Արթուր Վանեցյան

Քոչարյանների ընտանիքի նկատմամբ հետապնդում չկա. Վանեցյան

114
Արթուր Վանեցյանը բացատրել է, թե ԱԱԾ–ն ինչու է Ռոբերտ Քոչարյանի որդու վերաբերյալ հաղորդագրություն տարածել։

ԵՐԵՎԱՆ, 21 Փետրվար — Sputnik. Քաղաքական հետապնդման որևէ խնդիր չկա։ Այսօր կառավարության նիստից հետո, լրագրողների հետ զրույցում, մեկնաբանելով Սեդրակ Քոչարյանի նկատմամբ հարուցված քրեական գործի մասին Քոչարյանի որդու հայտարարությունը, ասաց ԱԱԾ պետ Արթուր Վանեցյանը։

«Հաղորդագրությունը դուք կարդացել եք, տեսել եք, որ դրանում օբյեկտիվ կերպով ներկայացված են գործի որոշ հանգամանքներ։ Մենք ընդհանրապես չէինք ուզում որևէ հաղորդագրություն տարածել։ Նախաձեռնությունը եղավ իրենց կողմից»,– ասաց Վանեցյանը։

ԱԱԾ պետը հիշեցրեց, որ ինքը կարճ մեկնաբանություն էր տվել, որից հետո Քոչարյանի փաստաբանները ծավալուն մեկնաբանությամբ էին հանդես եկել, և ԱԱԾ–ն ստիպված եղավ դրան արձագանքել ավելի մանրամասն հաղորդագրությամբ։

«Քոչարյանների ընտանիքի նկատմամբ անձնական կամ քաղաքական որևէ հետապնդում, վրեժխնդրություն չկա»,– ասաց Վանեցյանը։

Ինչ վերաբերում է Քոչարյանի` դատարան դիմելու հայտարարությանը, ապա Վանեցյանը նշեց, որ դա նրա իրավունքն է։

Հիշեցնենք` փետրվարի 19-ին ՀՀ Ազգային անվտանգության ծառայությունը պաշտոնական հաղորդագրությունն էր տարածել` ներկայացնելով, թե ինչ փաստերի հիման վրա է մեղադրանք առաջադրվել ՀՀ երկրորդ նախագահ Ռոբերտ Քոչարյանի որդուն` Սեդրակ Քոչարյանին։

ԱԱԾ–ն հայտնել էր, որ քրեական գործի շրջանակում իրականացված լայնածավալ քննչական գործողությունների և օպերատիվ-հետախուզական միջոցառումների արդյունքում բացահայտել է առանձնապես խոշոր չափերով հարկեր չվճարելու և հանցավոր ճանապարհով ձեռք բերված եկամուտներն օրինականացնելու հանցադեպեր, որոնց կազմակերպման հետ անմիջական առնչություն է ունեցել Սեդրակ Քոչարյանը։

Ըստ գործի նյութերի` Քոչարյանի որդին իր հիմնադրած ՍՊԸ–ներից մեկի պատասխանատու աշխատակիցներին հրահանգել է հաշվարկում ակնհայտ կեղծ տվյալներ մտցնել` առանձնապես խոշոր չափերով եկամտային հարկ չվճարելու նպատակով։

Բացի այդ, գումարի ծագումը թաքցնելու համար կատարել է մի շարք բանկային փոխանցումներ և այդ գումարով գույք ձեռք բերել։

Քոչարյանն այս մեղադրանքը մեկնաբանել է որպես Քոչարյանների ընտանիքի դեմ ուղղված գործընթաց։

ՀՀ երկրորդ նախագահի Ռոբերտ Քոչարյանի գրասենյակի ղեկավար Վիկտոր Սողոմոնյանը Sputnik Արմենիային ասել էր, որ Սեդրակ Քոչարյանը պատրաստվում է դատական հայց ներկայացնել ՀՀ Ազգային անվտանգության ծառայության դեմ:

114
թեգերը:
ՀՀ Ազգային Անվտանգության ծառայություն. ԱԱԾ, Ռոբերտ Քոչարյան, Արթուր Վանեցյան, Հայաստան
Ըստ թեմայի
Դատարանի որոշումը քաղաքական հետապնդում է. փաստաբանը փոխանցեց Ռոբերտ Քոչարյանի կարծիքը
Ռոբերտ Քոչարյանին նոր մեղադրանք է առաջադրվել
Արման Թաթոյանն այցելել է Ռոբերտ Քոչարյանին
Քոչարյանը նախընտրական պայքարի մեկնա՞րկ է տալիս. կանի՞ Փաշինյանը ճակատագրական սխալներ