Журналисты в кабинете ректора ЕГУ (28 февраля 2019). Еревaн

ԵՊՀ Հոգաբարձուների խորհրդի սկանդալային նիստն ավարտվեց. Սիմոնյանը մնում է իր պաշտոնում

316
ԵՊՀ Հոգաբարձուների խորհրդի անդամները չեն հաստատել օրակարգը, որը նախատեսում էր ռեկտոր Արամ Սիմոնյանին անվստահություն հայտնելը։

ԵՐԵՎԱՆ, 28 փետրվարի — Sputnik. Երևանի պետական համալսարանի Հոգաբարձուների խորհուրդը չհաստատեց ռեկտոր Արամ Սիմոնյանին անվստահություն հայտնելու օրակարգը։

Օրակարգում երկու հարց կար` քննարկել ԵՊՀ շուրջ ստեղծված իրավիճակն ու անվստահություն հայտնել Սիմոնյանին։ Հոգաբարձուների խորհրդի 31 անդամներից 12–ը կողմ են քվեարկել օրակարգի հաստատմանը, 13–ը` դեմ։

Ավելի վաղ կրթության նախարար Արայիկ Հարությունյանը հայտնել էր, որ Արամ Սիմոնյանը ասոցացվում է ԵՊՀ–ում առկա բացասական երևույթների հետ և ավելացրել, որ ռեկտորի հրաժարականի անհրաժեշտություն է տեսնում։ Սիմոնյանը պատասխանել էր, որ չի ընդունում իր հասցեին հնչած մեղադրանքներն ու չի պատրաստվում ինքնակամ հրաժարվել ռեկտորի պաշտոնից։

Նիստից անմիջապես հետո ԵՊՀ ռեկտորը նշել է, որ կուզեր` քննարկումը կայանար։ Նա նախկինի պես իր հասցեին հնչեցրած մեղադրանքները անհիմն է համարում։ Ավելին, Սիմոնյանը վստահ է, որ խորհուրդը միշտ ազատ է եղել ու քննարկել է բարձրացված բոլոր հարցերը։ Նա վստահեցրել է, որ խորհուրդը երբեք իր վրա ճնշում չի գործադրել։

«Այն, ինչ հիմա տեղի է ունենում իր մեջ նաև քաղաքական հետապնդում է պարունակում։ Կան անձինք, որոնք պարզապես չեն ուզում ինձ այդ պաշտոնում տեսնել։ Ես հրաժարական չեմ տալու։ Բայց եթե ինձ անվստահություն հայտնեն, ես դա հաշվի կառնեմ», – ասել է Սիմոնյանը։

Նիստի ընթացքում երկու միջադեպ է տեղի ունեցել։ Հասարակական գործիչ, բուհի շրջանավարտ Նարեկ Մալյանը Հոգաբարձուների խորհրդի ղեկավար Գևորգ Մուրադյանի առաջ մետաղադրամներ էր լցրել`ակնարկելով, որ նա վաճառվել է ռեկտորի հեռանալու կողմնակիցներին։ Դրանից հետո անհայտ մի տղամարդ ներխուժել է նիստերի սրահ ու ասել է, որ Սիմոնյանը խաբել է նրան ու 30 միլիոն դոլար է յուրացրել։

«Վստահ եմ, որ իմ մեղքը որևէ քրեական գործի շրջանակներում չի ապացուցվի: Դահլիճ ներխուժած տղամարդը համալսարանի բուֆետի վարիչն էր, իր պարտականությունները պատշաճ կերպով չէր կատարում, մենք էլ հրաժարվել ենք նորից նրա հետ գործարք կնքել», -ընդգծել է նա։

Հիշեցնենք`ոստիկանությունն հայտարարել էր, որ ԵՊՀ ռեկտորի նկատմամբ քրեական գործ է հարուցվել` խոշոր չափերի յուրացման կամ վատնման, պաշտոնեական կեղծիք կատարելու, պաշտոնատար անձի կողմից առանձնապես խոշոր չափի կաշառք ստանալու և կաշառք տալու հատկանիշներով:

Հաղորդագրության մեջ ասված էր, որ համալսարանի 18 աշխատակից 2015-2018 թվականներին տարբեր ամիսների փաստացի չեն հաճախել աշխատանքի՝ երկար ժամանակով բացակայելով Հայաստանից, բայց, ընդհանուր առմամբ 18 մլն դրամ են ստացել։

Բացի այդ` համալսարանի տարածքում վարձակալական հիմունքներով տնտեսվարող սուբյեկտներից մեկի 2008-2012 թվականներին տված վարձավճարները մասնակի են մուտքագրվել համալսարանի հաշվեհամարին: Այս ապօրինության հետևանքով էլ յուրացվել է 9.200.000 դրամ:

Իսկ Երևանի պետական համալսարանի հետ համագործակցած ընկերություններից մեկի ղեկավարը հաղորդում է տվել այն մասին, որ ԵՊՀ ռեկտորն իրենից 10 000 դոլար կաշառք է ստացել։ Ընկերության ղեկավարը մասնակի վերանորոգել է նրա բնակարանն ու առանձնատունը, տեղադրել ջեռուցման համակարգ։ Իսկ 2015 թվականին ընկերության հետ շուրջ 400.000.000 դրամի շինաշխատանքների կատարման պայմանագիր է կնքվել:

316
թեգերը:
Երևանի պետական համալսարան (ԵՊՀ), Հայաստան
Ըստ թեմայի
Հալվող միլիոնները. ԵՊՀ ռեկտորի դեմ արշավը աղետ չի դառնա՞ Հայաստանի իմիջի համար
ԵՊՀ-ի ռեկտորը մերժում է իրեն առնչվող քրեական գործն ու հակադարձում նախարարին
Սիմոնյան. «ԵՊՀ-ի ղեկավարությանը հասցեագրված մեղադրանքները ոչ մի կարգին հիմնավորում չունեն»
Ընտրատեղամաս

Քվեարկության արդյունքները 07։00-ի դրությամբ․ ամփոփվել են 1928 ընտրատեղամասի արդյունքները

651
(Թարմացված է 07:05 21.06.2021)
Վերջին տվյալների համաձայն՝ «Քաղաքացիական պայմանագիր» կուսակցությունը ստացել է 654 596 քվե, այսինքն՝ կողմ են քվեարկել մասնակիցների 54.31%-ը։

ԵՐԵՎԱՆ, 21 հունիսի - Sputnik. Հայաստանի Ազգային ժողովի արտահերթ ընտրության քվեարկությունից հետո ժամը 07։00-ի դրությամբ ամփոփվել են 2008 ընտրատեղամասերից 1928-ի արդյունքները։

Ըստ այդմ՝  «Քաղաքացիական պայմանագիր» կուսակցությունը ստացել է 654 596 քվե (54.31%),

«Հայաստան» դաշինքը՝ 251 784 (20.89%),

«Պատիվ ունեմ» դաշինքը՝ 62 723  (5.2%),

«Բարգավաճ Հայաստան» կուսակցությունը՝  48 159 (4),

«Հանրապետություն» կուսակցությունը՝ 36 445 (3,02),

«Հայ ազգային կոնգրես» կուսակցությունը՝ 18 292 (1.52)։

Հիշեցնենք` հունիսի 20–ին, ժամը 08։00–20։00–ն Հայաստանում քվեարկություն անցկացվեց 2008 ընտրատեղամասերում։ Ընտրողների ցուցակներում ընդգրկված 2 593 572 քաղաքացուց ընտրությանը մասնակցել են 1 281 174–ը կամ 49.4 տոկոսը։

Արտահերթ խորհրդարանական ընտրություններին մասնակցում են 21 կուսակցություն և 4 դաշինք։

Կուսակցությունների համար անցողիկ շեմը 5 տոկոս է, դաշինքների համար՝ 7 տոկոս։ 

Ընտրություններին մասնակցել է ընտրողների 49.4%-ը. ամենաբարձր մասնակցությունը Սյունիքում է

 

651
թեգերը:
ԱԺ, քվեարկություն, Ընտրություններ, Հայաստան
թեմա:
ԱԺ արտահերթ ընտրություններ 2021
Ըստ թեմայի
Ռոբերտ Քոչարյանի գլխավորած «Հայաստան» դաշինքը հայտարարություն է տարածել
Փաշինյանը քաղաքական խորհրդակցություններ կսկսի
Ինչպես են կենտրոնական շտաբի մոտ Փաշինյանին դիմավորում նրա կողմնակիցները. տեսանյութ
ԿԸՀ

Քվեարկության արդյունքները 6։00-ի դրությամբ․ ովքե՞ր են առաջատարները

781
(Թարմացված է 06:23 21.06.2021)
Կուսակցությունների համար անցողիկ շեմը 5 տոկոս է, դաշինքների համար՝ 7 տոկոս։ Դաշինքներից առայժմ մեկն է հաղթահարել այդ շեմը։

ԵՐԵՎԱՆ, 21 հունիսի - Sputnik. Հայաստանի Ազգային ժողովի արտահերթ ընտրության քվեարկությունից հետո ամփոփվել են 2008 ընտրատեղամասերից 1809-ի արդյունքները։

Ըստ այդմ՝  «Քաղաքացիական պայմանագիր» կուսակցությունը ստացել է 605 741 քվե (55,02%),

«Հայաստան» դաշինքը՝ 224 678 (20,41%),

«Պատիվ ունեմ» դաշինքը՝ 57 610 (5,23%),

«Բարգավաճ Հայաստան» կուսակցությունը՝  45 118 (4.1),

«Հանրապետություն» կուսակցությունը՝ 33 130 (3,01),

«Հայ ազգային կոնգրես» կուսակցությունը՝ 16 038 (1.46)։

Հիշեցնենք` հունիսի 20–ին, ժ. 08։00–20։00–ը Հայաստանում քվեարկություն անցկացվեց 2008 ընտրատեղամասերում։ Ընտրողների ցուցակներում ընդգրկված 2 593 572 քաղաքացուց ընտրությանը մասնակցել են 1 281 174–ը կամ 49.4 տոկոսը։

Արտահերթ խորհրդարանական ընտրություններին մասնակցում են 21 կուսակցություն և 4 դաշինք։

Կուսակցությունների համար անցողիկ շեմը 5 տոկոս է, դաշինքների համար՝ 7 տոկոս։ 

Ընտրություններին մասնակցել է ընտրողների 49.4%-ը. ամենաբարձր մասնակցությունը Սյունիքում է

781
թեգերը:
քվեարկություն, Ընտրություններ, Հայաստան
թեմա:
ԱԺ արտահերթ ընտրություններ 2021
Ըստ թեմայի
Ռոբերտ Քոչարյանի գլխավորած «Հայաստան» դաշինքը հայտարարություն է տարածել
Փաշինյանը քաղաքական խորհրդակցություններ կսկսի
Ինչպես են կենտրոնական շտաբի մոտ Փաշինյանին դիմավորում նրա կողմնակիցները. տեսանյութ