Նիկոլ Փաշինյան

Փաշինյանը մանրամասն ներկայացրեց` ինչպես է Եվրամիությունն աջակցելու Հայաստանին

174
Նիկոլ Փաշինյանը բրյուսելյան այցի արդյունքները ներկայացրեց կառավարության անդամներին։

ԵՐԵՎԱՆ, 7 մարտի – Sputnik. Եվրամիությունը լիովին պատրաստ է աջակցել Հայաստանին: Այսօր կառավարության նիստի սկզբում, ներկայացելով բրյուսելյան այցի արդյունքները, ասաց Նիկոլ Փաշինյանը:

«ԵՄ–ի հետ ունեցած համապարփակ գործընկերության համաձայնագրի իրականացման փուլ ենք թևակոխում, և այս առումով Բրյուսելում տեղի է ունեցել արձանագրում, որ ԵՄ–ն լիովին պատրաստ է մեզ արձանագրել բարեփոխումների օրակարգում: Կարևոր է նաև արձանագրել, որ Հայաստանի ու ԵՄ միջև չկա որևէ աշխարհաքաղաքական օրակարգ, ինչը շատ կարևոր է տվյալ դեպքում»,- ասաց Փաշինյանը:

Աջակցության հիմնական ծրագրերի շարքում ՀՀ վարչապետն առանձնացրեց ճանապարհաշինական ծրագրերը` հավելելով, որ ՀՀ ավտոճանապարհները պետք է բերվեն եվրոպական ստանդարտների:

Երկրորդ մեծ ծրագիրը Հայաստանում ջրամբարաշինության ծրագրերն են ու Սևանից մինչև Երևանյան լիճ ջրերի մաքրման կայաններ ստեղծելը:

Փաշինյանն առանձնացրեց նաև սեյսմիկ դպրոցաշինության ծրագրերն ու դպրոցների արդիականացումը, արդարադատության համակարգի բարեփոխումները, մասնավորապես` ՔԿՀ-ների պայմանների բարելավման ծրագրերը:

Փաշինյանի խոսքով` ԵՄ-ն պատրաստակամություն է հայտնել աջակցել բոլոր այս ծրագրերին, բայց ոչ 100 տոկոսով:

ՀՀ վարչապետը նշեց, որ Հայաստանը պետք է դրանց մասնակցի սեփական կամ արտաքին միջոցների ներգրավմամբ:

«Ես իմ պատգամավորական գործունեության ընթացքում բոլոր վարկային պայմանագրերին, առանց բացառության քվեարկել եմ դեմ»,- խոստովանեց Փաշինյանը` նշելով, որ այդպես է վարվել, քանի որ չի վստահել կոռումպացված կառավարությանը: Բայց այսօր ստիպված է որոշում կայացնել նոր վարկային միջոցներ ներգրավելու համար:

«Մենք մեկ ամսվա ընթացքում ԿԲ հետ քննարկում ունենալու և այդ քննարկման արդյունքում պայմանավորվածություն ունենալու նախնական պայմանավորվածություն արդեն ունենք»,- ասաց Փաշինյանը` խոստանալով, որ դրանից հետո հարցը կդրվի նաև հանրային քննարկման ու կքննարկվի ԱԺ-ում:

Հիշեցնենք` Փաշինյանը երկօրյա պաշտոնական այցով Բրյուսել էր մեկնել մարտի 4-ին։

174
թեգերը:
Նիկոլ Փաշինյան, Հայաստան
Արթուր Ասոյան

Արդեն 1490 տնտեսվարողի գործունեություն է կասեցվել, խստացումներ են եղել. Արթուր Ասոյան

2
(Թարմացված է 19:37 05.06.2020)
Ստուգայցերի մասին նախապես չեն ասում, որպեսզի ոչ բարեխիղճ տնտեսվարողներն անակնկալի գան։

ԵՐԵՎԱՆ, 5 հունիսի – Sputnik. Մարտի սկզբից մինչ օրս առողջապահական և աշխատանքի տեսչական մարմինը 22 000 ստուգողական այց է կատարել, որոնց արդյունքում 1490 տնտեսվարողի գործունեությունը կասեցվել է` հակահամաճարակային կանոնները չպահպանելու համար։ Պարետատան նիստից հետո ճեպազրույցի ժամանակ ասաց Առողջապահական և աշխատանքի տեսչական մարմնի ղեկավար Արթուր Ասոյանը։

«Միայն այսօր 796 ստուգում է իրականացվել, ինչի արդյունքում 220 տնտեսվարող սուբյեկտի գործունեություն է կասեցվել։ Մեկ շաբաթ է` հատուկ գործողություններ ենք կատարում ոստիկանության հետ, և արդեն եղել ենք Դավթաշեն, Նորք–Մարաշ, Արաբկիր համայնքներում»,–ասաց Ասոյանը։

Նրա խոսքով` իրենց ստուգայցերի մասին տնտեսվարողներին կանխավ չեն ասում, որպեսզի ոչ բարեխիղճ տնտեսվարողներն անակնկալի գան։

Ասոյանը նշեց, որ տնտեսվարողների գործունեության կասեցման սահմանափակումները գնալով խստացվել են` 6 ժամից 72 ժամի հասնելով։ Ի դեպ, պետական կառույցները նույնպես ներառված են ստուգման ենթակա կառույցների ցանկում։ Ասոյանը հայտնեց` այսօր կասեցրել են կառավարության 1, 3 տներում գործող հանրային սննդի կետերը, բուժհաստատության գործունեություն է կասեցվել։

Հիշեցնենք` ՀՀ կառավարությունը մայիսի 14–ի նիստում որոշեց արտակարգ դրությունը երկարացնել ևս մեկ ամսով։ Այն կտևի մինչև հունիսի 13–ը` ժամը 17։00–ը ներառյալ։

Երկարաձգված արտակարգ դրության պայմանները որոշակի փոփոխությունների են ենթարկվել։ Տնտեսական շատ գործունեություններ թույլատրվել են, բայց սահմանվել են պարտադիր պահանջներ։

Հունիսի 4-ից բոլոր հանրային բաց տարածքներում պաշտպանիչ դիմակով լինելը պարտադիր է։ Հանրային բաց վայրերում դիմակ կարող են չդնել միայն մինչև 6 տարեկան երեխաները, հեծանիվ վարողներն ու ֆիզիկական վարժություններ անողները։

Հայաստանում կորոնավիրուսով վարակվածների թիվը վերջին մեկ օրում ավելացել է 596–ով և դարձել 11817։ Այս պահին փաստացի բուժում է ստանում 8052 մարդ, կատարվել է 65161 թեստավորում, առողջացել են վարակվածներից 3513–ը։ Ընդհանուր առմամբ գրանցվել է մահվան 183 դեպք։

Արդյունքն այսօր կտեսնեք. ԱԱԾ տնօրենը` ոստիկանական համազգեստով «ներկայացման» մասին

2
թեգերը:
ստուգումներ, ՀՀ առողջապահական և աշխատանքի տեսչական մարմին (ԱԱՏՄ), Հայաստան
Ըստ թեմայի
«էս սաղ ապրանքը բդի թափե՞նք». Գյումրին «ստուգումների տակ» է
«Ոստիկանների գործողությունն իրավաչափ եմ համարում». Սարգսյանը` աղմկահարույց դեպքի մասին
Ոստիկանությունում կորոնավիրուսով վարակվածների թիվը 100-ի է հասնում
Նիկոլ Փաշինյան

«Կարծում ենք, որ կորոնավիրուսի գագաթնակետը կլինի հունիսի վերջին». Փաշինյան

51
(Թարմացված է 19:31 05.06.2020)
ՀՀ վարչապետի խոսքով` կորոնավիրուսով պայմանավորված իրավիճակն առայժմ դեռ ծանրանում է։

ԵՐԵՎԱՆ, 5 հունիսի – Sputnik. ՀՀ վարչապետ Նիկոլ Փաշինյանը պարետատան նիստից հետո հայտնեց` այն կարծիքին են, որ կորոնավիրուսի համաճարակի գագաթնակետը կլինի հունիսի վերջին։

«Սակայն ոչ ոք վստահ չէ, որ պիկը կլինի ոչ թե հոկտեմբերին, այլ հունիսի վերջին»,–ասաց վարչապետը։

Նրա խոսքով` մենք պետք է կարողանանք հիվանդանալ ու վարակվել այնքան, ինչքանով մեր առողջապահական համակարգն ունենա մահճակալային տեղ։

Փաշինյանը նշեց, որ վերջին օրերին, երբ քաղաքացիները սկսեցին իրեն լուսանկարներ ուղարկել, բացահայտվեց, որ ՀՀ–ում կա ընդհատակյա կյանք` ի հեճուկս հակահամաճարակային կանոնների։

Կորոնավիրուսով պայմանավորված իրավիճակը, ըստ նրա, առայժմ դեռ ծանրանում է։

Հիշեցնենք` Հայաստանում կորոնավիրուսով վարակվածների թիվը վերջին մեկ օրում ավելացել է 596–ով և դարձել 11817։ Այս պահին փաստացի բուժում է ստանում 8052 մարդ, կատարվել է 65161 թեստավորում, առողջացել են վարակվածներից 3513–ը։ Ընդհանուր առմամբ գրանցվել է մահվան 183 դեպք։

51
թեգերը:
Նիկոլ Փաշինյան, կորոնավիրուս, Հայաստան
Ըստ թեմայի
Կորոնավիրուսից 33-ամյա պացիենտ է մահացել. ծանր վիճակում գտնվողների թիվն ավելացել է
Ինչո՞ւ կորոնավիրուսի տարածումը չկանխվեց. ՀՀ առողջապահության նախկին նախարարի կարծիքը
Ոստիկանությունում կորոնավիրուսով վարակվածների թիվը 100-ի է հասնում