Սիրիահայեր

ՀՀ կառավարությունը 13 մլն դրամ փոխհատուցում տվեց սիրիահայերի անձնագրերի համար

137
ՀՀ կառավարությունը շարունակում է աջակցել Սիրիայում բնակվող հայրենակիցներին, որոնց կյանքին ու առողջությանը վտանգ է սպառնում:

ԵՐԵՎԱՆ, 7 մարտի – Sputnik. ՀՀ կառավարությունն ավելի քան 13 մլն դրամ կփոխանցի ԱԳՆ–ին` որպես սիրիացիներին տրամադրված անձնագրերի դիմաց չգանձված պետական տուրքի փոխհատուցում: Այս մասին է վկայում ՀՀ կառավարության նիստում այսօր ընդունված որոշումը։

2018թ. 4-րդ եռամսյակի ընթացքում Սիրիայում ՀՀ դիվանագիտական ներկայացուցչության միջոցով ՀՀ քաղաքացիություն են ստացել 228 սիրիահայեր: 53 սիրիահայեր ՀՀ անձնագրեր են ստացել Սիրիայում ՀՀ դեսպանության միջոցով, 175-ը` Հալեպում ՀՀ գլխավոր հյուպատոսության:

«Կառավարությունն ամեն կերպ փորձում է աջակցել ազգությամբ հայ այն օտարերկրյա քաղաքացիներին և ՀՀ քաղաքացիներին, որոնց մշտական բնակության օտարերկրյա պետությունում ստեղծվել է այնպիսի արտակարգ իրավիճակ, որը սպառնում է քաղաքացիների կյանքին կամ առողջությանը»,- ասված է որոշման մեջ:

Սիրիահայ համայնքը ձևավորվել է հիմնականում 1915-1920 թթ.` Հայոց Ցեղասպանությանը հաջորդած զանգվածային բռնագաղթի հետևանքով։ 1918 թ. սիրիահայության թիվը եղել է շուրջ 142 հազար, որից 60 հազարը բնակվել է Հալեպում։ Հետագայում հայերն աստիճանաբար արտագաղթել են Լիբանան, Եվրոպական երկրներ, Կանադա, ԱՄՆ և Հայաստան (1946-1948 թթ., 1964-1966 թթ): Սիրիայի պատերազմի հետևանքով հայ համայնքի թիվը սկսեց կտրուկ նվազել, և նրանք աշխարհով մեկ ցրվեցին։ Հայաստանը հյուրընկալեց մոտ 22 հազար սիրիահայի։

137
թեգերը:
Հայաստան
Ըստ թեմայի
Մոռանալ պատերազմը, կամ արաբերենի դասեր հայրենիք եկած սիրիահայերի համար
Պայքար արևի տակ ապրելու համար. ինչի մասին են լռում սիրիահայերը Երևանում. տեսանյութ
Քամու ուժից լիցքավորվիչ ստեղծած սիրիահայը հայտնվել է կանադական ոգեշնչման ցուցակում
Ինչի՞ մասին է ահազանգում սիրիահայի ֆալաֆելը. Փաշինյանի կատակն ու խոստումը գործարարներին