ԵՐԵՎԱՆ, 23 փետրվարի – Sputnik. Տնտեսական զարգացման և ներդրումների նախարար Տիգրան Խաչատրյանը կարծում է, որ Հայաստանում հարկային դրույքաչափերը էական խոչընդոտ չեն բիզնեսի զարգացման համար։ Նա այս մասին ասաց այսօր Վանաձորում լրագրողների հետ զրույցի ժամանակ։

© Sputnik / Aram Nersesyan

Բիզնեսը երաշխիք կունենա, իսկ «իշխանական տանիք»` ոչ. Փաշինյանը ներկայացրեց նոր մոտեցումը

«Հարկային դրույքաչափերը էական խոչընդոտ չեն, որովհետև հայաստանյան հարկային դրույքաչափերը բարձր չեն միջազգային համեմատություններում: Նախատեսվում են փոփոխություններ, որոնք էլ ավելի բարենպաստ պայմաններ կապահովեն: Միկրոբիզնեսն ազատվում է հարկերից, եկամտային հարկն ու շահութահարկը կիջնեն, ինչը նշանակում է, որ ներդրումները Հայաստանում լինելու են ավելի գրավիչ և ավելի արագ են թույլ տալու, որ այդ ներդրումները հատուցվեն ու ապահովեն սպասված շահույթներ»,- ասաց նախարարը:

Վանաձորում այսօր կազմակերպվել է «Իմ քայլը հանուն Լոռու մարզի» ներդրումային-բիզնես ծրագրերի համաժողովը, որի ընթացքում ներկայացվել են Լոռու մարզում զբոսաշրջության, գյուղատնտեսության, արդյունաբերության, տեղեկատվական տեխնոլոգիաների և մի շարք այլ ոլորտների զարգացմանն ուղղված ներդրումային ավելի քան 50 ծրագրեր, որոնք կարող են դառնալ շահութաբեր բիզնեսի հավակնոտ առաջարկներ ներդրողների համար։

Նախարարն անդրադարձավ ներկայացված 50 ծրագրերին և նշեց, որ դրանցից յուրաքանչյուրի գրավչությունը որոշում է այդ ներդրումային նախագծերում ներգրավված մասնակիցը։ Խաչատրյանն ավելացրեց, որ իր այն գործընկերները, որոնք որոշակի մասնակցություն ունեցել են նշված 50 ծրագրերի ուսումնասիրությանը, ասում են, որ հետաքրքիր բաներ կան:

«Հարկային փոփոխություններն արվում են և՛ վարչարարական, և՛ քաղաքական ուղղություններով»,- նկատեց նախարարը, ապա հավելեց, որ վարչարարական ուղղությամբ փոփոխությունները նշանակում են՝ բոլորի համար հավասար պայմաններ, պարզ կանոններ, որպեսզի բիզնեսի համար արհեստական խոչընդոտներ չստեղծվեն։

Խաչատրյանը հավաստիացրեց, որ եթե լինում են գործարարներ, որոնք ունեն կոնկրետ հարցեր, իրենք քննարկում են. «8-ի փոխարեն աշխատում ենք 12 և ավելի ժամ, բայց երբեմն դա էլ չի բավականացնում բոլոր հարցերին արձագանքելու համար»,– ասաց նա:

Նախարարը վստահեցրեց` որևէ հարց անարձագանք չի մնում։

ԵՐԵՎԱՆ, 3 մարտի – Sputnik. ՀՀ նախագահ Արմեն Սարգսյանը ծննդյան օրվա առթիվ շնորհավորական ուղերձ է հղել Ռուսաստանի Դաշնության վարչապետ Միխայիլ Միշուստինին: Տեղեկությունը հայտնում է նախագահի մամուլի ծառայությունը։

© Photo : official site of the MoD of RA

Արմեն Սարգսյանն ու Օնիկ Գասպարյանը հանդիպել են. ի՞նչ են քննարկել

«Սարգսյանը մասնավորապես ընդգծել է ՌԴ վարչապետի ծանրակշիռ ներդրումը երկու երկրների միջև դաշնակցային հարաբերությունների և քաղաքական, տնտեսական, ռազմական ու հումանիտար ոլորտներում փոխշահավետ համագործակցության զարգացման ու ամրապնդման, ինչպես նաև եվրասիական տարածքում ինտեգրացիոն գործընթացների բարելավման մեջ»,– նշված է հաղորդագրության մեջ:

ՀՀ նախագահ քաջառողջություն և հաջողություններ է մաղթել ՌԴ վարչապետին:

Նշենք, որ այսօր լրանում է Միշուստինի 55-ամյակը։

Ավելի վաղ նրան շնորհավորական ուղերձ էր հղել նաև ՀՀ վարչապետ Նիկոլ Փաշինյանը։