Հատուկ օպերացիա «Կիլիկիա» ավտոկայանում. նոր ղեկավարությունը չի կարողանում բացել դռները
ԵՐԵՎԱՆ, 11 մարտի — Sputnik. Ոստիկանությունն այսօր կեսօրից հատուկ գործողություններ է իրականացնում «Կիլիկիա» ավտոկայանում։
Ավելի վաղ ԶԼՄ–ները հայտնել էին, թե ոստիկանները «Բոգո» անունով հայտնի Ռուբեն Կոստանյանի տարածքներում զննում են իրականացնում և ազատում են նրան պատկանող տարածքները:
Ոստիկանության լրատվական բաժնից Sputnik Արմենիային տեղեկացրին, որ «Կիլիկիա» ավտոկայանում գործողություններ են իրականացնում ոստիկանության կազմակերպված հանցագործության դեմ պայքարի վարչության ծառայողները։
«Նրանք ավտոկայանի հարակից տարածքում տնտեսվարողների կողմից ապօրինի հոսանքից օգտվելու փաստն են ստուգում»,– ասացին ոստիկանության լրատվական բաժնից։
Մեր ճշտող հարցին, թե ավտոկայանի ամբողջ տարածքո՞ւմ են ստուգումներ իրականացվում, պատասխանեցին` ավտոկայանի հարակից տարածքում։
©
Sputnik / Asatur Yesayants
Հատուկ գործողություն «Կիլիկիա» ավտոկայանում
Sputnik Արմենիայի` «Կիլիկիա» ավտոկայանում գտնվող թղթակիցը հաղորդում է, որ ավտոկայանի ներքին վերահսկողության բաժնի ղեկավար Արտաշես Վիրաբյանը լրագրողներին տեղեկացրել է, որ աշխատասենյակների դռները փակ են։ Ըստ Վիրաբյանի` չնայած սենյակների բանալիներն իրենց մոտ են, սակայն այդպես էլ չեն կարողանում մուտք գործել աշխատասենյակներ։
«Ինչ–որ կերպ դռները փակել են, և մենք ուղղակի չենք կարողանում ներս մտնել»,–ասաց Վիրաբյանը։
©
Sputnik / Asatur Yesayants
Փորձում են բացել դռները
Ավտոկայանի տնօրենի ժամանակավոր պաշտոնակատար Աշոտ Մնացականյանն էլ լրագրողների հետ զրույցում նշեց, որ նոր ղեկավարությունն ուզում է նախորդների հետ պարզել ֆինանսական հաշվետվությունները, բայց առայժմ չի հաջողվում։
Ավելի ուշ որոշ դռներ կարողացան բացել, բայց որևէ արտասովոր բան այնտեղ չկար։ Դռներից մեկն այդպես փակ էլ մնաց։ Վիրաբյանի տեղեկություններով` այնտեղ նստել է հաշվապահը։
Արտաշես Վիրաբյան© Sputnik / Asatur Yesayants
Ստուգումներ «Կիլիկա» ավտոկայանում© Sputnik / Asatur Yesayants
Спецназ на автовокзале "Киликия"© Sputnik / Asatur Yesayants
Ոստիկաններն ավտոկայանում© Sputnik / Asatur Yesayants
Ոստիկաններն ավտոկայանում© Sputnik / Asatur Yesayants
©
Sputnik / Asatur Yesayants
Նշենք, որ «Կիլիկիա» ավտոկայանը նախկինում գործել է տրանսպորտի և կապի նախարարության ներքո, իսկ այժմ պետական գույքի կառավարման վարչությանն է պատկանում։ Քննարկվում է ավտոկայանի սեփականաշնորհման հարցը։
Գյումրու Վերականգնողական կենտրոնում փորձում են վերադարձնել վիրավորված տղաների ժպիտը
(Թարմացված է 18:09 03.03.2021)
Տղաներից շատերը դժգոհում են միայն մի բանից՝ չեն կարողանալու վերադառնալ զինվորական ծառայության։ Արցախում մարտական գործողությունների ժամանակ տարբեր վիրավորումներ ստացած տղաներից շատերը բուժվում են Գյումրու Վերականգնողական կենտրոնում: 87 զինծառայող պետպատվերի շրջանակներում արդեն ավարտել է վերականգնողական փուլը:
©
Sputnik / Armenuhi Mkhoyan
Գյումրու Վերականգնողական կենտրոն
Կենտրոն դիմած տղաների վիրավորումները տարբեր են՝ հրազենային, բեկորային, այրվածքային՝ բուժումներն էլ համապատասխանաբար՝ մերսումներ, թերապևտիկ ու մարզասարքերի վարժանքներ՝ վերջույթների, ողնաշարային ֆունկցիոնալ խանգարումների ու նյարդային համակարգի գործունեության վերականգնման համար: Տղաներից շատերը, մինչև վերականգնողական փուլին անցնելը, մի քանի բարդ վիրահատություն արդեն ունեցել են: Իսկ վերականգնումը, ըստ մասնագետների, հիմնականում երկարատև գործընթաց է։
«Մեզ մոտ վերականգնողական փուլ անցած զինվորների մի մասին արդեն ճանապարհել ենք ծառայության: Եղել են տղաներ, որ երկրորդ կամ երրորդ փուլով են եկել, օրինակ՝ պրոթեզավորումից հետո: Այս պահին 42 երիտասարդ է բուժման կուրս անցնում»,-Sputnik Արմենիային տեղեկացրեց կենտրոնի տնօրեն, բժշկուհի Անահիտ Աղաջանյանը հավելելով, որ գրեթե բոլորի մոտ, ֆիզիկական վնասվածքներից բացի, հոգեբանական վնասվածքներն ավելի խորն են:
©
Sputnik / Gevorg Ghazaryan, provided by Anahit Aghajanyan
Անահիտ Աղաջանյան
«Հոգեբանական խնդիրները շատ են, բայց փորձում ենք այնպես անել, որ ֆիզիկական կարողությունների վերականգնումից բացի նաև տղաների ժպիտը վերադարձնենք»,-նշում է բժշկուհին ընդգծելով՝ տղաներից շատերը վերականգնումից հետո ցանկություն են հայտնում շարունակել ծառայությունը: «Ապշեցնող է՝ ինչքան կամք, ինչպիսի ոգի ու հայկականություն կա մեր տղաների մեջ»,-ասում է Անահիտ Աղաջանյանը:
Սարգիս Սարգսյանը սպա է, վիրավորվել է կասետային ռումբի պայթյունից հոկտեմբերի 14-ին՝ Մատաղիսում: Առաջնային բուժումը ստացել է «Աստղիկ» բժշկական կենտրոնում:
©
Sputnik / Armenuhi Mkhoyan
Սարգիս Սարգսյան
Արդեն երկու ամիս է՝ կենտրոնում է, ու արդյունքը Սարգիսը տեսանելի է համարում:
«Բուժումը դրական արդյունք է տվել, վստահ եմ ՝ ևս 1 ամիս, ու մատներս կկարողանամ ազատ շարժել ու վերադառնալ մարտական ծառայության»,-նշում է երիտասարդը:
Մուշեղ Մարտիրոսյանը ևս սպա է, 23-ամյա երիտասարդը ծառայել է հակաօդային պաշտպանության զորքերում, վիրավորումը ստացել է պատերազմի հենց առաջին օրը՝ Մարտակերտի շրջանում: Վերականգնողական բուժման երկրորդ ամիսն է:
©
Sputnik / Armenuhi Mkhoyan
Մուշեղ Մարտիրոսյան
«Երբ նոր էի եկել, քայլել չէի կարողանում, հիմա արդեն լավ քայլում եմ: Նպատակս ամբողջովին վերականգնվելն է, որից հետո կմտածեմ, թե ինչ մասնագիտություն ընտրել. վիրավորումներիս պատճառով, ցավոք, այլևս չեմ կարող ծառայությունս շարունակել»,-ասում է երիտասարդը:
Վերականգնողական կենտրոնում բուժվողներից շատերը դժգոհում էին՝ վիրավորումների պատճառով այլևս չեն կարող վերադառնալ ծառայության, թեև իրենք իրենց գործն ավարտած չեն համարում:
©
Sputnik / Armenuhi Mkhoyan
Պետրոս Հուրիխանյան
«Ուզում են ինձ զորացրեն, բայց ես ինձ դեռ ոչ պիտանի չեմ համարում, ու վերականգնողական կուրսն անցնելուց հետո կկարողանամ շարունակել ծառայությունս, իմ երազանքը հիմա միայն դա է: 11 տարի ես մարտական ծառայություն եմ իրականացրել ու հիմա չեմ կարող թողնել»,-նշում է Պետրոս Հուրիխանյանը։
Հավելենք, որ Գյումրու վերականգնողական կենտրոն գալիս են զինվորական կենտրոնական հոսպիտալի հանձնաժողովի կողմից տրված ուղեգրով:
Ջերմաստիճանը կբարձրանա. եղանակի տեսություն
(Թարմացված է 16:14 04.03.2021)
Հիդրոօդերևութաբանների կանխատեսումներով` տեղումնառատ օրերը դեռ կշարունակվեն։ ԵՐԵՎԱՆ, 5 մարտի - Sputnik. Հայաստանի Հանրապետության տարածքում այսօր` մարտի 5-ին հարավային շրջաններում, 7-ի կեսօրից հետո, 8-ին, 9-ի գիշերը շրջանների զգալի մասում, 9-ի ցերեկը առանձին շրջաններում սպասվում են տեղումներ, լեռնային և նախալեռնային շրջաններում` ձյան տեսքով։ Մարտի 6-ին, 7-ի գիշերը սպասվում է առանց տեղումների եղանակ։ Տեղեկությունը հայտնում է ՀՀ ԱԻՆ մամուլի ծառայությունը։
Հաղորդագրության համաձայն` քամին կլինի հարավարևմտյան՝ 5-10 մ/վ արագությամբ:
Օդի ջերմաստիճանը մարտի 5-6-ի ցերեկն աստիճանաբար կբարձրանա 2-4 աստիճանով, 8-ի ցերեկը նույնքան կնվազի։
Երևան քաղաքում մարտի 5-6-ը, 7-ի գիշերը, 9-ի ցերեկը սպասվում է առանց տեղումների եղանակ, 7-ի երեկոյան ժամերին, 8-ին, 9-ի գիշերը սպասվում են տեղումներ:
«Հորս արև, ես հայերեն չեմ խոսում», կամ 22-ամյա իրաքցի Ալաայի առօրյան Երևանում