Ալեն Սիմոնյանը ընդունել է ՌԴ դեսպանին

Ալեն Սիմոնյանը կարևորել է դեսպանի դերը 2 ժողովուրդների բարեկամության հարցում

62
Հայ-ռուսական քաղաքական օրակարգն են այսօր քննարկել ՀՀ ԱԺ նախագահի տեղակալն ու Հայաստանում Ռուսաստանի արտակարգ և լիազոր դեսպան։

ԵՐԵՎԱՆ, 6 մարտի — Sputnik. Հայ-ռուսական դաշնակցային հարաբերությունների ընթացիկ օրակարգին են այսօր անդրադարձել ՀՀ ԱԺ նախագահի տեղակալ Ալեն Սիմոնյանն ու Հայաստանում Ռուսաստանի արտակարգ ու լիազոր դեսպան Սերգեյ Կոպիրկինիը:

Ինչպես տեղեկացնում են ԱԺ մամուլի ծառայությունից, Ալեն Սիմոնյանն այսօր ընդունել է Սերգեյ Կոպիրկինին։

ՀՀ ԱԺ նախագահի տեղակալը երկու երկրների միջպետական հարաբերությունների համատեքստում ընդգծել է հայ-ռուսական խորհրդարանական փոխգործակցության դերը՝ հավաստիացնելով, որ ՀՀ Ազգային ժողովի և ՌԴ Դաշնային ժողովի միջև համագործակցության միջխորհրդարանական հանձնաժողովն իր համանախագահությամբ կշարունակի արդյունավետ աշխատանքը:

Բարեկամ ժողովուրդների հարաբերությունների առավել խորացման հարցում ԱԺ փոխնախագահը կարևորել է դեսպանի գործուն մասնակցությունն ու աջակցությունը՝ համագործակցելու պատրաստակամություն հայտնելով:

Ալեն Սիմոնյանն իր մտահոգությունն է հայտնել ռուսաստանցի որոշ գործընկերների՝ փետրվարի 26-ին Բաքվում կազմակերպված հակահայկական միջոցառման մասնակցության առնչությամբ:

Ռուս-հայկական քաղաքական օրակարգի առաջմղման գործում կողմերն ընդգծել են միջխորհրդարանական հարաբերությունների առկա մակարդակի կարևորությունը և առաջիկայում հանդիպումներն ու քննարկումները հաճախակի դարձնելու պայմանավորվածություն ձեռք բերել:

Հայաստանում Ռուսաստանի Դաշնության արտակարգ և լիազոր դեսպան Սերգեյ Կոպիրկինին այսօր ընդունել է նաև ՀՀ ԱԺ մյուս փոխխոսնակ Լենա Նազարյանը։

Ողջունելով դեսպանին խորհրդարանում՝ Լենա Նազարյանը կարևորել է հայ-ռուսական բարեկամական ու դաշնակցային հարաբերությունների զարգացումը, խոսել միջխորհրդարանական հարթակներում, մասնավորապես ԱՊՀ ՄԽՎ-ում եւ ՀԱՊԿ ԽՎ-ում փոխգործակցության խորացումից:

ԱԺ փոխնախագահը հետաքրքրվել է դեսպանատան կողմից կազմակերպվող միջոցառումների եւ իրականացվող ծրագրերի վերաբերյալ, ինչին ի պատասխան Սերգեյ Կոպիրկինը պատմել է առաջիկայում իրականացվելիք բազմաբնույթ միջոցառումների մասին:

62
թեգերը:
ՀՀ Ազգային ժողով, Ալեն Սիմոնյան, Ռուսաստան, Հայաստան
թեմա:
Հայաստան-Ռուսաստան համագործակցություն (126)
Ըստ թեմայի
Հարությունով. «Զորավարժությունները ճնշման տարբերակ են Հայաստանի և Ռուսաստանի վրա»
Հայերը հսկայական դեր են խաղացել Ռուսաստանի Զինված ուժերի կայացման մեջ. դեսպան Կոպիրկին
«Ռուսաստանի ԱԳՆ–ն ռուս պատգամավորների Բաքու այցի կազմակերպիչը չէ». Զախարովա