Սալոմե Զուրաբիշվիլի և Արմեն Սարգսյան

Հայտնի է Վրաստանի նախագահ Սալոմե Զուրաբիշվիլիի հայաստանյան այցի օրակարգը

69
(Թարմացված է 16:05 11.03.2019)
Սալոմե Զուրաբիշվիլին նախագահի կարգավիճակում առաջին անգամ կայցելի Հայաստան։

ԵՐԵՎԱՆ, 11 մարտի — Sputnik. Վրաստանի հինգերորդ նախագահ Սալոմե Զուրաբիշվիլին հայ գործընկեր Արմեն Սարգսյանի հրավերով մարտի 13-14-ը կժամանի Հայաստան։ Սա նրա Հայաստան առաջին պաշտոնական այցն է։ Այս մասին Sputnik Արմենիայի թղթակցին հայտնեցին ՀՀ նախագահի մամուլի ծառայությունից։

Այցի շրջանակում նախատեսված են Զուրաբիշվիլիի հանդիպումները ՀՀ նախագահ Արմեն Սարգսյանի, վարչապետ Նիկոլ Փաշինյանի, ԱԺ խոսնակ Արարատ Միրզոյանի հետ։ Ակնկալվում է, որ Վրաստանի նախագահը կայցելի Ծիծեռնակաբերդ հուշահամալիր։

Վրաստանի նախագահն իր տարածաշրջանային շրջագայությունը սկսել է Ադրբեջանից։

Հիշեցնենք, որ Սալոմե Զուրաբիշվիլին Վրաստանի նախագահի բազմաթիվ թեկնածուներից միակն էր, որը զանգվածային աջակցություն ստացավ հայ համայնքի կողմից։

Զուրաբիշվիլիի մայրը և աշխարհահռչակ ֆրանսահայ շանսոնյե Շառլ Ազնավուրը ծանոթ են եղել պատանի հասակում։ Սալոմե Զուրաբիշվիլին պատմել է, թե ինչպես են նրանք մի օր պարել Փարիզում։

69
թեգերը:
Արմեն Սարգսյան, Վրաստանի Հանրապետություն, Հայաստան
թեմա:
Հայաստան–Վրաստան համագործակցություն (66)