Թաքստոցներում հայտնաբերված ապրանքը

Չհայտարարագրված ապրանքներ. ինչ է հայտնաբերել ՊԵԿ–ն ավտոմեքենայի թաքստոցներում. տեսանյութ

126
Բագրատաշենի մաքսակետում անցկացված հսկողության արդյունքում չհայտարարագրված ապրանքներ են հայտնաբերվել ավտոմեքենայի շարժիչի ծածկոցի տակից, կառավարման վահանակի միջից, բեռնախցիկից, պահեստային անվադողի համար նախատեսված հատվածից։

ԵՐԵՎԱՆ, 9 մարտի – Sputnik. Պետական եկամուտների կոմիտեի Արևելյան մաքսատուն-վարչության աշխատակիցները Բագրատաշենի մաքսակետում հսկողության են ենթարկել Վրաստանից Հայաստան ժամանած՝ քաղաքացի Վ.Ա.-ին պատկանող ավտոմեքենան և չհայտարարագրված ապրանքներ հայտնաբերել մեքենայի տարբեր հատվածներում։ Sputnik Արմենիային այս մասին հայտնեցին ՀՀ ՊԵԿ տեղեկատվության և հասարակայնության հետ կապերի բաժնից։

Ուղևորները թեպետ հայտնել են, որ մեքենայում չկան հայտարարագրման ենթակա ապրանքներ, սակայն տեսազննման ընթացքում տրանսպորտային միջոցի դիմացի նստատեղի տակից հայտնաբերվել են ավտոմեքենայի համար նախատեսված ակրիլային ծածկոցներ:

Տրանսպորտային միջոցն ուղարկվել է խորը զննման անգար, որտեղ էլ փոխադրամիջոցի բեռնախցիկից, պահեստային անվադողի համար նախատեսված հատվածից, շարժիչի ծածկոցի տակից և կառավարման վահանակի միջից հայտնաբերվել են ընդհանուր քաշով 254կգ ակրիլային լաքեր և կարծրացուցիչներ։

Մաքսային կանոնների խախտման վերաբերյալ կազմվել է արձանագրություն, նյութերն ուղարկվել են ՊԵԿ համապատասխան ստորաբաժանում՝ հետագա ընթացքը որոշելու համար:

126
թեգերը:
Պետական եկամուտների կոմիտե (ՊԵԿ), Հայաստան
Ըստ թեմայի
ՊԵԿ-ը հայտնաբերել է 53.79 գրամ քաշով «ափիոն» տեսակի թմրանյութ
Ոմանք մտածում են` ՊԵԿ–ն ապրում է քաղաքացու հաշվին. Փաշինյանը հանձնարարել է փոխել ընկալումը
Որոշել էր ոսկյա զարդերը Հայաստան բերել մարմնին կպցրած. ՊԵԿ–ի աշխատակիցները թույլ չեն տվել
Միլիարդների չարաշահում, 1/3–ի վերադարձ. Թավշյա հեղափոխությունից հետո ՊԵԿ–ի բացահայտումները
Ռուս սահմանապահներն ու ՀՀ ՊԵԿ աշխատակիցները թույլ չեն տվել, որ թմրանյութը մտնի Հայաստան