Человек, раздающий деньги

ՊՆ պաշտոնյան ձերբակալվել է կաշառք ստանալու պահին. տեսանյութ

319
(Թարմացված է 19:38 22.02.2019)
Կաշառքը նախատեսված է եղել զինակոչիկին բանակից ազատելու նպատակով կեղծ տեղեկանք տրամադրելու համար։

ԵՐԵՎԱՆ, 22 փետրվարի— Sputnik. ՀՀ Ազգային անվտանգության ծառայությունը ձերբակալել է ՀՀ ՊՆ Գեղարքունիքի մարզի զինվորական կոմիսարի տեղակալ Ա.Պ-ին։ Այս մասին հայտնում է ԱԱԾ լրատվական ծառայությունը։

Պարզվել է, որ 2019 թ.–ին փետրվարի 11-ին Գեղարքունիքի զինկոմի տեղակալը զինկոմիսարիատի հաշվառման բաժնի տեսուչ Վ.Վ-ի միջոցով զինակոչիկի հորից պահանջել է 1000 ԱՄՆ դոլար կաշառք` զինապարտի զինգրքույկում ակնհայտ կեղծ տեղեկություններ գրանցելու համար։

Պաշտոնյան ձերբակալվել է 2019թ.–ին փետրվարի 19-ին` գումարը ստանալու պահին։

Փաստի առթիվ ԱԱԾ քննչական դեպարտամենտում հարուցվել է քրեական գործ։ Զինկոմի տեղակալին ու տեսուչին մեղադրանք է առաջադրվել, նրանք ձերբակալվել են:

Կատարվում է նախաքննություն:

Հիշեցնենք` փետրվարի 21-ին լրագրողների հետ զրույցում ԱԱԾ տնօրեն Արթուր Վանեցյանը հայտնել էր, որ օրերս Հայաստանում կաշառք ստանալու պահին ձերբակալվել են երկու բարձրաստիճան պաշտոնյաներ։

Ձերբակալվածների ԱԱԾ պետը չէր բացահայտել։ Այդուհանդերձ, Sputnik Արմենիային հաջողվել էր պարզել, որ նրանցից մեկը ՍԱՊԾ Շիրակի մարզային ծառայության պետ Անուշ Մնացականյանը։

Այս մասին Sputnik Արմենիային հայտնեց ՀՀ ՍԱՊԾ պետ Գեորգի Ավետիսյանը։

 

319
թեգերը:
ՀՀ ազգային անվտանգության ծառայություն. ԱԱԾ, ՀՀ Պաշտպանության նախարարություն (ՊՆ), Հայաստան
Ըստ թեմայի
Կաշառք և ապօրինի ծառահատում. հանցախմբում նաև ոստիկան կա. ԱԱԾ նոր բացահայտումը
Դիլիջանի սոցիալական աջակցության պետին կալանավորել են կաշառք վերցնելու համար
Նախարարն անկեղծացել է. կաշառք առաջարկում են առաջին մի քանի ամիսը
Վաղինակ Մինասյան

Ոստիկանն այլևս մերը չէ՞. որն է ոստիկանության նպատակն այս օրերին

2
(Թարմացված է 20:33 06.06.2020)
Ոստիկանությունը չի երազում տուգանել մարդկանց կամ ուժ կիրառել: Ոստիկանության գործառույթն ու պարտքն է ապահովել հակակամաճարակային կանոների խստագույն պահպանությունը, որպեսզի վարակը չտարածվի և քաղաքացիները դրսևորեն բարձր պատասխանատվություն։

ԵՐԵՎԱՆ, 6 հունիսի — Sputnik. Ոստիկանության նպատակը ոչ թե քաղաքացիներին տուգանելն է, այլ հասնելն այն բանին, որ յուրաքանչյուր քաղաքացի իր մեջ ունենա այնքան իրավագիտակցություն, որ հասկանա իր գործողությունների լրջությունը։ Պարետատան նիստից հետո հրավիրված ճեպազրույցի ընթացքում ոստիկանության Երևան քաղաքի վարչության ՊՊԾ գնդի 5-րդ հատուկ գումարտակի ծառայության տեսուչ, ոստիկանության ավագ լեյտենանտ Վաղինակ Մինասյանն այսպես որակեց կորոնավիրուսային իրավիճակով պայմանավորված` ոստիկանության գործողությունները։

Նա հիշեցրեց, որ հեղափոխության ընթացքում ինքն ու իր գործընկերները բազմիցս լսել են «ոստիկանը մերն է» արտահայտությունը:

Մինասյանի խոսքով՝ շատ կարևոր է, որ մարդիկ հիմա հասկանան, որ ոստիկաններն իրենց թշնամին չեն:

«Այժմ դուք լսում եք գրեթե ողջ օրը ծառայող ոստիկանին։ Մենք աշխատում ենք բոլոր փողոցներում և բակերում, հետևում ենք, որ պահպանեն պարետատան ցուցումները։ Բայց մեր հայրենակիցների, այդ թվում` երիտասարդների շրջանում կան մարդիկ, որոնք փորձում են չկատարել պարետի ցուցումները և խախտում են հակահամաճարակային կանոնների պահպանումը։ Նման վերաբերմունքը ոստիկանության հանդեպ արհեստական լարվածություն է ստեղծում»,-ընդգծեց Մինասյանը:

Տոտալ սահմանափակումներն «ունքը սարքելու փոխարեն` աչքն էլ կհանեն». Փաշինյան

Նա կոչ արեց պահպանել հակահամաճարակային կանոնները, պաշտպանիչ դիմակը կրել այնպես, որ այն ծածկվի բերանն ու քիթը:

Ոստիկանները խախտումներ հայտնաբերելու ժամանակ իրավասու են կազմել վարչական ակտեր և նույնիսկ ուժ գործադրել կարգուկանոնը պահպանելու համար:

«Մեր նպատակն է, որ յուրաքանչյուր քաղաքացի այնքան գիտակից լինի, որ հասկանա իր գործողությունների լրջությունը»,- ավելացրեց Մինասյանը:

Հիշեցնենք՝ Հայաստանում կորոնավիրուսով վարակվածների թիվը վերջին մեկ օրում ավելացել է 547–ով և դարձել 12 364։
Այս պահին փաստացի բուժում է ստանում 8385 մարդ, կատարվել է 66674 թեստավորում, առողջացել են վարակվածներից 3720–ը։ Ընդհանուր առմամբ գրանցվել է 190 մահվան դեպք։

Արևը չի օգնում. Թորոսյանը Ռուսաստանի առողջապահության նախարարի հետ խոսել է կորոնավիրուսից

2
թեմա:
Կորոնավիրուսը Հայաստանում և Արցախում
Ըստ թեմայի
Եթե նույնիսկ կորոնավիրուսը չլիներ, մահեր լինելու էին. որն է Հայաստանի խնդիրն ըստ Փաշինյանի
Բացվել է կորոնավիրուսային հիվանդության կասկածով պացիենտների ևս մեկ կենտրոն․ Թորոսյան
Գեղարքունիքի մարզի Ձորագյուղի ելումուտը կփակվի. բռնկման պատճառը թաղման մասնակցելն է
Մհեր Դավիդյանց. արխիվային լուսանկար

«Սիրելի՛ քաղաքացիներ, օգնեք մեզ, խնդրում եմ». «Նորք» ինֆեկցիոն հիվանդանոցի տնօրեն

38
(Թարմացված է 20:06 06.06.2020)
«Նորք» ինֆեկցիոն կլինիկական հիվանդանոցի տնօրենի խոսքով՝ լինում են դեպքեր, երբ արդեն արյան մեջ թթվածնի անբավարար քանակություն ունեցող հիվանդները գալիս են հիվանդանոց, բայց մահճակալային ֆոնդը չի բավարարում նրանց հոսպիտալացնելու համար։

ԵՐԵՎԱՆ, 6 հունիսի — Sputnik. «Նորք» ինֆեկցիոն կլինիկական հիվանդանոցի տնօրեն Մհեր Դավիդյանցը պարետատան նիստից հետ հրավիրված ճեպազրույցի ժամանակ դիմեց ժողովրդին և նրանցից օգնություն խնդրեց։

««Նորք» ինֆեկցիոն հիվանդանոցն առաջին բուժհաստատությունն է, որը սկսեց պայքարել կորոնավիրուսի դեմ, և մենք փետրվար ամսից մեր ողջ անձնակազմով պայքարում են կորոնավիրուս կոչվող չարիքի դեմ։ Հավատացեք` մենք 4 ամիս է, ինչ չգիտենք հանգիստն ինչ է, կտրվել ենք մեր ընտանիքներից ու ողջ օրն անցկացնում ենք հիվանդանոցում։ Սիրելի՛ քաղաքացիներ, օգնեք մեզ, խնդրում եմ, ընդամենը պահպանեք հակահամաճարակային կանոնները»,-ասաց նա։

Դավիդյանցի խոսքով` եթե փետրվար-մարտ ամիսներին ավելի շատ գերակշռում էին ասիմպտոմ դեպքերը, ապա այժմ վարակվածների մեծ մասը գտնվում է ծանր և ծայրահեղ ծանր վիճակում:

Լինում են դեպքեր, երբ արդեն արյան մեջ թթվածնի անբավարար քանակություն ունեցող հիվանդները գալիս են հիվանդանոց, գտնվում են սպասասրահում, բայց մահճակալային ֆոնդը չի բավարարում նրանց հոսպիտալացնելու համար։

Հիշեցնենք՝ Հայաստանում կորոնավիրուսով վարակվածների թիվը վերջին մեկ օրում ավելացել է 547–ով և դարձել 12 364։

Այս պահին փաստացի բուժում է ստանում 8385 մարդ, կատարվել է 66674 թեստավորում, առողջացել են վարակվածներից 3720–ը։

Ընդհանուր առմամբ գրանցվել է 190 մահվան դեպք։

547 նոր դեպք` 1 օրում. Հայաստանում կորոնավիրուսով վարակվածների թիվը դարձել է 12 364

38
թեգերը:
կորոնավիրուս, բժիշկ, Մհեր Դավիդյանց
թեմա:
Կորոնավիրուսը Հայաստանում և Արցախում
Ըստ թեմայի
Ինչ երազանքներ ունեն կորոնավիրուսի դեմ կռվողները. «Նորքի» բժիշկներն անկեղծացել են
«Աղջիկս ամեն օր զանգում, հարցնում է` ինչու տուն չես գալիս». «Նորք» ինֆեկցիոնի տնօրեն
«Հիշում ենք և պահանջում»․ «Նորքի» բժիշկները պաշտպանիչ հագուստի վրա անմոռուկ են նկարել
Արծաթե պատվոգրեր «Նորք» ինֆեկցիոն հիվանդանոցի բժիշկներին՝ ի նշան երախտագիտության