ԵՐԵՎԱՆ, 11 մարտի — Sputnik. Հայաստանի և ՆԱՏՕ–ի միջև 2020-2022թթ.–ին նախատեսված Անհատական գործընկերության ծրագրի (IPAP)  6–րդ փուլի հաստատման համար քաղաքական խոչընդոտներ չկան։ Այս մասին այսօր «ՆԱՏՕ–ի շաբաթի» մեկնարկին նվիրված մամուլի ասուլիսում ասաց Հայաստանի պաշտպանության նախարարության պաշտպանական քաղաքականության պետ Լևոն Այվազյանը։

© Sputnik / Asatur Yesayants

Հայ զինվորականները կմասնակցեն ՆԱՏՕ–ի հովանու ներքո անցկացվող զորավարժություններին

Հայաստանի և ՆԱՏՕ–ի միջև համագործակցությունը կառուցվում է IPAP ծրագրին համապատասխան, որը ստորագրվել է 2005թ.–ի դեկտեմբերին։ IPAP–ին Հայաստանի մասնակցությունը ենթադրում է պարբերական խորհրդատվություններ ՆԱՏՕ–ի հետ` տարածաշրջանային անվտանգության, անվտանգության ռազմավարություն մշակելու, Հայաստանի ռազմական դոկտրինի, պաշտպանական գործընթացը կատարելագործելու, բյուջետային պլանավորման և այլ հարցերով։

Ինչպես նշեց Այվազյանը, ՆԱՏՕ–ն շարունակում է մնալ Հայաստանի կարևոր գործընկերը, իսկ ծրագրի 6–րդ փուլի հաստատման գործընթացն ընթանում է իր հունով, փաստաթղթերը կազմվում են, համաձայնեցվում և միայն դրանից հետո հաստատվում։ Եթե գործընթացը դանդաղում է, ապա պատճառները զուտ տեխնիկական են։

«Քաղաքական ենթատեքստ չկա, նույնիսկ եթե փորձեն գտնել այն», – ասաց Հայաստանի ՊՆ ներկայացուցիչը։

Այվազյանը հիշեցրեց, որ դաշինքի հետ համագործակցության շրջանակում Հայաստանը մասնակցում է Աֆղանստանում խաղաղապահ առաքելությանը։ Նրա խոսքով` առայժմ առաքելության ընդլայնում չի սպասվում, քանի որ նման հարցերը լուծվում են բացառապես հաշվի առնելով նպատակահարմարությունը, բայց հայկական համակազմն Աֆղանստանում կմնա այնքան, որքան պահանջվում է։

© Photo : official site of the MoD of RA

ՆԱՏՕ-ի շաբաթ Երևանում. Տոնոյանն ու Պուգլիսին մանրամասներն են քննարկել

Իր հերթին Հայաստանի ԱԳՆ Սպառազինությունների վերահսկման և միջազգային անվտանգության վարչության պետ, դեսպան Արմեն Եդիգարյանը նշեց, որ իրենց հաշվարկով այս տարվա երկրորդ կեսին կսկսի 6-րդ ծրագրի նախապատրաստումը, որը կլինի 2020-2022թթ. համար:

«Քանի դեռ չի ընդունվել նոր ծրագիրը, գործում է նախկինը, և համագործակցությունը շարունակվում է այդ փաստաթղթի շրջանակում։ Համագործակցության մասին կետի առկայությունը և Հայաստանի ու ՆԱՏՕ–ի միջև փոխազդեցության զարգացումը կառավարության ծրագրում խոսում է մեր տրամադրվածության և գործընկերությունը շարունակելու պատրաստակամության մասին», – ասաց Եդիգարյանը։

Հայաստանում մարտի 11-18–ը անցկացվում է «ՆԱՏՕ–ի շաբաթը»։ Տարբեր միջոցառումներին մասնակցելու համար Հայաստան է ժամանել Հարավային Կովկասում և Կենտրոնական Ասիայում ՆԱՏՕ-ի գլխավոր քարտուղարի հատուկ ներկայացուցիչ Ջեյմս Ապատուրայը։ Նա մի շարք հանդիպումներ կունենա երկրի բարձրագույն ղեկավարության հետ։

ԵՐԵՎԱՆ, 5 մարտի - Sputnik. Հայաստանի Հանրապետության տարածքում այսօր` մարտի 5-ին հարավային շրջաններում, 7-ի կեսօրից հետո, 8-ին, 9-ի գիշերը շրջանների զգալի մասում, 9-ի ցերեկը առանձին շրջաններում սպասվում են տեղումներ, լեռնային և նախալեռնային շրջաններում` ձյան տեսքով։ Մարտի 6-ին, 7-ի գիշերը սպասվում է առանց տեղումների եղանակ։ Տեղեկությունը հայտնում է ՀՀ ԱԻՆ մամուլի ծառայությունը։

Հաղորդագրության համաձայն` քամին կլինի հարավարևմտյան՝ 5-10 մ/վ արագությամբ:

Օդի ջերմաստիճանը մարտի 5-6-ի ցերեկն աստիճանաբար կբարձրանա 2-4 աստիճանով, 8-ի ցերեկը նույնքան կնվազի։

official site of the MES of RA

Եղանակի կանխատեսում

Երևան քաղաքում մարտի 5-6-ը, 7-ի գիշերը, 9-ի ցերեկը սպասվում է առանց տեղումների եղանակ, 7-ի երեկոյան ժամերին, 8-ին, 9-ի գիշերը սպասվում են տեղումներ:

«Հորս արև, ես հայերեն չեմ խոսում», կամ 22-ամյա իրաքցի Ալաայի առօրյան Երևանում