Արմեն Սարգսյանն անձամբ այցելել և պարգևատրել է ակադեմիկոս Դավիթ Սեդրակյանին

Արմեն Սարգսյանն անձամբ այցելել և պարգևատրել է ակադեմիկոս Դավիթ Սեդրակյանին. տեսանյութ

191
(Թարմացված է 15:59 06.03.2019)
ՀՀ նախագահը ջերմ ու մտերմիկ զրույց է ունեցել իր դասախոսի հետ, հիշել համալսարանական ուսանողության տարիները։

ԵՐԵՎԱՆ, 6 մարտի — Sputnik. Հանրապետության նախագահ Արմեն Սարգսյանի հրամանագրով գիտության ասպարեզում ներդրած ավանդի համար անվանի ֆիզիկոս, ՀՀ ԳԱԱ ակադեմիկոս, Երևանի պետական համալսարանի՝ ակադեմիկոս Վ. Համբարձումյանի անվան ընդհանուր ֆիզիկայի և աստղաֆիզիկայի ամբիոնի պատվավոր վարիչ Դավիթ Սեդրակյանը պարգևատրվել է «Հայրենիքին մատուցած ծառայությունների համար» 1-ին աստիճանի մեդալով։

Ինչպես տեղեկացնում են ՀՀ նախագահի մամուլի ծառայությունից, Արմեն Սարգսյանն այսօր անձամբ է այցելել անվանի ֆիզիկոսին և հանձնել Հայաստանի Հանրապետության պետական բարձր պարգևը:

Արմեն Սարգսյանը ջերմ ու մտերմիկ զրույց է ունեցել իր վաղեմի դասախոսի հետ, հիշել համալսարանական ուսանողության տարիները և պրոֆեսոր Սեդրակյանի կարդացած հետաքրքիր դասախոսություններն, ինչպես նաև նրա հիմնած «Աստղաֆիզիկա» ամսագիրը։

Президент Армен Саркисян встретился с академиком Давидом Седракяном и вручил медаль За заслуги перед Отечеством 1-ой степени (6 марта 2019). Еревaн
© Photo / official site of the President of RA.
Արմեն Սարգսյանն անձամբ այցելել և պարգևատրել է ակադեմիկոս Դավիթ Սեդրակյանին

Նշելով, որ ակադեմիկոս Սեդրակյանը կրթել, գիտելիք ու մասնագիտական հմտություններ է փոխանցել բազմաթիվ սերունդների՝ Հանրապետության նախագահը նրան մաղթել է առողջություն և ամենայն բարիք:

191
թեգերը:
Արմեն Սարգսյան, Հայաստան
թեմա:
Հայաստանի Հանրապետության 4-րդ նախագահը (117)
Ըստ թեմայի
Արմեն Սարգսյանը չի համագործակցում որևէ կուսակցության հետ
Արմեն Սարգսյանը հարգանքի տուրք է մատուցել մարտի 1–ի անմեղ զոհերի հիշատակին
Արմեն Սարգսյանը հանդիպումներ է ունեցել ԱԺ փոխնախագահների հետ