Նիկոլ Փաշինյան

Նիկոլ Փաշինյանը նոր նշանակում է արել. ո՞վ է նա

323
Աշխատանքի և սոցիալական հարցերի նախարարը նոր տեղակալ ունի։

ԵՐԵՎԱՆ, 15 փետրվարի – Sputnik. ՀՀ վարչապետ Նիկոլ Փաշինյանը Ժաննա Անդրեասյանին Աշխատանքի և սոցիալական հարցերի նախարարի տեղակալ է նշանակել: Այս մասին նշված է ՀՀ վարչապետի պաշտոնական կայքում։

Փաշինյանը որոշումը ստորագրել է այսօր` փետրվարի 15-ին։

Աշխատանքի և սոցիալական հարցերի նախարար Զարուհի Բաթոյանը Facebook սոցիալական ցանցի իր էջում ներկայացրել է նոր փոխնախարարին:

«Տիկին Անդրեասյանը 2003-2019 թթ. աշխատել է «Կրթական ծրագրերի կենտրոն» ԾԻԳ ՊՀ-ում որպես հանրակրթությունում տեղեկատվական և հաղորդակցական տեխնոլոգիաների ներդրման ծրագրի մասնագետ, այնուհետ՝ ղեկավար, բարձրագույն կրթության ծրագրերի ղեկավար, 2017-ից՝ ծրագրերի ղեկավար-տնօրենի տեղակալ»,– գրել է նա։

Նախարարը նշել է, որ Անդրեասյանը։ Երևանի պետական համալսարանի և Երևանի Վ. Բրյուսովի անվան պետական լեզվահասարակագիտական համալսարանի դասախոս է։ 2012 թվականին եղել է ՀՀ բուհերի ազգային վարկանիշավորման համակարգը մշակող աշխատանքային խմբի անդամ, իսկ 2012-2015 թվականներին՝ Բոլոնիայի գործընթացի հետամուտ խմբի սոցիալական չափայնության և հարատև կրթության աշխատանքային խմբի հայաստանյան ներկայացուցիչ։

2013 թվականից ներգրավված է «Սոցիոսկոպ» հասարակական ուսումնասիրությունների և խորհրդատվության կենտրոն» հասարակական կազմակերպության հետազոտական ծրագրերում։

2016 թվականից Սոցիոլոգիայի միջազգային ընկերակցության անդամ է։

Մի շարք հրապարակումների հեղինակ է։ Անկուսակցական է։

 

323
թեգերը:
Նիկոլ Փաշինյան, Հայաստան
Ըստ թեմայի
Փաշինյանը գիտի` ինչպես է իշխանությունը տնտեսությունը զարգացնելու առաջիկա 5 տարում
Փաշինյանը թիմակիցներին հանձնարարել է հեռախոսով չխաղալ. «Փաստ»
Փաշինյանը խոստովանեց` իր տեքստերն ուրիշներն են գրում. ինչո՞ւ են մարդկանց խստորեն ստուգում
Փաշինյանը մտադիր է պաշտոն առաջարկել Արծվիկ Մինասյանին, իսկ նա չի ընդունի. «Ժողովուրդ»
Փաշինյանը ներկայացրեց տնտեսական հեղափոխության առաջին քայլերը