Հիվանդանոց

Հայաստանի որոշ հիվանդանոցները կկահավորվեն բանտարկյալներին ընդունելու համար

51
(Թարմացված է 13:19 22.02.2019)
Պատժիչ համակարգի բժշկական ծառայությունը կանցնի ՀՀ արդարադատության նախարարության ուղիղ ենթակայության տակ։

ԵՐԵՎԱՆ, 22 փետրվարի — Sputnik. Հայաստանի մի շարք քաղաքային հիվանդանոցներում բանտարկյալների համար մահճակալներ կհատկացվեն։ ԱԺ մարդու իրավունքների պաշտպանության և հանրային հարցերի մշտական հանձնաժողովի աշխատանքային քննարկման ժամանակ այս մասին ասաց ՀՀ արդարադատության նախարար Արտակ Զեյնալյանը։

Մասնավորապես, կառավարության որոշման համաձայն, այդ տեղերը կհատկացվեն Երևանի, Գյումրու և Վանաձորի որոշ բուժկենտրոններում։

Նախարարը նշեց, որ այդ հիվանդանոցները համապատասխան ձևով կկահավորվեն, մասնավորապես, պատուհանների վրա ճաղեր կտեղադրվեն։

Զեյնալյանի կարծիքով, բժշկական ծառայությունը պետք է դուրս բերվի քրեակատարողական հիմնարկի ղեկավարության անմիջական ենթակայությունից։

«Կառավարության որոշմամբ այն կանցնի արդարադատության նախարարության անմիջական կառավարման տակ։ Այդ համակարգի աշխատատեղերի շուրջ 30% թափուր են։ Դրանք բուժաշխատողներին չեն գրավում։ Հենց այդ պատճառով էլ մենք պետք է այստեղ բարձրացնենք սոցապահովման մակարդակը», – նշեց արդարադատության նախարարը։

Նա ավելացրեց, որ կադրերի պակաս է զգացվում նաև բանտերում։ Դեպքեր են լինում, երբ մի աշխատակիցը 7 մարդու գործ է կատարում։

 

51
թեգերը:
Արտակ Զեյնալյան, Հայաստան
Ըստ թեմայի
Մանկական սենյակ՝ կարճատև տեսակցությունների համար. Աբովյան ՔԿՀ-ն համալրվում է. լուսանկարներ
Հացադուլ հայտարարած Մհեր Եղիազարյանը մահացել է «Նուբարաշեն» ՔԿՀ-ում
Քրեական գործ է հարուցվել «Նուբարաշեն» ՔԿՀ-ում մահացած Մհեր Եղիազարյանի դեպքի առթիվ