ԲՀԿ–ն ուզում է կառավարության ծրագրում նոր գլուխ ավելացնել, ԼՀԿ–ին հետաքրքրում են աղքատները
(Թարմացված է 12:06 14.02.2019)
Ազգային ժողովի ընդդիմադիր ուժերը գտել են կառավարության ծրագրի բացթողումները։ «Բարգավաճ Հայաստանը» կետ առ կետ շարադրել է դրանք, «Լուսավոր Հայաստանը» ծրագիրը որակել է որպես վարչապետի ուղերձ կառավարությանը։ԵՐԵՎԱՆ, 14 փետրվարի – Sputnik. «Բարգավաճ Հայաստանն» առաջարկում է կառավարության ներկայացրած գործունեության 5-ամյա ծրագրում ավելացնել մեկ ամբողջական` 9-րդ գլուխ: Այս մասին այսօր ԱԺ ամբիոնից հայտարարեց ԲՀԿ անդամ, ԱԺ փոխնախագահ Վահե Էնֆիաջյանը:
Խմբակցության առաջարկած գլխում, ըստ Էնֆիաջյանի կամրագրվեն ծրագրի իրականացման երաշխիքները, սպասվող ռիսկերը, ծրագրի իրականացման կոնկրետ գործիքներն ու մեխանիզմները և կոնկրետ անելիքները` ըստ տարիների, մինչև 2023թ-ը:
©
Sputnik / Asatur Yesayants
«Առաջին կետով առաջարկվում է, որ ծրագրում պետք է արձանագրվեն պետության կողմից ֆինանսավորվող ըստ պարտականությունների և ըստ աղբյուրների պետական ու մասնավոր հատվածների համագործակցության շրջանակներում դրամական միջոցների ծավալները, 2-րդ` 2019-ից մինչև 2022 թվականները Հայաստանի տնտեսության մեջ ներգրավվող ներդրումների ծավալն ըստ տարիների, այդ թվում՝ օտարերկրյա ուղղակի ներդրումների ծավալը, 3-րդ` հարկեր/ՀՆԱ աճը ըստ տարիների, 4-րդ` արտահանում/ՀՆԱ հարաբերակցության աճն ըստ տարիների, 5-րդ` նոր ստեղծվող աշխատատեղերի քանակն ըստ տարիների և ոլորտների, 6-րդ` վարկեր/ՀՆԱ հարաբերակցությունը ըստ տարիների և վարկերի տոկոսադրույքների փոփոխման դինամիկան ըստ տարիների, 7-րդ` պետական պարտք/ՀՆԱ հարաբերակցությունն ըստ տարիների, 8-րդ`աշխատավարձի աճն ըստ տարիների, 9-րդ` միջին կենսաթոշակի աճն ըստ տարիների, 10-րդ` աղքատության նվազման աճն ըստ տարիների, 11-րդ` գործազրկության նվազեցումն ըստ տարիների»,- իրենց առաջարկությունը ներկայացրեց Էնֆիաջյանը:
Պատգամավորը հայտարարեց, որ իշխանության վերաբերմունքից կախված կլինի, թե ԲՀԿ-ն ինչպիսի քաղաքական դիրքորոշում կունենա:
«Լուսավոր Հայաստան» խմբակցության պատգամավոր Մանե Թանդիլյանն էլ իր ելույթում հայտարարեց, որ կառավարության ծրագիրը չի արտահայտում զարգացման հետհեղափոխական ակնկալվող տեմպը:
Նա անդրադարձավ ծրագրում թվային ցուցանիշների սակավության հարցին։
©
Sputnik / Aram Nersesyan
«Սահմանադրության 106-րդ հոդվածն ասում է, որ յուրաքանչյուր տարվա համար կառավարությունը զեկույց է ներկայացնում ԱԺ` իր ծրագրի կատարման ընթացքի և արդյունքների մասին, և հետևաբար այդ ծրագրի ընթացքն ու արդյունքները չափելու համար ծրագիրը պետք է լիներ չափելի»,- ասաց Թանդիլյանը` շեշտելով, որ ծրագրում ներկայացված տնտեսական աճի 5 տոկոս ցուցանիշը ներկայացված որպես է 5 տարվա միջին ցուցանիշ, ինչը նշանակում է, որ անգամ եթե որևէ տարի տնտեսական աճը 0-ական կլինի, կառավարությունը կարող է պատճառաբանել, որ հաջորդ տարիներին այն կլինի 5 տոկոսից ավելի ու 5 տարվա ընթացքում կապահովվի միջինը 5 տոկոս թիրախային աճը:
Նույն խնդիրը, ըստ Թանդիլյանի, առկա է նաև ծայրահեղ աղքատությունը վերացնելու դրույթում:
«Ծայրահեղ աղքատ չի լինելու, դառնալու է ի՞նչ: Աղքա՞տ: Այսինքն` 25.7 տոկոս աղքատությունը պահպանվելու է, թե՞ նվազելու է»,- ասաց Թանդիլյանը` հռետորական հարցերն ուղղելով դահլիճում ներկա վարչապետ Նիկոլ Փաշինյանին:
ԼՀԿ պատգամավորը հիշեցրեց, որ ծրագրում ոչ մի խոսք չկա նաև պետական պարտքի կառավարման մասին: Թանդիլյանը ծրագիրը որակեց որպես վարչապետի ուղերձ կառավարությանը, բայց ոչ կառավարության գործունեության ծրագիր:
ԱԺ-ն արդեն երրորդ օրն է` քննարկում է ՀՀ կառավարության գործունեության 5-ամյա ծրագիրը: Այսօր պատգամավորները հանդես են գալիս ծրագրի շուրջ իրենց ելույթներով: Նախորդ երկու օրերին ՀՀ վարչապետ Նիկոլ Փաշինյանը ներկայացրել է ծրագիրն ու պատասխանել պատգամավորների հարցերին: Ելույթների ավարտից հետո վարչապետը հանդես կգա նաև եզրափակիչ ելույթով, որից հետո ծրագիրը կդրվի քվեարկության: Հիշեցնենք` կառավարության գործունեության ծրագիրը գործադիրը հաստատել էր փետրվարի 8-ի նիստում և ուղարկել խորհրդարան` վերջնական ընդունման:
ՀՀ նախագահը մի շարք զինծառայողների հետմահու պարգևատրելու հրամանագիր է ստորագրել
(Թարմացված է 23:35 04.03.2021)
Նրանք հետմահու պարգևատրվել են մարտական գործողությունների ընթացքում ցուցաբերած խիզախության և անմնացորդ նվիրումի համար։ ՀՀ նախագահը հրամանագիրը ստորագրել է` հիմք ընդունելով Նիկոլ Փաշինյանի միջնորդությունը։ԵՐԵՎԱՆ, 4 մարտի - Sputnik. ՀՀ նախագահ Արմեն Սարգսյանը, հիմք ընդունելով ՀՀ վարչապետ Նիկոլ Փաշինյանի միջնորդությունը, մի շարք զինծառայողների հետմահու պարգևատրելու հրամանագիր է ստորագրել։
Աղջկա հետ առևտուր եմ անում, բոլորը զարմացած նայում են. Արտյոմի կյանքն ամպուտացիայից հետո
Հայրենիքի պաշտպանության գործում ներդրած ավանդի, մարտական գործողությունների ընթացքում ցուցաբերած խիզախության և անմնացորդ նվիրումի համար Հայաստանի Հանրապետության պաշտպանության նախարարության ներքոհիշյալ զինծառայողները հետմահու պարգևատրվել են.
Քիմիական զենքն Արցախում․ ինչի՞ մասին են վկայում հայ զինվորների այրվածքները
«Մարտական խաչ» 1-ին աստիճանի շքանշանով՝
Նարեկ սարկավագ Պետրոսյան` Հայաստանի Հանրապետության զինված ուժերի հոգևոր առաջնորդության առաջնորդի օգնական։
«Դոբրին». զոհված Վարուժան Մատոսյանն ուզում էր 100 տարի ապրել և Արարատը բարձրանալ
Արիության մեդալով՝
Խաչիկ Լևոնի Ավետիսյան` թիվ N զորամասի գումարտակի հրամանատարի տեղակալ, մայոր,
Սևակ Վարդանի Օհանյան` թիվ N զորամասի վաշտի հրամանատար, կապիտան,
Մնացական Գեղամի Խաչատրյան` թիվ 70179 զորամասի դասակի հրամանատար, ավագ լեյտենանտ,
Գևորգ Եղիշեի Մանուկյան` թիվ 60925 զորամասի ժամկետային պարտադիր զինծառայող, շարքային,
Գնել Աբելի Պետրոսյան` թիվ N զորամասի ժամկետային պարտադիր զինծառայող, շարքային։
«Չեմ կարող վախկոտի պես ապրել». Վահեն իր վերջին վիրավորին կուրանալուց փրկեց, ինքը զոհվեց
Մարտական ծառայության մեդալով՝
Ռուդոլֆ Յուրիկի Դոխոյան` թիվ N զորամասի բաժանմունքի պետ, փոխգնդապետ,
Կարեն Հրահատի Հակոբյան` թիվ N զորամասի դիվիզիոնի հրամանատար, փոխգնդապետ,
Ռաֆայել Հովհաննեսի Վասիլյան` թիվ N զորամասի զորատեսակի պետ, մայոր,
Խորեն Հրանտի Ալեքսանյան` թիվ N զորամասի գումարտակի հրամանատարի տեղակալ, մայոր,
Ռուբեն Աշոտի Պրազյան` թիվ N զորամասի վաշտի հրամանատար, կապիտան,
Արարատ Կապլոյի Ծատուրյան` թիվ N զորամասի ջոկի սանհրահանգիչ, ենթասպա,
Արամիկ Կամոյի Դանիելյան` թիվ N զորամասի ջոկի հրամանատար, ենթասպա,
Արթուր Արայիկի Առաքելյան` թիվ N զորամասի բուժակ, ենթասպա,
Նարեկ Յուրիկի Ելուղյան` թիվ N զորամասի պայմանագրային զինծառայող, սերժանտ,
Տիգրան Արթուրի Խաչատրյան` թիվ N զորամասի պայմանագրային զինծառայող, սերժանտ,
Հարություն Կառլենի Հարությունյան` թիվ N զորամասի պայմանագրային զինծառայող, կրտսեր սերժանտ,
Մելիք Ռոբերտի Աթոյան` թիվ N զորամասի պայմանագրային զինծառայող, կրտսեր սերժանտ,
Վահագն Վանիկի Աֆրիկյան` թիվ N զորամասի պայմանագրային զինծառայող, կրտսեր սերժանտ,
Արա Յուրիկի Ափյան` թիվ N զորամասի պայմանագրային զինծառայող, շարքային,
Իգոր Համլետի Մանուկյան` թիվ N զորամասի պայմանագրային զինծառայող, շարքային,
Դավիթ Աշոտի Գևորգյան` թիվ N զորամասի պայմանագրային զինծառայող, շարքային,
Գարիկ Վաչագանի Բեգլարյան` թիվ N զորամասի պայմանագրային զինծառայող, շարքային,
Վահե Վաչիկի Գասպարյան` թիվ N զորամասի պայմանագրային զինծառայող, շարքային,
Ավագ Գևորգի Ռևազյան` թիվ N զորամասի պայմանագրային զինծառայող, շարքային,
Լևոն Գագիկի Եղիազարյան` թիվ N զորամասի պայմանագրային զինծառայող, շարքային,
Տիգրան Վահանի Զաքարյան` թիվ N զորամասի պայմանագրային զինծառայող, շարքային,
Սերգեյ Պավելի Բալբաբյան` թիվ N զորամասի պայմանագրային զինծառայող, շարքային,
Գոռ Արտուշի Իսախանյան` թիվ 95532 զորամասի պայմանագրային զինծառայող, շարքային,
Հայկ Մկրտչի Մկրտչյան` թիվ N զորամասի ժամկետային պարտադիր զինծառայող, շարքային,
Գոռ Վարդանի Երմալովյան` թիվ N զորամասի ժամկետային պարտադիր զինծառայող, շարքային,
Իսրայել Գագիկի Ակինյան` թիվ N զորամասի ժամկետային պարտադիր զինծառայող, շարքային,
Ավետիս Հակոբի Վարդանյան` թիվ N զորամասի ժամկետային պարտադիր զինծառայող, շարքային,
Վաղարշակ Հրաչիկի Բաղդասարյան` թիվ N զորամասի ժամկետային պարտադիր զինծառայող, շարքային,
Մորիս Գագիկի Խումարյան` թիվ N զորամասի ժամկետային պարտադիր զինծառայող, շարքային,
Գրիգոր Արայիկի Հովսեփյան` թիվ N զորամասի ժամկետային պարտադիր զինծառայող, շարքային,
Հարություն Ալիկի Պապեյան` թիվ N զորամասի ժամկետային պարտադիր զինծառայող, շարքային,
Արման Արշակի Մանուչարյան` թիվ N զորամասի ժամկետային պարտադիր զինծառայող, շարքային,
Գառնիկ Մանուկի Խաչատրյան` թիվ N զորամասի ժամկետային պարտադիր զինծառայող, շարքային,
Գարիկ Վալենտինի Մարգարյան` թիվ N զորամասի ժամկետային պարտադիր զինծառայող, շարքային,
Ռոբերտ Արտաշեսի Անանյան` թիվ N զորամասի ժամկետային պարտադիր զինծառայող, շարքային,
Հովհաննես Սմբատի Հովհաննիսյան` թիվ N զորամասի ժամկետային պարտադիր զինծառայող, շարքային,
Գևորգ Մնացականի Մնացականյան` թիվ N զորամասի ժամկետային պարտադիր զինծառայող, շարքային,
Արտյոմ Սարգսի Քոլանջյան` թիվ N զորամասի զինծառայող, ավագ սերժանտ,
Ռուբեն Ռաֆայելի Կիրակոսյան` թիվ N զորամասի զինծառայող, շարքային,
Համլետ Վլադիկի Աբրահամյան` թիվ N զորամասի զինծառայող, շարքային:
Հիշեցնենք` արդախյան վերջին պատերազմի զոհերի վերջնական թիվը մինչև այսօր հայտնի չէ։ Փետրվարի 18-ին ՀՀ գլխավոր դատախազությունը հայտնել էր, որ նույնականացվել է 3389 զինծառայողի մարմին։
թեգերը:
«Իմ կյանքի իմաստ». Միհրան Ծառուկյանը հրապարակել է 8 ամսական դարձած որդու լուսանկարը
(Թարմացված է 22:43 04.03.2021)
Երջանիկ հայրիկը գրկել է որդուն ու լուսանկարվել։ Օգտատերերը բազմաթիվ դրական մեկնաբանություններ են գրել։ԵՐԵՎԱՆ, 4 մարտի - Sputnik. Երգիչ, դերասան Միհրան Ծառուկյանն Instagram-ում հրապարակել է իր և դերասանուհի Արփի Գաբրիելյանի որդու` Ռոբերտի լուսանկարը:
«Իմ տղա, իմ կյանքի իմաստ, 8 ամսական Ռոբերտ Ծառուկյան»,–գրել է երգիչը։
Посмотреть эту публикацию в Instagram
Միհրանի էջի հետևորդներին շատ է դուր եկել լուսանկարը։ Նրանք բազմաթիվ դրական մեկնաբանություններ են գրել. «Հրաշք եք։ Ինչ լավն եք։ Շատ սիրուն բալիկ է, Աստված պահապան»։
Հիշեցնենք՝ երգիչ, դերասան Միհրան Ծառուկյանն ու դերասանուհի Արփի Գաբրիելյանն ամուսնացան 2019 թվականի դեկտեմբերի 14-ին: Հարսանիքին ներկա էին միայն զույգի մտերիմները։ 2020թ–ի հուլիսին լույս աշխարհ եկավ նրանց առաջնեկը։
Պուգաչովան անցել է Անջելինա Ջոլիին. ովքեր են իսկական կանայք` ըստ ռուսաստանցիների
(Թարմացված է 23:49 04.03.2021)
Հանրային կարծիքի ուսումնասիրման համառուսական կենտրոնի հետազոտությունը նվիրված է մարտի 8-ի Կանանց միջազգային օրվան:
ԵՐԵՎԱՆ, 4 մարտի - Sputnik. Ռուսաստանցիներն իսկական կին են համարում Ալլա Պուգաչովային, Սոֆյա Ռոտարուին և Վալենտինա Մատվիենկոյին: Այսպիսին են ՀԿՈւՀԿ–ի (Հանրային կարծիքի ուսումնասիրման համառուսական կենտրոն)` Կանանց միջազգային օրվան՝ Մարտի 8-ին նվիրված հարցման արդյունքները։
ՀԿՈւՀԿ–ի տվյալներով՝ հարցվածների 6 տոկոսը իսկական կին է անվանել Պուգաչովային, 3 տոկոսը՝ Ռոտարուին, ևս 3 տոկոսը՝ Մատվիենկոյին:
©
Sputnik / Екатерина Чеснокова
Բացի նրանցից, ռուսաստանցիներն իսկական կանանց ցուցակում են ներառել Իրինա Խակամադային (2%), Վալերիային (2%), Ալիսա Ֆրեյնդլիխին (2%), Չուլպան Խամատովային (2%) և Անջելինա Ջոլիին (1%):
«ՀԿՈւՀԿ- Sputnik» համառուսաստանյան նախաձեռնողական հարցումն անցկացվել է փետրվարի 14-ին, մարտի 2-3-ին 18-ից բարձր տարիքի 1600 ռուսաստանցիների շրջանում: Հարցումն անցկացվել է հեռախոսով։
Կանանց միջազգային օրն ամեն տարի նշվում է մարտի 8-ին։ Առաջին անգամ տոնի անցկացման գաղափարը ծագել է 20-րդ դարի սկզբին։ Կանանց միջազգային օրը նշվում են կանանց ձեռքբերումները՝ անկախ ազգային կամ էթնիկ, լեզվական, մշակութային, տնտեսական և քաղաքական պատկանելություններից։