվյալներով՝ Ադրբեջանն ունի 11 զոհ, իսկ հայկական կողմը` 4 զոհ, 10 վիրավոր։

87
թեգերը:
Ադրբեջան, ԵԱՀԿ Մինսկի Խումբ, Հայաստան
Ըստ թեմայի
Ադրբեջանը կիրառել է մարդուն խոշտանգող ու անվերականգնելի վնաս հասցնող հրետանային արկեր. ՄԻՊ
Ադրբեջանական կրակոցների հետքերը Այգեպարում. տեսանյութ
Հայերը կոտրել են ադրբեջանցիների գլխավոր հաքերական կայքը. համացանցում «փոխհրաձգություն» է
Ինչպես են լուսաբանում հայ-ադրբեջանական հակամարտությունը միջազգային մամուլում
Համակարգիչ

Հայերը կոտրել են ադրբեջանցիների գլխավոր հաքերական կայքը. համացանցում «փոխհրաձգություն» է

81
(Թարմացված է 00:04 16.07.2020)
Փորձագետի գնահատմամբ՝ այն, ինչ տեղի է ունենում հիմա, հիբրիդային պատերազմի ակտիվացում է։

ԵՐԵՎԱՆ, 15 հուլիսի – Sputnik. Հայ հաքերները DdoS հարձակման միջոցով անհասանելի են դարձրել ադրբեջանցիների Anti-Armenia գլխավոր հաքերային կայքը։ Տեղեկությունը Sputnik Արմենիայի թղթակցի հետ զրույցում հայտնեց մեդիափորձագետ, տեղեկատվական անվտանգության փորձագետ Սամվել Մարտիրոսյանը։

Նա նշեց, որ հայ և ադրբեջանցի հաքերներն ամբողջ օրը DDoS հարձակումներ են գործել մեդիահարթակների վրա, սակայն կողմերից ոչ մեկին չի հաջողվել որևէ կայք «կոտրել»։

Ավելի վաղ Sputnik Արմենիային տված հարցազրույցում Մարտիրոսյանն ասել էր, որ կիրակի հայկական դոմենով տասնյակ կայքեր են DDoS հարձակման ենթարկվել։ Փորձագետը նշել էր, որ հարձակման նախաձեռնողները, ամենայն հավանականությամբ, Ադրբեջանի հատուկ ծառայություններն են։ Երեքշաբթի հայտնի դարձավ, որ հաքերային հարձակման են ենթարկվել ՀՀ վարչապետի (primeminister.am), կառավարության (gov.am), ինչպես նաև էլեկտրոնային կառավարման (e-gov.am) կայքերը, սակայն դրանք դեռ երեկ վերականգնվել են ու աշխատում են սովորական ռեժիմով։

«Երկու կողմի հարձակումներն էլ անհաջող են, քանի որ մեդիահարթակները պաշտպանված են։ Այս ամենը վերածվում է խրամատային պատերազմի։ Ոչ ոքի չի հաջողվում երկար ժամանակով կոտրել հակառակ կողմի ռեսուրսները», - պարզաբանեց Մարտիրոսյանը։

Վերլուծելով վերջին օրերի իրադարձությունները` փորձագետը նշեց, որ ամենախոշոր հարձակումը տեղի է ունեցել 2012 թվականին։ Այսօրվա հարձակումները մեծ հաշվով չեն հասնում այն ժամանակվա ծավալներին ոչ թե այն պատճառով, որ պակաս ինտենսիվ են, այլ որովհետև կողմերն ավելի լավ են պատրաստված։

Նրա խոսքով` այսօրվա գրոհն ավելի ինտենսիվ է համացանցում, եթե համեմատենք 2016 թվականի ապրիլյան պատերազմի հետ։

Ինչ վերաբերում է ընդհանուր իրավիճակին, Մարտիրոսյանը նշեց, որ Հայաստանը մեծ հաշվով մշտապես հիբրիդային պատերազմի մեջ է։ Սակայն այժմ այն ակտիվ փուլում է։

Հիշեցնենք` հուլիսի 12–ից իրավիճակը սրվել է հայ–ադրբեջանական սահմանի Տավուշի հատվածում։ Հուլիսի 12–ին` ժամը 12:30-ի սահմաններում, Ադրբեջանի զինված ուժերի զինծառայողները ՈւԱԶ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձեր են արել: Հայկական կողմի նախազգուշացումից հետո Ադրբեջանի զինծառայողները, թողնելով ավտոմեքենան, վերադարձել են իրենց դիրքեր:

Դրանից հետո հակառակորդը պարբերաբար վերսկսում է գնդակոծությունն ինչպես հայ դիրքապահների, այնպես էլ բնակավայրերի ուղղությամբ։

Պաշտոնական տվյալներով՝ Ադրբեջանն ունի 11 զոհ, իսկ հայկական կողմը` 4 զոհ, 10 վիրավոր։

81
Ըստ թեմայի
Հայկական ԶՈւ ստորաբաժանումները 13 ԱԹՍ են խոցել
Հարված թշնամու «մռութին». ի՞նչ կարողացանք ապացուցել վերջին օրերի ընթացքում
«Նարեկը պատճառ չուներ սահմանն անցնելու». ինչպես է 30-ամյա տղամարդը հայտնվել Ադրբեջանում