Բերդ

Ժամկետային զինծառայողին սպանելու կասկածանքով ձերբակալվել է նրա ծառայակից ընկերը

147
Ձեռնարկվում են անհրաժեշտ քննչական և դատավարական գործողություններ՝ դեպքի բազմակողմանի, լրիվ և օբյեկտիվ հետազոտումն ապահովելու ուղղությամբ:

ԵՐԵՎԱՆ, 12 մարտի — Sputnik. Ժամկետային զինծառայող, Կարեն Կարապետյանի մահացու հրազենային վնասվածք հասցնելու կասկածանքով ձերբակալվել է նրա ծառայակից ընկերը։

Այս մասին հայտնում է ՀՀ քննչական կոմիտեի մամուլի ծառայությունը։

Ինչպես արդեն տեղեկացրել էինք, 2019թ. մարտի 12-ին, ժամը 06.50-ի սահմանում, N զորամասի պահպանության տեղամասի մարտական դիրքում պարտադիր ժամկետային զինծառայող, շարքային Կարեն Արտակի Կարապետյանի` մահացու հրազենային վնասվածք ստանալու դեպքի առթիվ երրորդ կայազորային քննչական բաժնում ՀՀ քրեական օրենսգրքի 104-րդ հոդվածի 1-ին մասով հարուցվել է քրեական գործ, կատարվում է նախաքննություն:

Քրեական գործի նախաքննության ընթացքում հանցագործություն կատարելու կասկածանքով ձերբակալվել է Կ.Կարապետյանի համածառայակիցը:

Ձեռնարկվում են անհրաժեշտ քննչական և դատավարական գործողություններ՝ դեպքի բազմակողմանի, լրիվ և օբյեկտիվ հետազոտումն ապահովելու ուղղությամբ:

147
թեգերը:
ՀՀ քննչական կոմիտե, Զինվոր, Արցախ, Հայաստան
Ըստ թեմայի
Ինչու է գյումրեցի կնոջ սպանության մեջ կասկածվող ռուս զինծառայողը գտնվում ռազմակայանում
Ողբերգական ավտովթար Սյունիքում. պայմանագրային զինծառայողը տեղում մահացել է
ՊՆ զորամասում լեյտենանտին սպանել է զինծառայողը. նա կրակահերթ է արձակել գնդացրից