Человек, раздающий деньги

Հայտնի է, թե ով է կաշառքի գործով ԱԱԾ ձերբակալած պաշտոնյան

1761
ՍԱՊԾ պատրաստակամություն է հայտնել տրամադրելու անհրաժեշտ տեղեկատվություն և աջակցել ոլորտում դրսևորվող յուրաքանչյուր անօրինականության դեմ պայքարի հարցում:

ԵՐԵՎԱՆ, 21 փետրվարի — Sputnik. Հայաստանում կաշառք ստանալու պահին ձերբակալվել են երկու բարձրաստիճան պաշտոնյաներ։ Այս մասին այսօր լրագրողների հետ զրույցում հայտարարել էր ԱԱԾ տնօրեն Արթուր Վանեցյանը։

ԱԱԾ տնօրենը հայտարարել էր միայն, որ նրանցից մեկը ՀՀ ՊՆ զինկոմիսարիատի աշխատակից է, մյուսը` Սննդի անվտանգության պետական ծառայության։

Ձերբակալվածների անուններն ԱԱԾ–ն առայժմ չի բացահայտում։ Այդուհանդերձ, Sputnik Արմենիային հաջողվել է պարզել, որ նրանցից մեկը ՍԱՊԾ Շիրակի մարզային ծառայության պետ Անուշ Մնացականյանը։

Այս մասին Sputnik Արմենիային հայտնեց ՀՀ ՍԱՊԾ պետ Գեորգի Ավետիսյանը։

«Կաշառք ստանալու պահին է ձերբակալվել, բայց գործի մանրամասներին ծանոթ չենք»,– ասաց Ավետիսյանը։

Կաշառքի չափի մասին տեղեկություն ևս Գեորգի Ավետիսյանը չուներ։

Ի դեպ, ԱԱԾ պետի այսօրվա հայտարարության վերաբերյալ ՍԱՊԾ հայտարարություն է տեղադրել նաև պաշտոնական կայքում, որտեղ մասնավորապես պատրաստակամություն է հայտնել տրամադրելու անհրաժեշտ տեղեկատվություն և աջակցել ոլորտում դրսևորվող յուրաքանչյուր անօրինականության դեմ պայքարի հարցում:

1761
թեգերը:
ՀՀ Ազգային Անվտանգության ծառայություն. ԱԱԾ, Արթուր Վանեցյան, Կաշառք, Հայաստան
Ըստ թեմայի
Չարաշահումներ, կաշառք, նոր բացահայտում. մեղադրանք է առաջադրվել տասը պաշտոնյայի
Կաշառք և ապօրինի ծառհատում. հանցախմբում նաև ոստիկան կա. ԱԱԾ նոր բացահայտումը
Դիլիջանի սոցիալական աջակցության պետին կալանավորել են կաշառք վերցնելու համար