Սրբուկը վճռական է տրամադրված. երգչուհին` իր տեսահոլովակի արձագանքի մասին
(Թարմացված է 17:47 11.03.2019)
Սրբուկը դրական է համարում Walking Out երգի տեսահոլովակի արձագանքը։ Նա հավատում է սեփական ուժերին և հաջողության հույս ունի։ԵՐԵՎԱՆ, 11 մարտի — Sputnik, Նանա Մարտիրոսյան. «Եվրատեսիլ 2019» երգի միջազգային մրցույթի հայաստանյան մասնակից Սրբուկը հավատում է իր ուժերին ու հաջողությանը։ Այս մասին նա ասաց Sputnik Արմենիայի թղթակցի հետ զրույցում։
Հիշեցնենք, որ երեկ ներկայացվել է Walking Out երգի տեսահոլովակը, որի ռեժիսորը Արթուր Մանուկյանն է։
«Տեսահոլովակի վերաբերյալ արձագանքը դրական է։ Արձագանքներ եղան ինչպես հայտնի մարդկանցից, այնպես էլ հասարակ մարդկանցից։ Սակայն հիմնականում հիացական մեկնաբանություններ էին թողնում` ընդգծելով, որ երգն ու տեսահոլովակը համահունչ են էներգիայիս ու երգելու ոճիս», – նշեց նա։
Ուկրաինական «Ձայնը» նախագծում երգչուհու մարզիչ Պոտապն առայժմ չի զանգել և իր գնահատականը չի տվել, բայց Սրբուկը համոզված է, որ նա դեռ տեսահոլովակը չի տեսել, և անպայման կապ կհաստատի իր հետ դիտելուց հետո։
Երգչուհին պատմեց, որ իրենք շարունակում են կապ պահպանել նաև շոուից հետո և ջերմ հարաբերություններ ունեն։ Իմանալով, թե «Եվրատեսիլին» մասնակցելը որքան կարևոր է Սրբուկի համար, Պոտապը չի կարող անհաղորդ մնալ։
Տեսահոլովակի դիտումների և թողած մեկնաբանությունների քանակից դատելով` համացանցի օգտատերերը նույնպես հավանել են այն։
Սրբուկը խոստովանեց, որ երգն իրեն շատ է դուր գալիս, քանի որ այն իսկապես բավական համահունչ է նրա հոգեվիճակին։ Ստեղծագործությունն ընտրվել է ավելի քան հարյուր տարբերակից, փորձել են գտնել ամենաօպտիմալն ու շահեկանը։
Երգչուհին նոր ուժերով և կրկնակի էներգիայով է սկսել աշխատել շոուի վրա, որը հանդիսատեսը կտեսնեի «Եվրատեսիլի» բեմում։ Երգչուհին գաղտնիքներ չբացահայտեց, բայց վստահեցրեց, որ հանդիսատեսը չի հիասթափվի։
«Վճռական եմ տրամադրված և ելույթ կունենամ առավելագույնս լավ։ Հավատում եմ և հաջողության ու հաղթանակի հույս ունեմ», – ասաց Սրբուկը։
«Եվրատեսիլ-2019» երգի միջազգային մրցույթը տեղի կունենա մայիսի 14-ից մինչև 18-ը Իսրայելի մայրաքաղաք Թել Ավիվում: Մրցույթին կմասնակցեն 41 երկրի ներկայացուցիչ։ Սրբուկը ելույթ կունենա մայիսի 16-ին երկրորդ կիսաեզրափակիչի առաջին կեսում։
Գյումրու Վերականգնողական կենտրոնում փորձում են վերադարձնել վիրավորված տղաների ժպիտը
(Թարմացված է 18:09 03.03.2021)
Տղաներից շատերը դժգոհում են միայն մի բանից՝ չեն կարողանալու վերադառնալ զինվորական ծառայության։ Արցախում մարտական գործողությունների ժամանակ տարբեր վիրավորումներ ստացած տղաներից շատերը բուժվում են Գյումրու Վերականգնողական կենտրոնում: 87 զինծառայող պետպատվերի շրջանակներում արդեն ավարտել է վերականգնողական փուլը:
©
Sputnik / Armenuhi Mkhoyan
Գյումրու Վերականգնողական կենտրոն
Կենտրոն դիմած տղաների վիրավորումները տարբեր են՝ հրազենային, բեկորային, այրվածքային՝ բուժումներն էլ համապատասխանաբար՝ մերսումներ, թերապևտիկ ու մարզասարքերի վարժանքներ՝ վերջույթների, ողնաշարային ֆունկցիոնալ խանգարումների ու նյարդային համակարգի գործունեության վերականգնման համար: Տղաներից շատերը, մինչև վերականգնողական փուլին անցնելը, մի քանի բարդ վիրահատություն արդեն ունեցել են: Իսկ վերականգնումը, ըստ մասնագետների, հիմնականում երկարատև գործընթաց է։
«Մեզ մոտ վերականգնողական փուլ անցած զինվորների մի մասին արդեն ճանապարհել ենք ծառայության: Եղել են տղաներ, որ երկրորդ կամ երրորդ փուլով են եկել, օրինակ՝ պրոթեզավորումից հետո: Այս պահին 42 երիտասարդ է բուժման կուրս անցնում»,-Sputnik Արմենիային տեղեկացրեց կենտրոնի տնօրեն, բժշկուհի Անահիտ Աղաջանյանը հավելելով, որ գրեթե բոլորի մոտ, ֆիզիկական վնասվածքներից բացի, հոգեբանական վնասվածքներն ավելի խորն են:
©
Sputnik / Gevorg Ghazaryan, provided by Anahit Aghajanyan
Անահիտ Աղաջանյան
«Հոգեբանական խնդիրները շատ են, բայց փորձում ենք այնպես անել, որ ֆիզիկական կարողությունների վերականգնումից բացի նաև տղաների ժպիտը վերադարձնենք»,-նշում է բժշկուհին ընդգծելով՝ տղաներից շատերը վերականգնումից հետո ցանկություն են հայտնում շարունակել ծառայությունը: «Ապշեցնող է՝ ինչքան կամք, ինչպիսի ոգի ու հայկականություն կա մեր տղաների մեջ»,-ասում է Անահիտ Աղաջանյանը:
Սարգիս Սարգսյանը սպա է, վիրավորվել է կասետային ռումբի պայթյունից հոկտեմբերի 14-ին՝ Մատաղիսում: Առաջնային բուժումը ստացել է «Աստղիկ» բժշկական կենտրոնում:
©
Sputnik / Armenuhi Mkhoyan
Սարգիս Սարգսյան
Արդեն երկու ամիս է՝ կենտրոնում է, ու արդյունքը Սարգիսը տեսանելի է համարում:
«Բուժումը դրական արդյունք է տվել, վստահ եմ ՝ ևս 1 ամիս, ու մատներս կկարողանամ ազատ շարժել ու վերադառնալ մարտական ծառայության»,-նշում է երիտասարդը:
Մուշեղ Մարտիրոսյանը ևս սպա է, 23-ամյա երիտասարդը ծառայել է հակաօդային պաշտպանության զորքերում, վիրավորումը ստացել է պատերազմի հենց առաջին օրը՝ Մարտակերտի շրջանում: Վերականգնողական բուժման երկրորդ ամիսն է:
©
Sputnik / Armenuhi Mkhoyan
Մուշեղ Մարտիրոսյան
«Երբ նոր էի եկել, քայլել չէի կարողանում, հիմա արդեն լավ քայլում եմ: Նպատակս ամբողջովին վերականգնվելն է, որից հետո կմտածեմ, թե ինչ մասնագիտություն ընտրել. վիրավորումներիս պատճառով, ցավոք, այլևս չեմ կարող ծառայությունս շարունակել»,-ասում է երիտասարդը:
Վերականգնողական կենտրոնում բուժվողներից շատերը դժգոհում էին՝ վիրավորումների պատճառով այլևս չեն կարող վերադառնալ ծառայության, թեև իրենք իրենց գործն ավարտած չեն համարում:
©
Sputnik / Armenuhi Mkhoyan
Պետրոս Հուրիխանյան
«Ուզում են ինձ զորացրեն, բայց ես ինձ դեռ ոչ պիտանի չեմ համարում, ու վերականգնողական կուրսն անցնելուց հետո կկարողանամ շարունակել ծառայությունս, իմ երազանքը հիմա միայն դա է: 11 տարի ես մարտական ծառայություն եմ իրականացրել ու հիմա չեմ կարող թողնել»,-նշում է Պետրոս Հուրիխանյանը։
Հավելենք, որ Գյումրու վերականգնողական կենտրոն գալիս են զինվորական կենտրոնական հոսպիտալի հանձնաժողովի կողմից տրված ուղեգրով:
Ջերմաստիճանը կբարձրանա. եղանակի տեսություն
(Թարմացված է 16:14 04.03.2021)
Հիդրոօդերևութաբանների կանխատեսումներով` տեղումնառատ օրերը դեռ կշարունակվեն։ ԵՐԵՎԱՆ, 5 մարտի - Sputnik. Հայաստանի Հանրապետության տարածքում այսօր` մարտի 5-ին հարավային շրջաններում, 7-ի կեսօրից հետո, 8-ին, 9-ի գիշերը շրջանների զգալի մասում, 9-ի ցերեկը առանձին շրջաններում սպասվում են տեղումներ, լեռնային և նախալեռնային շրջաններում` ձյան տեսքով։ Մարտի 6-ին, 7-ի գիշերը սպասվում է առանց տեղումների եղանակ։ Տեղեկությունը հայտնում է ՀՀ ԱԻՆ մամուլի ծառայությունը։
Հաղորդագրության համաձայն` քամին կլինի հարավարևմտյան՝ 5-10 մ/վ արագությամբ:
Օդի ջերմաստիճանը մարտի 5-6-ի ցերեկն աստիճանաբար կբարձրանա 2-4 աստիճանով, 8-ի ցերեկը նույնքան կնվազի։
Երևան քաղաքում մարտի 5-6-ը, 7-ի գիշերը, 9-ի ցերեկը սպասվում է առանց տեղումների եղանակ, 7-ի երեկոյան ժամերին, 8-ին, 9-ի գիշերը սպասվում են տեղումներ:
«Հորս արև, ես հայերեն չեմ խոսում», կամ 22-ամյա իրաքցի Ալաայի առօրյան Երևանում