Շիրակի մարզի ընդհանուր իրավասության դատարան

Ռուս զինծառայողին ռազմակայանից ՀՀ ՔԿՀ տեղափոխելու բողոքի քննությունը մեկ ամսով հետաձգվեց

119
Ջուլիետա Ղուկասյանի իրավահաջորդները պնդում են, որ կնոջ մահվան մեջ մեղադրվող ռուս զինծառայողին պետք է ռուսական ռազմակայանից տեղափոխել ՔԿՀ։

ԵՐԵՎԱՆ, 12 փետրվարի – Sputnik, Արմենուհի Մխոյան. Շիրակի մարզի ընդհանուր իրավասության դատարանն այսօր` փետրվարի 12-ին, մեկ ամսով հետաձգեց Գյումրիում մահացած Ջուլիետա Ղուկասյանի իրավահաջորդի փաստաբանների բողոքի քննումը:

Նիստին ներկա էին դատախազ Վահե Միրզոյանը և տուժողի իրավահաջորդի ներկայացուցիչ Արայիկ Զալյանը, նիստը նախագաhում էր դատավոր Վահե Միսակյանը:

Ղուկասյանի իրավահաջորդները մինչդատավարական վարույթ էին ներկայացրել կնոջը ծեծելով մահվան հասցնելու մեջ մեղադրվող ռուս զինծառայող Անդրեյ Ռազգիլդեևին ռուսական ռազմակայանից ՔԿՀ տեղափոխելու հարցը:

Դատական նիստի մեկնարկին դատարանը որոշեց, որ նիստը դռնփակ անցկացնելու հիմքեր չկան, սակայն Շիրակի մարզի ընդհանուր իրավասության դատարանի դատավոր Վահե Միսակյանը հետաձգեց բողոքի քննությունը` հաշվի առնելով այն հանգամանքը, որ քննչական վարչությունը բողոքի վերաբերյալ նյութեր չէր ներկայացրել: Հաջորդ նիստը նշանակվեց մարտի 15-ին:

Վարույթն իրականացնող մարմինը 2018թ. դեկտեմբերի 29-ի որոշմամբ ամբողջությամբ մերժել էր Ռազգիլդեևինին ռուսական ռազմակայանի տարածքից ՀՀ քրեակատարողական հիմնարկ տեղափոխելու՝ տուժող կողմի միջնորդությունը:

ՀՀ ՔԿ Շիրակի մարզային քննչական վարչության պետի տեղակալի պաշտոնակատար Վ. Սամվելյանը միջնորդությունը մերժելու մասին որոշման մեջ նշում է, որ ձերբակալումից հետո Ռազգիլդևային ռուսական ռազմակայանից ՀՀ համապատասխան հիմնարկ տեղափոխելը հակասում է ՌԴ օրենսդրությանը:

Տուժողի իրավահաջորդի ներկայացուցիչները 2019թ. հունվարի 17-ին ՀՀ Շիրակի մարզի դատախազ Կարեն Գաբրիելյանին բողոքարկել էին միջնորդությունը մերժելու՝ վարույթն իրականացնող մարմնի 2018թ. դեկտեմբերի 29-ի որոշումը: Նրանք նշել էին, որ Ռազգիլդեևինին ՀՀ համապատասխան քրեակատարողական հիմնարկ տեղափոխելու դեպքում միայն հնարավոր կլինի պնդել ՀՀ Քրեական դատավարության օրենսգրքի 17-րդ հոդվածով սահմանված լրիվ, օբյեկտիվ և բազմակողմանի քննության մասին:

«Այս գործը քննելիս պետք է առաջնորդվել ՀՀ օրենսդրությամբ, և չեմ ընդունում պատճառաբանությունը, որ Ռազգիլդևաևին ռուսական ռազմակայանից ՀՀ համապատասխան հիմնարկ տեղափոխելը հակասում է ՌԴ օրենսդրությանը: Կարծում եմ` նման մերժումն անհիմն է: հանցագործությունը տեղի է ունեցել Հայաստանի Հանրապետության տարածքում ՝ Գյումրի քաղաքում, ոչ թե ռազմակայանի տարածքում, և դեպքը տեղի է ունեցել Գյումրի քաղաքի բնակչի հանդեպ»,- լրագրողների հետ ունեցած ճեպազրույցի ժամանակ նշեց Արայիկ Զալյանը` տեղեկացնելով, որ դեռևս նախաքննությունը չի ավարտվել, քրեական գործի նյութերն էլ չեն փոխանցվել տուժողի իրավահաջորդներին:

Араик Залян
© Sputnik / Armenuhi Mkhoyan
Արայիկ Զալյան

Դեկտեմբերի 2-ին Գյումրիում մահացել էր 57–ամյա Ջուլիետա Ղուկասյանը։ Սպանության կասկածանքով կալանավորվել է Գյումրիում տեղակայված ռուսական 102-րդ ռազմակայանի զինծառայող Անդրեյ Ռազգիլդեևը։

Դեկտեմբերի 11-ին տվյալ պահին 102-րդ ռուսական ռազմական բազայի տարածքում ծառայության մեջ գտնվող Ռազգիլդեևը ձերբակալվել է վարույթ իրականացնող ՀՀ քննչական կոմիտեի քննիչի և ՌԴ իրավասու մարմնի ներկայացուցչի կողմից համատեղ՝ «Հայաստանի Հանրապետության և Ռուսաստանի Դաշնության միջև Հայաստանի Հանրապետության տարածքում ռուսական ռազմական բազայի գտնվելու հետ կապված գործերով իրավասության և փոխադարձ իրավական օգնության հարցերի վերաբերյալ համաձայնագրի» 8-րդ հոդվածով սահմանված կարգով:

Այդ հոդվածով սահմանվում է. «ՀՀ իրավասու մարմինների կողմից ՀՀ իրավասությանը վերաբերվող գործերով ռուսական ռազմական բազայի տարածքում դատավարական, օպերատիվ հետախուզական, քննչական կամ այլ գործողություններ իրականացնելու անհրաժեշտության դեպքում, նշված գործողությունները կատարվում են ՀՀ իրավասու մարմինների կողմից ՌԴ իրավասու մարմինների հետ համատեղ կամ ՀՀ իրավասու մարմինների գրավոր միջնորդությամբ՝ ՌԴ իրավասու մարմինների կողմից, եթե դրանց կատարումը չի հակասում ՌԴ օրենսդրությանը»:

Զինծառայողին մեղադրանք է առաջադրվել ՀՀ քրեական օրենսգրքի 112-րդ հոդվածի 2-րդ մասի 14-րդ կետով (Դիտավորությամբ առողջությանը ծանր վնաս պատճառելը` անզգուշությամբ առաջացնելով տուժողի մահ): Դեկտեմբերի 12-ին ՀՀ Շիրակի մարզի ընդհանուր իրավասության դատարանի որոշմամբ` նրա նկատմամբ որպես խափանման միջոց է կիրառվել կալանավորումը:

119
Մայքլ Ավետիքյան

Հուսով եմ՝ Փաշինյանը կիմանա. կանադահայը ուզում է նախագիծ սկսել ՀՀ–ում, բայց չի կարողանում

141
(Թարմացված է 00:10 09.08.2020)
Կանադահայը հինգ ամիս շարունակ բնակչության ամենաաղքատ շերտերին սննդով ապահովելու բարեգործական նախագիծ է առաջարկում իշխանություններին։

Sputnik Արմենիա գործակալությանն է դիմել սփյուռքահայ Մայքլ Ավետիքյանը, որն արդեն մի քանի ամիս է` կարիքավորների համար հիմնադրամի ստեղծման նախագիծ է առաջարկում իշխանությանը։ Չնայած նախագծի բարձր գնահատականին՝ այն շարունակում են անտեսել։

Ավետիքյանը կանադահայ է, կովբոյական հրաձգության մեջ (հրաձգային սպորտի տեսակ․ խմբ) լավագույններից մեկը աշխարհում։ Հանդես է գալիս Կանադայի անունից, բայց միշտ իր մոտ է պահում հայկական եռագույնը։ 2013-2014 թվականին նույնիսկ աշխարհի չեմպիոն է դարձել։

Բացի այդ, նաև բարեգործությամբ է զբաղվում։ Վերջին 17 տարիների ընթացքում Ավետիքյանը մշտապես ընդգրկված է տարբեր նախագծերում, հիմնադրամներում, մարաթոններ է կազմակերպում։

Մարտին Մայքլը կնոջ հետ Հայաստան է եկել՝ ազգականներին այցելելու, բայց համավարակի պատճառով մնացել է այստեղ ու որոշել է ժամանակ չվատնել։

«Առաջին անգամ այսքան երկար մնալով Հայաստանում` վերլուծեցի երկրում տիրող իրավիճակն ու հասկացա, որ կարելի է օգնել բնակչությանը, որը, ցավոք, աղքատության շեմին է գտնվում։ Ելնելով իմ հարուստ փորձից՝ ցանկացա օգտակար լինել պետությանն ու կառավարությանը և «Սննդի հայկական բանկ» (Armenian Food Bank) անվճար ուտելիք բաժանելու ծրագիր իրականացնել», - Sputnik Արմենիային ասաց Ավետիքյանը։

Այդ հիմնադրամը, որը պետք է ստեղծվի պետության, հովանավորների ու սովորական մարդկանց աջակցությամբ, թույլ կտա ամեն ամիս սննդով ապահովել որոշակի մարդկանց։ Նրա խոսքով՝ ԱՄՆ-ում ու Եվրոպայում 1960 թվականից է նման համակարգ գործում։

«Ես հեծանիվ չեմ հնարել, բայց ուզում եմ, որ այն հայկական դրոշի ներքո երթևեկի։ Բաժանմունքները կբացվեն մեր երկրի հինգ քաղաքներում և կսպասարկեն նաև մոտակա բնակավայրերը», - ասաց Ավետիքյանը։

Ընդ որում՝ եթե սկզբնական փուլում նախագիծն իրականացվելու է աշխարհում նման ծրագրերով տոննաներով մթերք բաժանող ՄԱԿ-ի Պարենի համաշխարհային ծրագրի (WFP) աջակցությամբ ու կառավարության միջոցներով, ապա հետո բյուջեի բեռնվածությունը կնվազի կամ կվերանա։

Ավետիքյանի խոսքով՝ հասարակ սփյուռքահայերը պատրաստ են գումար տրամադրել նման նախագծի համար։ Արևմտյան երկրների բնակիչների համար դա սովորական պրակտիկա է։ Բացի այդ, եթե նախագիծը բյուջեի հաշվին է մեկնարկելու, ապա 6-8 ամիս անց հովանավորների ու արտասահմանյան ֆինանսավորման հաշվին լիովին ինքնապահովվելու է:

Ավելին, նրա կարծիքով, Հայաստանի խոշոր ընկերություններ էլ կաջակցեն նախաձեռնությանը, քանի որ այդ դեպքում հարկային արտոնություններ կստանան։

Ցավոք, Ավետիսյանի խոսքով, իշխանությունը չի ողջունել իր առաջարկությունը։ Նրան ուղարկել են մի ատյանից մյուսը, այդ թվում՝ չգիտես ինչու, նաև Արարատի մարզպետարան։

Ի վերջո նրան ընդունել են ՀՀ աշխատանքի և սոցիալական հարցերի նախարարությունում։ Պարզվել է, որ նման նախագիծ պետք է մեկնարկեր դեռ 2019 թվականի հունիսին՝ նախարար Զարուհի Բաթոյանի հրամանով։ Գերատեսչությունում ասել են, որ վարչապետն արդեն վաղուց «կանաչ լույս» է տվել այդ նախագծին։

«Պարզվեց` իմ առաջարկած ծրագիրը շատ նման է այն նախագծին, որը պետք է դեռ մեկ տարի առաջ ստեղծած լինեին։ Բայց, ցավոք, դա ոչ ոք չի արել։ Ու այստեղ տեղի ունեցավ հինգ ամսվա ընթացքում ամենատհաճ անակնկալը։ Մարդիկ հասկացան, որ կա մի մարդ, որը կարող է օգնել, կարող է ստեղծել ու աշխատեցնել ու, միևնույնն է, անտեսեցին ինձ», - ասաց Ավետիքյանը։

Աշխատանքի և սոցիալական հարցերի նախարարությունում նա նախագիծը քննարկել է փոխնախարար Ռուբեն Սարգսյանի ու այդ ծրագրի մեկնարկի համար պատասխանատու պաշտոնյայի հետ, ներկայացրել է ֆինանսական մասի, լոգիստիկայի մանրամասներն ու բիզնես պլանը։

Ավետիքյանի խոսքով՝ ինքն ուղղել է նախարարության ծրագրի սխալներն ու իր ծրագիրը ինտեգրել իշխանության ծրագրին։

«Ես արեցի այն ամենը, ինչը նրանք մեկ տարվա մեջ չեն արել, այդ թվում՝ լոգոն։ Նույնիսկ Փաշինյանի խոսքն եմ գրել։ Նրանք ամեն ինչ վերցրին ինձանից ու ասացին, որ մի երկու օրից կսկսեն աշխատել ինձ հետ։ Մեկ ամիս է անցել, այդ ընթացքում ես կարող էի 5 գրասենյակ բացել ամբողջ երկրում, բայց ոչ ոք չի զանգել»,– նշեց Ավետիքյանը։

Նա դիմել է նաև ՀՀ նախագահի աշխատակազմին, խոստացել են աջակցել ծրագրի մեկնարկից հետո։

Այդ նախագիծը ենթադրում է պարենային պաշարի ստեղծում, այդ պատճառով ռազմավարական կարևորություն ունի։ Ավետիքյանը վստահ է, որ համավարակի պայմաններում այն պետք է հնարավորինս արագ աշխատեցնել։

«Հուսով եմ՝ Նիկոլ Փաշինյանը կիմանա դրա մասին, ու ամեն ինչ կաշխատի։ Հակառակ դեպքում կստացվի, որ բոլորին ամեն ինչ դուր է գալիս, բայց ոչ ոք ոչինչ չի ուզում անել։ Նման անփութությունն անթույլատրելի է», - ասաց Ավետիքյանը։

Sputnik Արմենիան կապ հաստատեց ՀՀ աշխատանքի և սոցիալական հարցերի նախարարի առաջին տեղակալ Ռուբեն Սարգսյանի հետ, որը հաստատեց Ավետիքյանի հետ հանդիպելու փաստը։ Սարգսյանը նշեց, որ նախարարությունը կարևորում է նրա փորձն ու մոտեցումները։

«Մենք հանդիպեցինք, խոսեցինք, քննարկեցինք։ Պայմանավորվեցինք, որ երկու օրից կապ կհաստատենք նրա հետ։ Իմ օգնականը երկու անգամ փորձել է կապ հաստատել նրա հետ, պետք է ևս մեկ անգամ փորձի», - ասաց փոխնախարարը։

Նրա խոսքով՝ որոշ քայլեր արդեն ձեռնարկվել են։ Նման գաղափար արդեն եղել է, սակայն հաշվի առնելով Ավետիքյանի մեծ փորձը` նրա կարծիքը շատ կարևոր է։

Փոխնախարարը չկարողացավ ներկայացնել ծրագրի ընթացքի մանրամասները` նշելով, որ իր ղեկավարման ոլորտը փոխվել է։ Սակայն հավելեց, որ նախագիծը առաջնայիններից մեկն է եղել։

Ավետիքյանն էլ Sputnik Արմենիային հայտնեց, որ բոլոր կոնտակտները թողել է (հեռախոսահամար, էլեկտրոնային փոստ) նախարարությունում։ Ավելին՝ նրանք փոխնախարարի հետ ընկերներ են Facebook-ում, այդ պատճառով, ըստ նրա, այդ արդարացումը անհեթեթ է թվում։

Ավետիքյանի խոսքով՝ գործն առաջ կգնա, եթե դրա մասին իմանա վարչապետ Նիկոլ Փաշինյանը։ Կանադահայը կշարունակի փորձեր ձեռնարկել վարչապետի հետ հանդիպելու համար։

141
թեգերը:
սփյուռքահայ, Հայաստան
Ըստ թեմայի
Դժվար է, բայց հնարավոր. ինչպես հայ ամուսինները կարողացան չկորցնել մոսկովյան բիզնեսը
«Մենք մի քայլ առաջ կլինենք»․ հայուհիների նրբաճաշակ բիզնեսը սահմանամերձ Նոյեմբերյանում
Շունչ քաշեցի՞ր, գնացինք առաջ. ի՞նչ է առաջարկել ՀՀ իշխանությունը բիզնեսի զարգացման համար
Հայաստանից Լիբանան ուղևորվեց մարդասիրական օգնություն տանող առաջին ինքնաթիռը

Հայաստանից Լիբանան ուղևորվեց մարդասիրական օգնություն տանող առաջին ինքնաթիռը. տեսանյութ

112
(Թարմացված է 22:44 08.08.2020)
Սփյուռքի հարցերով գլխավոր հանձնակատար Զարեհ Սինանյանը լրագրողներին հայտնեց, թե ինչ է ուղարկվում առաջին ինքնաթիռով։

ԵՐԵՎԱՆ, 8 օգոստոսի – Sputnik. Հայաստանից Բեյրութ ուղարկվող մարդասիրական 3 ինքնաթիռներից առաջինը, որ քիչ առաջ Երևանի օդանավակայանից ուղղություն վերցրեց դեպի Բեյրութ, տանում է բացառապես դեղորայք ու բժշկական ապրանքներ: Այս մասին օդանավակայանում լրագրողների հետ զրույցում ասաց Սփյուռքի հարցերով գլխավոր հանձնակատար Զարեհ Սինանյանը:

  • Հայաստանից Լիբանան ուղևորվեց մարդասիրական օգնություն տանող առաջին ինքնաթիռը
    Հայաստանից Լիբանան ուղևորվեց մարդասիրական օգնություն տանող առաջին ինքնաթիռը
    © Sputnik / Asatur Yesayants.
  • Հայաստանից Լիբանան ուղևորվեց մարդասիրական օգնություն տանող առաջին ինքնաթիռը
    Հայաստանից Լիբանան ուղևորվեց մարդասիրական օգնություն տանող առաջին ինքնաթիռը
    © Sputnik / Asatur Yesayants.
  • Հայաստանից Լիբանան ուղևորվեց մարդասիրական օգնություն տանող առաջին ինքնաթիռը
    Հայաստանից Լիբանան ուղևորվեց մարդասիրական օգնություն տանող առաջին ինքնաթիռը
    © Sputnik / Asatur Yesayants.
  • Հայաստանից Լիբանան ուղևորվեց մարդասիրական օգնություն տանող առաջին ինքնաթիռը
    Հայաստանից Լիբանան ուղևորվեց մարդասիրական օգնություն տանող առաջին ինքնաթիռը
    © Sputnik / Petros Lagesyan
1 / 4
© Sputnik / Asatur Yesayants.
Հայաստանից Լիբանան ուղևորվեց մարդասիրական օգնություն տանող առաջին ինքնաթիռը

«Սա այն է, ինչ մեզանից ուզել է Լիբանանի կառավարությունը,- ասաց նա,- մենք շատ նրբանկատ գտնվելով, հենց մեր համայնքի շահերից ելնելով՝ բեռը տանում ենք հենց Լիբանանի ժողովրդի, Լիբանանի պետության համար, որպեսզի հարց չծագի, թե ինչու են առանձին մոտեցում ցույց տալիս առանձին հայ համայնքին և ոչ թե Լիբանանին»:

Սինանյանը նաև տեղեկացրեց, որ Բեյրութ ուղևորվող երկրորդ և երրորդ ինքնաթիռներում արդեն կլինի առանձին հայ համայնքի համար նախատեսված օգնություն՝ գույք, պարենամթերք՝ այն, ինչ Հայաստանից խնդրել է լիբանանահայ համայնքը:

Երկրորդ ինքնաթիռը Լիբանան կուղևորվի օգոստոսի 9-ին, երրորդը՝ օգոստոսի 11-ին:

«Շատ կարևոր ենք համարում, որ լիբանանյան ժողովուրդը հասկանա, թե մենք որքան ենք գնահատում այն կարևոր դերը, որ նրանք ունեցել են մեր հայրենակիցների համար՝ Հայոց ցեղասպանությունից հետո թույլատրելով բնակություն հաստատել ու բարգավաճել այնտեղ»,- ասաց Սինանյանը:

Հիշեցնենք` օգոստոսի 4-ին Բեյրութի նավահանգստի շրջանում հզոր պայթյուն է որոտացել ամոնիումի նիտրատի պատճառով։ Լիբանանի վարչապետ Հասան Դիաբը խոստովանել է, որ նյութը պատշաճ ձևով չի պահվել։ 

Լիբանանի նախագահ Միշել Աունը հրաժարվել է միջազգային հետաքննությունից։ Հայտնի է, որ Բեյրութի նավահանգստի ու մաքսատան աշխատակազմից մոտ քսան մարդ է հարցաքննվել, այդ թվում՝ ղեկավարները։ Սարսափելի պայթյունից 13 հայ է մահացել, հայտնի է 11–ի ինքնությունը։

Պայթյունի զոհ է դարձել ընդհանուր առմամբ 154 մարդ, նրանից 25-ի ինքնությունը դեռ չի պարզվել։ Եվս 60 անհետ կորած կա։ Տուժել է ավելի քան 5000 մարդ։

ՀՀ կառավարությունը պատրաստ է վերականգնել Բեյրութում ավերված շինություններից մի քանիսը

112
թեգերը:
Բեյրութ, Լիբանան, Հայաստան
Ըստ թեմայի
Բեյրութում պայթած քիմիական նյութը քաղցկեղածին չէ. ո՞ր դեպքում այն կարող է վտանգավոր լինել
Մոմավառություն Երևանում՝ ի հիշատակ Բեյրութում տեղի ունեցած պայթյունի զոհերի
Գրիգոր Ջաբոթյանի նորաձևության տունը Բեյրութի պայթյունի հետևանքով փլատակների է վերածվել
«Օգնի՛ր մեզ». ինչպես են Մակրոնին դիմավորել Բեյրութում
Նժդեհ Հովսեփյան

Ինչ խնդիր է լուծում ՀՀ իշխանությունը` արտակարգ դրությունը երկարաձգելով

0
(Թարմացված է 23:53 08.08.2020)
«Օրբելի» կենտրոնի վերլուծաբան Նժդեհ Հովսեփյանը Sputnik Արմենիայի եթերում անդրադարձել է Հայաստանում համավարակով պայմանավորված արտակարգ դրության ռեժիմի հերթական անգամ երկարաձգելուն և այն հանգամանքին, որ մեղմացվելու են մի շարք արգելքներ։
Հովսեփյան. «Հավաքների սահմանափակումն ընդամենը միտված էր վարակի տարածումը կանխելուն»

Նժդեհ Հովսեփյանի դիտարկմամբ` նախ պետք է հաշվի առնել` արդյո՞ք արտակարգ ռեժիմի անցնելու որոշում կայացնելիս իշխանությունը մտքում ուներ հենց հավաքների ազատության իրավունքի սահմանափակումը։ Ըստ նրա` ակնհայտ է, որ հայտնի շրջանակները, որոնք իշխանության նկատմամբ վերահսկողություն ստանալու խնդիր ունեն, միշտ այդ հարցը շահարկում էին, բայց միևնույն ժամանակ շատ լավ գիտեին, որ զանգվածային միջոցառումներ անցկացնելու պոտենցիալ անգամ չունեն, հետևաբար արտակարգ դրության ռեժիմի վերաբերյալ նրանց հայտարարությունները կրում էին ընդամենը սադրիչ քաղաքական շահարկումների բնույթ։

«Սահմանափակումների թուլացման հետ կապված որոշումը գալիս է փաստելու, որ արտակարգ դրության ռեժիմն ի սկզբանե չի սահմանվել լոկ հավաքների ազատության ռեժիմ դարձնելու համար։ Այդ սահմանափակումն ընդամենը միտված էր վարակի տարածումը կանխարգելելուն»,– նշում է վերլուծաբանը։

Հովսեփյանի համոզմամբ` արտակարգ դրության ռեժիմի պահպանման հիմնական խնդիրն իշխանությանն արտակարգ լիազորություններ թողնելն է, որովհետև ցանկացած պահի կարող ենք ունենալ համավարակի տարօրինակ բռնկում, հետևաբար իշխանությունը նման իրավիճակում պետք է օժտված լինի արտակարգ լիազորություններով, որպեսզի արագ արձագանքի և համապատասխան գործիքակազմը ներդնի ու կիրառի։

Վերլուծաբանի կարծիքով` սահմանափակումների մեղմացումը պայմանավորված է վերջին երկու շաբաթվա կտրվածքով հավամարակի տարածման տեմպերի զգալի թուլացմամբ, ինչպես նաև այն հանգամանքով, որ բողոքավոր զանգվածներին հնարավորություն տրվի իրենց բողոքն արտահայտել ավելի ազատ կերպով, քան նախկինում։

Կես տարվա արտակարգ կյանք Հայաստանում. դրությունը պահպանվում է, փոխվում են կանոնները

Հիշեցնենք` մարտի 16–ից Հայաստանում արտակարգ դրություն է, որն արդեն մի քանի անգամ երկարաձգվել է։ Երկարաձգված արտակարգ դրության պայմանները որոշակի փոփոխությունների են ենթարկվել։ Տնտեսական շատ գործունեություններ թույլատրվել են, բայց սահմանվել են պարտադիր պահանջներ։

Մայիսի 18–ից Հայաստանում աշխատում է նաև հասարակական տրանսպորտը, բայց ուղևորներն ու վարորդները պետք է անպայման պաշտպանիչ դիմակով ու ձեռնոցով լինեն։

Հանրային բաց տարածքներում դիմակ դնելը նույնպես պարտադիր է։ Դիմակ կարող են չդնել միայն մինչև 6 տարեկան երեխաները, հեծանիվ վարողները, ֆիզիկական վարժություններ անողները և խրոնիկ շնչառական հիվանդություններ ու սրտային անբավարարություն ունեցողները (վերջիններս պետք է իրենց մոտ ունենան համապատասխան հիվանդության փաստը հաստատող բժշկական փաստաթուղթ)։

Հուլիսի 13-ին կառավարությունը որոշեց արտակարգ դրության ռեժիմը երկարացնել մինչև օգոստոսի 12-ը։

Օգոստոսի 5–ին ՀՀ փոխվարչապետ Տիգրան Ավինյանը հայտնեց, որ օգոստոսի 12-ին ավարտվող արտակարգ դրությունը կերկարաձգվի ևս մեկ ամսով, բայց սա վերջին երկարաձգումը կլինի։

0
թեգերը:
Նժդեհ Հովսեփյան, Արտակարգ դրություն, Հայաստան
Ըստ թեմայի
Ներքին զբոսաշրջությունը չի փրկի. ինչն է Հայաստանում «սպանում» տուրօպերատորներին
Արման Թաթոյանը ՀԿ-ների հետ քննարկման արդյունքներն ուղարկել է պարետատուն
Արտակարգ դրության պատճառով Հայաստանում մնացած 4071 քաղաքացի Ռուսաստան են վերադարձել