ԱԱԾ

Ինչի՞ համար է մեղադրվում Քոչարյանի որդին. ԱԱԾ–ն մանրամասներ է ներկայացրել

375
Սեդրակ Քոչարյանը «Բեստ Վեստերն Կոնգրես» հյուրանոցը ձեռք է բերել անօրինական գործարքների միջոցով ստացված գումարով։ Քննչական մարմինը մանրամասներ է ներկայացրել Քոչարյանին առաջադրված մեղադրանքից։

ԵՐԵՎԱՆ, 19 փետրվարի — Sputnik. ՀՀ Ազգային անվտանգության ծառայությունը պաշտոնական հաղորդագրությունն է տարածել, որում ներկայացրել է, թե ինչ փաստերի հիման վրա է ՀՀ երկրորդ նախագահ Ռոբերտ Քոչարյանի որդի Սեդրակ Քոչարյանին մեղադրանք առաջադրվել։

ԱԱԾ–ն հայտնում է, որ քրեական գործի շրջանակներում իրականացված լայնածավալ քննչական գործողությունների և օպերատիվ-հետախուզական միջոցառումների արդյունքում բացահայտել է առանձնապես խոշոր չափերով հարկեր չվճարելու և հանցավոր ճանապարհով ձեռք բերված եկամուտներն օրինականացնելու հանցադեպեր, որոնց կազմակերպման հետ անմիջական առնչություն է ունեցել Սեդրակ Քոչարյանը։

Ըստ գործի նյութերի, Քոչարյանի որդին, իր հիմնադրած ՍՊԸ–ներից մեկի պատասխանատու աշխատակիցներին հրահանգել է հաշվարկում ակնհայտ կեղծ տվյալներ մտցնել` առանձնապես խոշոր չափերով եկամտային հարկ չվճարելու նպատակով։ Բացի այդ, գումարի ծագումը թաքցնելու համար կատարել է մի շարք բանկային փոխանցումներ և այդ գումարով գույք ձեռք բերել։

Այսպես, ըստ գործի նյութերի, իր հիմնադրած ՍՊԸ-ի տնօրենին հանձնարարել է կնքել 2 շինծու փոխառության պայմանագիր, որով 5.300.000 ԱՄՆ դոլար է փոխանցել Սեդրակ Քոչարյանի անձնական հաշվեհամարին՝ իբրև տված փոխառության վերադարձ: Ապա` այդ գումարն անհատույց ստանալու նպատակով, Քոչարյանը շինծու գործարքներով գումարը ձևակերպել է իր հիմնադրած ընկերության անվամբ և ստացել։

Այս գումարի մասին ԱԱԾ–ն հայտնում է, որ դրա ծագումն առանձին իրավական գնահատականի է արժանի։

Մեկ այլ դեպքում Սեդրակ Քոչարյանի հիմնադրած ընկերության տնօրենը հաշիվներում ակնհայտ կեղծ տվյալներ է մտցրել և դրա շնորհիվ խուսափել առանձնապես խոշոր չափերով՝ 916.706.560 ՀՀ դրամի հարկեր վճարելուց (տույժերով և տուգանքներով հանդերձ՝ 1.968.627.338 ՀՀ դրամ)։

Սեդրակ Քոչարյանն իր ընտանիքի մյուս անդամների հետ փոխկապակցված ընկերությունների միջև մի շարք գործարքներ է կնքել, որով թաքցրել է բյուջե չվճարված հարկի գումարի իրական ծագման աղբյուրը և այն դրել է շրջանառության մեջ։ Քոչարյանն այն միախառնել է իր բանկային հաշվին եղած 5.682.960 ԱՄՆ դոլարի հետ և օրինականացրել է մի շարք բանկային փոխանցումների, փոխարկման, այդ եկամուտները «Բեստ Վեստերն Կոնգրես» հյուրանոցը ձեռք բերելու գործարքի միջոցով։

Այս փաստերով Սեդրակ Ռոբերտի Քոչարյանին մեղադրանք է առաջադրվել ՀՀ քրեական օրենսգրքի 38-205-րդ հոդվածի 2-րդ մասով և 190-րդ հոդվածի 3-րդ մասի 1-ին կետով՝ առանձնապես խոշոր չափերով հարկ չվճարելը կազմակերպելու և առանձնապես խոշոր չափերով հանցավոր ճանապարհով ստացված եկամուտներն օրինականացնելու համար, իսկ նրա հիմնադրած ՍՊ ընկերության տնօրեն Ալեքսան Սամսոնի Որսկանյանին՝ առանձնապես խոշոր չափերով հարկ չվճարելը կազմակերպելու համար։ Որսկանյանն իրեն առաջադրված մեղադրանքում մեղավոր է ճանաչել։ Նրանց նկատմամբ որպես խափանման միջոց ընտրվել է չհեռանալու մասին ստորագրությունը։

ԱԱԾ–ն տեղեկացնում է նաև, որ քրեական գործն այսքանով չի սահմանափակվում։ Սեդրակ Քոչարյանի և նրա ընտանիքի անդամների բազմաթիվ անշարժ գույքերի և այլ ակտիվների ձեռք բերման օրինականությունը պարզելու ուղղությամբ ձեռնարկվում են լայնածավալ քննչական գործողություններ։ Քրեական գործով նախաքննությունը շարունակվում է։

375
թեգերը:
ՀՀ ազգային անվտանգության ծառայություն. ԱԱԾ, Ռոբերտ Քոչարյան, Հայաստան
թեմա:
Ռոբերտ Քոչարյանի գործը (444)
Ըստ թեմայի
Ռոբերտ Քոչարյանի և Յուրի Խաչատուրովի քրգործի նախաքննությունն ավարտվել է
Ռոբերտ Քոչարյանի գործը 76 հատորից է կազմված. փաստաբաններն ուսումնասիրում են նյութերը
Ռոբերտ Քոչարյանի որդուն մեղադրանք է առաջադրվել
«Արարատ-Արմենիա» - «Նոա»

«Արարատ-Արմենիան»՝ Հայաստանի չեմպիոն․ թիմը պաշտպանեց իր տիտղոսը

31
(Թարմացված է 19:57 14.07.2020)
Չորս օրվա տարբերությամբ «Արարատ-Արմենիան» և «Նոան» որոշեցին Հայաստանի ֆուտբոլի գավաթակրին ու չեմպիոնին: Հուլիսի 10-ին լարված պայքարում գավաթը նվաճեց «Նոան», իսկ բարձրագույն խմբի վերջին տուրում թիմերի մրցավեճը մրցաշարային աղյուսակին վերջնական տեսք տվեց:

ԵՐԵՎԱՆ, 14 հուլիսի – Sputnik․ Երևանի «Արարատ-Արմենիան» բարձրագույն խմբի վերջին տուրում Ֆուրջել Նարսինգի և Յուսուֆ Օտուբանջոյի խփած գնդակների շնորհիվ 2:0 հաշվով առավելության հասավ «Նոայի» նկատմամբ և երկրորդ անգամ անընդմեջ նվաճեց Հայաստանի չեմպիոնի կոչումը:

Գավաթի եզրափակիչում թիմերի գերարդյունավետ խաղից հետո, դժվար էր նույնը սպասել այս խաղում: Կորոնավիրուսի պատճառով տևական ընդմիջումից հետո թիմերը շատ խիտ գրաֆիկով անցկացրին իրենց հանդիպումները, իսկ «Արարատ-Արմենիայի» և «Նոայի» համար ավելացավ գավաթի եզրափակիչը:

Բացի այդ, կարելի էր ենթադրել, որ բարձր տեմպով թիմերը հերթական խաղը դժվար թե կարողանան անցակցնել: Հաշվետու խաղում, ինչպես և գավաթի եզրափակիչում, հաշիվը բացեց «Արարատ-Արմենիան»՝ հանդիպման 16-րդ րոպեին աչքի ընկավ Ֆուրջել Նարսինգը: Խաղի 25-րդ րոպեին հիանալի հնարավորություն ուներ Յուսուֆ Օտուբանջոն: Բայց հաշիվը մնաց անփոփոխ: Իր վրիպումը Օտուբանջոն ուղղեց առաջին կեսի վերջին րոպեին՝ կրկնապատկելով «Արարատ-Արմենիայի» առավելությունը:

Երկրորդ խաղակեսում խաղի տեմպը չբարձրացավ: Հոգնածությունը երկու կողմերի ֆուտբոլիստների մոտ էլ առկա էր: Գործող չեմպիոն «Արարատ-Արմենիան» շատ հանգիստ վերահսկում էր խաղը: Խաղավերջում թիմերը փոխանակվեցին գոլային պահերով, բայց դարպասի գրավում այդպես էլ չարձանագրվեց: Երկու գնդակի առավելությունն «Արարատ-Արմենիան» պահպանեց:

Վարդան Մինասյանը երկրորդ տարին անընդմեջ «Արարատ-Արմենիայի» չեմպիոն դարձրեց: Որպես մարզիչ Մինասյանը 4 անգամ չեմպիոն է հռչակվել «Փյունիկի» հետ: Չեմպիոնական տիտղոսներով սա լավագույն արդյունքն է հայ մարզիչների մեջ: 

«Լոռի» ֆուտբոլային ակումբի անդամներից 17–ը վարակվել են կորոնավիրուսով

Ավարտվեց ֆուտբոլի Հայաստանի բարձրագույն խմբի 2019/20 մրցաշրջանը: Մրցանակային եռյակը վերջնական տեսք ստացավ զուգահեռաբար անցկացված «Շիրակ» - «Ալաշկերտ» խաղից հետո: «Շիրակը» հաղթանակի հասնելու դեպքում կարող էր շրջանցել «Նոային» ու աղյուսակում զբաղեցնել երկրորդ տեղը: Բայց 4:2 հաշվով հաղթանակ տարավ «Ալաշկերտն» ու նվաճեց առաջնության բրոնզե մեդալը: «Նոան» երկրորդն է:

Թե երբ կմեկնարկի 2020/21 թվականների մրցաշրջանը, հայտնի կդառնա մոտ ապագայում: ՀՖՖ-ն քննարկումներ է անցկացնում բարձրագույն խմբի ակումբների հետ նոր մրցաշրջանի մեկնարկի ժամանակացույցը հաստատելու համար: Ընդ որում, հաշվի առնելով առաջին խմբի դադարեցումն ու առաջատար «Լոկոմոտիվի» որակազրկումը, նոր մրցաշրջանում բարձրագույն խումբը, ամենայն հավանականությամբ, համալրելու է Չարենցավանի «Վանը»:

31
թեգերը:
Վարդան Մինասյան, չեմպիոն, Արարատ–Արմենիա, ֆուտբոլիստ, ֆուտբոլ, ՀՖՖ, Հայաստան
Ըստ թեմայի
Հայաստանի ազգային հավաքականը կխաղա Քուվեյթի ընտրանու հետ. հայտնի է հանդիպման օրը
Հայաստանի կանանց հավաքականի ֆուտբոլիստ Նենսի Ավեսյանը երեխայի է սպասում. լուսանկար
Թող այդ ամենի մասին մեր երեխաներն ու թոռները մտածեն, մեզ մեր խնդիրներն էլ բավարար են
 Արծրուն Հովհաննիսյան

Զոհված ժամկետային զինծառայողներն առաջնագծում չեն եղել․ Արծրուն Հովհաննիսյան

57
(Թարմացված է 19:46 14.07.2020)
Հովհաննիսյանը նշել է, որ հայ–ադրբեջանական սահմանի Տավուշի հատվածում մարտական գործողություններ են ընթանում, դա նշանակում է, որ բոլոր օղակներն ու բնագծերը մարտի մեջ են։

ԵՐԵՎԱՆ, 14 հուլիսի - Sputnik. Այսօր Տավուշում ադրբեջանական կրակոցից զոհված ժամկետային երկու զինծառայողներն առաջնագծում չեն եղել։ Այս մասին Sputnik Արմենիայի հետ զրույցում ասաց Իջևանում լրատվական ճգնաժամային կենտրոնի պատասխանատու Արծրուն Հովհաննիսյանը։

«Զոհված զինծառայողներն առաջնագծում չեն եղել, բայց այժմ մարտական գործողություններ են ընթանում, և բոլոր օղակներն ու բնագծերը մարտի մեջ են»,- ասաց նա։

Նշենք, ավելի վաղ ՊՆ ռազմական վերահսկողական ծառայության պետ գեներալ-գնդապետ Մովսես Հակոբյանը հայտարարել էր, որ Տավուշում գործողություններում պարտադիր ժամկետային ոչ մի զինծառայող ներգրավված չէ:

Ադրբեջանը 120 մմ ականանետներից կրակել է «Տավուշ տեքստիլի» ուղղությամբ

Հիշեցնենք` հուլիսի 12–ից սկսած իրավիճակը սրվել է հայ–ադրբեջանական սահմանի Տավուշի հատվածում։ Հուլիսի 12–ին, ժամը 12:30-ի սահմաններում, Ադրբեջանի զինված ուժերի զինծառայողները ՈւԱԶ մակնիշի ավտոմեքենայով Տավուշի ուղղությամբ ՀՀ պետական սահմանը խախտելու փորձեր են կատարել: Հայկական կողմի նախազգուշացումից հետո Ադրբեջանի զինծառայողները, թողնելով ավտոմեքենան, վերադարձել են իրենց դիրքեր: Ժամը 13:45-ին Ադրբեջանի զինված ուժերի զինծառայողները կրկնել են հայկական զինված ուժերի սահմանային դիրքը գրավելու փորձը` կիրառելով հրետանային կրակ, սակայն ճնշվել են հայկական կողմից և, կորուստներ տալով, հետ շպրտվել:

Սին «հերոսություն» է. մասնագիտական ապտակ ադրբեջանցի հաքերներին

Ավելի ուշ հայտնի դարձավ, որ ադրբեջանական կողմը վերսկսել է Տավուշի դիրքերի ուղղությամբ հրետակոծությունը: ՀՀ ՊՆ խոսնակ Շուշան Ստեփանյանը երեկ վաղ առավոտյան հայտնեց, որ երկու-երեք ժամվա դադարից հետո առավոտյան հակառակորդը վերսկսել է սադրիչ գործողությունները՝ շարունակելով հրետակոծել հայկական դիրքերի ուղղությամբ։

Ադրբեջանի պաշտպանության նախարարի տեղակալ Քերիմ Վելիևն այսօր հայտնել է, որ հայ-ադրբեջանական սահմանին մարտական գործողությունների հետևանքով սպանվել են գեներալ-մայոր Փոլադ Հաշիմովը և գնդապետ Իլգար Միրզեևը։


ԱՊԱ գործակալությունն էլ տեղեկացրել են, որ սպանվել են նաև մայոր Ահմեդով Նամիգ Խաժանօղլուն, մայոր Նովրուզով Անար Գյուլվերդիօղլուն, ենթասպա Զեյնալլա Իլգար Այազօղլուն, ենթասպա Բաբաև Յաշար Վասիֆօղլուն, գերժամանակակից ծառայության զինծառայող, զինվոր Մուստաֆազադե Էլչին Արիֆօղլուն:

Հայկական կողմից կա 5 վիրավոր և չորս զոհ։ Հակառակորդի կրակոցից մահացել են մայոր Գարուշ Վեմիրի Համբարձումյանը և կապիտան Սոս Փայլակի Էլբակյանը, ժամկետային զինծառայողներ` կրտսեր սերժանտներ Սմբատ Գևորգի Գաբրելյանն ու Գրիշա Վահանի Մաթևոսյանը։

Արցախի ՊԲ–ն նոր հաղորդագրություն է տարածել սահմանին տիրող իրավիճակի մասին

57
թեգերը:
առաջնագիծ, Զոհ, հայ-ադրբեջանական, զինծառայող, Տավուշ, Արծրուն Հովհաննիսյան
Ըստ թեմայի
Հայկական ԶՈւ-ն ադրբեջանական հերթական ԱԹՍ-ն է խոցել
ՀԱՊԿ-ը կոչ է անում անհապաղ դադարեցնել հրաձգությունը հայ-ադրբեջանական սահմանին
Ցնծության ճիչ․ ՀՀ ԶՈՒ–ն ադրբեջանական հերթական անօդաչուն է խոցել
Ադրբեջանն իր բնակչությանը շրջապատել է հրետանային մարտկոցներով՝ դարձնելով թիրախ. լուսանկար