Սերգեյ Կոպիրկին

Հայերը հսկայական դեր են խաղացել Ռուսաստանի Զինված ուժերի կայացման մեջ. դեսպան Կոպիրկին

91
Կոպիրկինը խոսել է Հայաստանի և Ռուսաստանի դաշնակցային հարաբերությունների մասին` նշելով, որ դրանք երկու երկրների և տարածաշրջանային անվտանգության երաշխիքն են։

ԵՐԵՎԱՆ, 23 փետրվարի — Sputnik. Հայերը հսկայական դեր են խաղացել ռուսական Զինված ուժերի կայացման մեջ։ Հայրենիքի պաշտպանի օրը «Մայր Հայաստան» հուշարձանի դիմաց՝ Անմար կրակի մոտ, ծաղիկներ դնելու արարողության ընթացքում այս մասին ասաց Հայաստանում Ռուսաստանի արտակարգ և լիազոր դեսպան Սերգեյ Կոպիրկինը։

Посол России Сергей Копыркин возложил венок к Вечному огню в День защитника Отечества (23 февраля 2019). Еревaн
© Sputnik / Stringer
Հայաստանում Ռուսաստանի արտակարգ և լիազոր դեսպան Սերգեյ Կոպիրկինը ծաղիկներ խոնարհեց Անմար կրակի մոտ

«Ռուսական զինված ուժերի պատմությունն անքակտելիորեն կապված է հայ ժողովրդի պատմության հետ։ Հայերը հսկայական դեր են խաղացել ռուսական ԶՈՒ կայացման մեջ, ռուսական խորհրդային զորքի փառավոր հաղթանակներում, որոնցով նշանավորվել է մեր Զինված ուժերի ամբողջ պատմությունը», - ասաց Կոպիրկինը։

Նրա խոսքով` այսօր Հայաստանի և Ռուսաստանի դաշնակցությունը երկու երկրների և տարածաշրջանային անվտանգության երաշխիքն է։

Посол России Сергей Копыркин возложил венок к Вечному  огню в День защитника Отечества (23 февраля 2019). Еревaн
© Sputnik / Stringer
Հայաստանում Ռուսաստանի արտակարգ և լիազոր դեսպան Սերգեյ Կոպիրկինը ծաղիկներ խոնարհեց Անմար կրակի մոտ

Հայաստանում գործում է ռուսական 102-րդ ռազմակայանը, ռուս սահմանապահները մասնակցում են հայկական սահմանի հսկողությանը, և դա, Կոպիրկինի խոսքով, ՌԴ–ի շատ կարևոր ավանդն է Հայաստանի անվտանգության մեջ։

«Դա մեր ժողովուրդների եղբայրական հարաբերությունների այն մարտական եղբայրության արտացոլումն է, որոնցով բնութագրվում է մեր բազմադարյա փոխհարաբերությունների պատմությունը», - ասաց նա։

Հայրենիքի պաշտպանի օրն ամեն տարի նշվում է փետրվարի 23-ին։ Առաջին անգամ նշել են Ռուսաստանի քաղաքացիները 1919թ-ին․ այդ ժամանակ Համառուսական կենտրոնական գործադիր կոմիտեն առաջարկել էր փետրվարի 23-ին նշել Կարմիր բանակի ստեղծման տարեդարձը։ Հայաստանում այս օրը պաշտոնապես չի նշվում։

91
թեգերը:
Ռուսաստան, Հայաստան
թեմա:
Հայաստան-Ռուսաստան համագործակցություն (89)
Ըստ թեմայի
Հայաստանի այս քայլը կգնահատվի Ռուսաստանում. Կալաշնիկով
Հայաստանը կարող է նոր վարկ ստանալ Ռուսաստանից. Տոնոյան
Վլադիմիր Պուտինը ՀԱՊԿ–ում Ռուսաստանի լիազոր ներկայացուցիչ է նշանակել